تقييمكم لحركة منال ..

حركة مستفزة متخصصة فيها جنسية معينة متعودة عليها في بلدها وتشوه المنظر وتترك اثار حتى بعد ازالتها خصوصا اعلانات الالياف البصرية والا بيع الأثاث ومكافحة الحشرات تغيروا صاروا يعلقون بطاقات اهون، لا بد من اجراءات صارمة.

عندي طريقة أطلب الشرطة واتصل على الرقم الملصق واشبكهم مع بعض كذا تنتشر حركة البلاغ ثم ينتشر الخبر بين العمالة لو تلصق ملصق الناس صارت تكلم الشرطة وترفع بلاغ وحبه حبة تختفي الهمجية

ثم القمي ازعاج السلطات

مافيها ازعاج الشرطة في خدمة الشعب ومن يحميني من التعدي على باب البيت هم يتلونهم ويأدبونهم وتلقى بعضهم مخالف

روق

@xmommzq روق ولا مطير

@Norahfmq @xmommzq روق والا برقا

@osamah016 @xmommzq ال روق 😂

ماينفع معهم الا كذا .. سويتها مع حق نقل عفش وصيانة تبريد بعام 2017 بمدخل عمارتي ولا عاد شفت لصقة وحدة بعد كذا .

عليها مخالفة ترسلها للجهات المعنية

بدون تعقيد الحياة أبسط من هذا كله

تصرفها يستهلك وقت وجهد بس أنه يبرد الخاطر

اول شي مخالفين وتعدي على منازل الناس مايستفزني فعلهم قد السذج اللي عندنا اللي يبررون لهم حزب اللطافة حرام ياخي فقراء والله انت الفقير يجي الاجنبي يخالف القانون وتجي تتعذرله يارخمه

كان بإمكانها تشيلها وينتهي الموضوع ، بس هذي عقلية المرأة إذا مسكت شغل ...

اللهم ارزقني وارزق مني لعل تصويرها باب رزق لهم

اوووو 🥹🥹

@n_f_c1122 عاد انت مطبل عيال الراجحي

@n_f_c1122 هم تاج راسك

@n_f_c1122 راسك انت

@n_f_c1122 يعني ما عندك فلوس مثلهم ولا أخلاق مثلهم

اختفت هذي الاعلانات في كثير بلدان.. بعد ما صارت تنزل عيهم رسوم وضريبة الاعلان.. لو ينزل على رقم اقامة صاحب الملصق الف ريال قيمة اعلان، بيجي يركض يزيل الملصقات..

دلال ذكرتني بسالفة هالشيبة الأمريكي الله يكفينا شر المكايد

كفو عليها وهذا المفروض اللي يصير 👏🏻 يعني من قلة الادب والوقاحة والهمجية تجي تشوه بيوت الناس بملصقاتك القبيحة و تتعدى على املاك الناس وتشوه مداخل بيوتهم اللي دفعو فيها دم قلبهم علشان مصالحك ! لدرجة صارو يدخلون داخل العمائر السكنية ويحطو هالملصقات على ابواب الشقق !! عموماً المفروض بعد ما يخلص كل واحد منهم ياخذ كف ووحده ثانيه على قفاه وهو ماشي علشان مايتعودها ، لأنهم اصلاً متعودين على هالمعاملة في بلدهم اذا سوو شيء غلط .

منال سمعت كلامي!! 😂😂😂😂😂😂😂😂😂😂😂😂

تذكرك خالي الله يرحمه عنده كابرس 88 وردة شاف ستيكر تشليح على الموتر دق عليه ويوم وصل قاله شيلها 😂💔

وش لكم في وجع الراس انا فاضي اتصل على كل واحد وانتظره يجي يشيلها بلغت 940 بلاغات البلدية جو مشكورين ازالوا كل الملصقات نوع البلاغ مخلفات إعلانية

انا حطيت هذي الصورة وماشفت ولا عامل قرب

منال بتستاهل جائزة

شوف هي كانت تقدر تجيب عامل ينظفها وتحط تحذير ‼️ بس حركتها بتأدب كثير غيرهم ، ومن ناحية ثانية احس تضايقت بعضهم بيجي وهو مبسوط وخسر بنزين عشان يشيل ملصقاته وبيصير درس له مايحط إعلانه بطريقة مؤذية .. 🏷️

صحيحة 100 ٪ محد سمح لهم ولا استأذنوا، خلهم يشيلون قراطيسهم مثل ماحطوها.

انا اذكر ان وضع ملصقات أو أرقام على الأملاك الخاصة ممنوع وفيه رقم بلاغات لكن نسيته ونزل تحذير انا عندي عماره توني اشطب صارت سبوره اعلانات وحسبنا الله ونعم الوكيل

الله اللهم ارزقني وزرق مني

اللهم امين هات باب قراجكم عندي اعلانات ودي أحطها عليه

هههههههه

كانت تقدر تشيل الملصقات بنفسها بدل ما تكذب عليهم وتعنيهم بالشموس جايين يدورون رزقهم ويتفاجؤون بنذالتها! الملصق صح مزعج بس تراه طريقة تسويق مثل إعلان يوتيوب اللي تنتظره ثواني وتكمل المقطع، كانت تقدر بثواني تشيل المصلق وتعيش حياتها عادي بس حبت تسوي محتوى على حساب الضعوف 🤷🏻‍♀️

قسم بالله انها كفو الهمجية ذي يسوونها ببلدانهم مو عندنا وش ذنبي تكون واجهة بيتي اعلان لكل من هب ودب

معها حق ، ليش يشوهون بابها لاتقولي يترزقون ، الرزق مب على تشويه ممتلكات الناس

كفو 🤣

يجي غيرهم مادروا ويحطون ملقصات الحل الوحيد تدخل البلديه اي ملصق يوضع تتصل على البلديه ويحاسبونهم بمبلغ وقدره يعني يسجل كمخالفه تشوه بصري

صح غلطانين بس المقطع حزني جايين يدوروا شغل وفلوس ويكتشفوا انه بس شيل الورقة اللي لصقتها وروح 😑

حركات البكستن والبنقاله بس والله كفوو عليها المفروض فيه نص قانوني يغرم هذا الفعل لأنه هذا تخريب وأكثر أماكن يحطون فيه الملصقات صندوق الكهرب.. الآن فيه كمان موضة مناديب شركات الإتصال يجون يلصقون في المصاعد داخل البيوت ونعرف أكثر شركة تسوي هذا الفعل..

لبى كيد النسوااان

انا مسويها عام ٢٠١٣ 😅

ماكان فيه جوالات ذيك السنة !

الا والله ونا ابني بيتي في الندى لقيته كاتب على عداد الكهرب بناء مشبات وكلمته وجبته وتم التعامل دقيقه مسوي نفسك صغير عام ٢٠١٣ انت الي كنت تفحط بحارتنا ايام البلاك بيري

😂😂😂😂

قديمة الحركة

ما سألت عن تاريخها .. نبي التقييم بس

والله انها كفوووو هذا اللي ينفع معهم اشغلونا بذا التشوه على بالهم انهم في ديارهم عادي باقي بس يلصقون على الاوادم

😂😂😂👍

صارلي نفس الشي بعد ماحاولت ابلغ الامانه يقولون اختصاص التجارة ابلغ التجارة يقول جب اسم المؤسسة وموقعها قلت افضل حل اتصل عليهم واحد واحد وخليتهم يشيلونه