تكفى لا تركب LED وتعمينا اذا ما عندك عدسات

يركب بالعادي والعالي والسكن والكشافات الي تحت تناظر المرايا ملعب وراك 😂

صادق 😂

صادق والله انا ركبته للاكسبديشن عندي بنصيحة من محل زينة قسم بالله ياني اشوف الناس متأذية واللي يأشر بيده وفي واحد وقف في نص الخط وفي اليوم الثاني رجعتها للمحل وقلت للعامل ياخي الله يسامحك وبس خليتني اتحمل اذية الناس ورجعت الهالوجين ليه يسمح للمحلات بييعها ؟؟

أنا تعبت منهم! دايم أسافر بالليل وأزعجوني غير المستهتر يلي حاط زنون فالكشافات 🤦 لازم يمنع الزنون و أتمنى ينزل نظام يشترط مواصفات أساسية زنون عدسات +ABS+ كاميرا خلفية + حساسات خلفية + فل أيرباق مو معقول لحد الان تجينا سيارات جديدة بهالوجين!!

الرياض صاير الوضع كنك في غابه تتكلم عن ايش وتخلي ايش بالله ! من عطو هالعمالة سيارات وحنا مالقينا خير لايفتحون لك الخط و يمشي ٨٠ و الشارع سرعته ١١٠ بالمسار الايسر ولا الي على جواله و الموتر يترنح ولا انوار الزنون

اللي وده يركب لد بس ما عنده عدسات اركب هذا النوع بدون ما تفك شمعه بس اتاكد انه ما في شيء يغطي العدسه من قدام

الى يركب له محلات الزينة ولا الزبون راعي السيارة مايعرف اغلبهم شخص يقول رحت بغير شمعة وكالة نصحة راعي محل الزينة بتغير الى led زينون تخيل معي افجي وركب عليه زينون والله يقول كلن يوقفه حتى نقاط التفتيش تبهذل وبهذل الناس انصح حقين الزينة عدم التركيب للسيارات الى ماتقبل لايصير همك💸

مفروض مخالفة زي زمان على الزينون

الليد على عشرين يركبونه 🤣🤣🤣🤣

فعلاً .. خرابيط الغرابي لابد يكون فيه حد لها من الجهات المعنية في ايقافهم ومخالفتهم لانها تدخل ضمن التلاعب ومثل الازعاج الصوتي فيه ازعاج ضوئي .!؟

مخالفة مخاااالفة ضروري عليها مخالفة لان فيه مخلوقات ما تفهم ولا تستوعب …

أذكر صار ظرف طارئ لخويي ومشينا على موتره للدمام عقب العشا وأنا اللي أسوق، عقب سعد ما صدقت أول محطة.. ما أشووف الخط أثاري ولده مغيرها شمعاتها ليدات، وزين أن الأصلية بالدرج، وأفك الليد وأركب الأصلية.. وأكمل الخط المفروض المرور يعاقب المحلات عليهاا

مع التحية الي امن الطرق ليتهم يصادرونها اذا ركب ليد والله اعمونا

والله هذا الي اقوله دايم ، استغرب المرور مايخالفهم

سلام كليم 👍🏻

@FaisalGh1997 اكثرهم المناديب راعين السوزكي ولا السواقين المفروض والله عليها مخالفه

خاصة اصحاب اكسبدشن وياليت يصدر قرار منع بيعها ومنع تركيبها ويكون عليها مخالفات

ياكثر مادعيت على اللي يركب هالعدسات ان الله يعميه تعاني عيوني من حساسية الضوء وضعف النظر والبس عدسات طبيه بمجرد ماأشوف طريقي وانا اسوق ويكون خلف السياره عيوني تدمع من قو النور . اذيه الله يمحيهم.

كلامه صحيح، لمبات LED إذا كانت شدة إضاءتها عالية قد تسبب إزعاجا وتؤثر على رؤية مستخدمي الطريق، وهذا ينعكس على سلامة الجميع. الالتزام بالإضاءة المناسبة واحترام الآخرين يجعل القيادة أكثر أمانا . #السلامة_المرورية

كيا تركب ليد عاكس ع بعض الفئات والفئات العليا عدسة ومع ذلك تحصل رؤية واضحة جداً وماتزعج الناس وحتى اذا سافرت قليل تشوف اللي يحتاج نور عالي عشان يشوف وهذي حركة بطلة صراحة

ركبو معليكم انا حاط زينون عادي

والله اي سياره حاط الليد الازرق ادعي عليه والله ازعاج مو طبيعي ما اوصل البيت الا عيوني تعبانه من الاضائات ذي

انا مركب ليد على عدسات الوكالة ولكن مافيه ( كت اوف ) والنور منتشر ! ايش المشكلة ؟ مع ان الليد من شركة محترمة والتركيب في كراج متخصص

بيض الله وجهك اخوي عبدالرحمن ياليت يتم عدم اجتياز الفحص الدوري لأي مركبة مركّب فيها لمبات LED غير معتمدة من الوكالة، حفاظًا على سلامة الجميع، وأتمنى فرض مخالفة على من يستخدمها . لمبات LED مزعجة جداً ومؤذية الله المستعان

اي والله اتعبونا لاتصيبك دعوة مسلم بسبب هالأنوار

اي والله الله لايوفقهم

قسم بالله الوضع مسخره مع هذي النوعيه

انت تكلم مين؟ الشباب؟ اصلاً هم مستقصدين انها تشع بعيونك وتوذيك وتعميك ويرفعون الوزنيه فوق عمد

والله كاثرين مره لاحظتها خاصتا سيارات المناديب زينون ولا ليد بدون عدسه اقسم بالله تجهر بشكل ودي انزل الشماسيه 😅

علم ذا الزيود والزوله والمصاريه والاجانب اللي عندك

وأنا أقول ليش ما عدت قادر أمش بالسيارة في المساء، والله أحيانا لو احتجت أخرج آخذ أوبر أو كريم ولا أني أسوق ووراي كأنه شموس تلاحقني

الشعب غير مبالي او غير مثقف من ناحية الانواع ( عدسات او عادية ) المشكلة تكمن في محلات الزينة والمراقبة عليها وزارة التجارة ، هيئة مواصفات ومقاييس الخ مخالفات من جهة الاختصاص المرور وامن الطرق عدم نجاحها بالفحص الدوري الدعوة تكاملية من الجهات المختصة وبأقل من سنة تنتهي المشكلة

والله كان عندي نية اركب ليد عندي فورد 2004 وانتم عارفين نور الفورد ضعيف احد مشاكل الأمريكي فاللي عنده فورد ايش ينصحنا فيه .

هي اساسا مخالفه مروريه ، والمرور المفترض يخالفه ولكن نشوفهم متفلتين تجيك سياره قديمه ومركب ليد وصارع الي بالدور الخامس بنوره

اتحداك تقنع البدو /// والله اني ماقد شفت واحد الى ادعي عليه بالعمى والجرب