تلاوة جميلة لأحد القراء في مدينة #بريدة من سورة يوسف للآية (وقال يابني لاتدخلوا من باب واحد ..الآية ) ودي اكتب اسم القاريء بس اخاف يسرقونه اهل الرياض 😀 استمع إلى جمال التلاوة خاصة مع آية : (فَلما جهزهم بجهازهم) جميلة جداً ماشاء الله

هذه التلاوة امس 17 رمضان 1447 وهنا تأثر القاريء مع ايات سورة يوسف ( وغلقت الابواب وقالت هيت لك )

إمام جامعنا في بريدة الدكتور عبدالرحمن العليان أبكانا ليلتها وجسد لنا كل أحداث سورة يوسف رأي العين والقلب اللهم اجزهم عنا خير الجزاء وتقبل دعواتنا

ماشاء الله جزاه الله خير

هذا ريان المحيسني ابن الشيخ محمد المحيسني

والله يا انت احرقت التغريدة

هههههههه والله ما قرأت التغريدة فتحت المقطع مباشرة اعذرني طال عمرك

😂😂😂😂😂

@yahyadpd بأي مسجد

@yahyadpd جامع الرشيد في شمال بريدة

هذا المحيسني التوأم له أخو بالرياض وبالمناسبة أحسن صوت إمام ببريدة بالنسبة لي قارئ كان يصلي بجامع العميم وغير مكانه اسمه عبد الرحمن العليان عجيب الله يبارك

صحيح ريان المحيسني صحيح العليان قرائته عذبه

عندنا اخوه انبسط يا عبدالمجيد محنب سارقينه 😂❤️ عسى الله يبارك بهم وينفع بهم ويرحم من رباهم

بالمناسبة اخوه طارق بالرياض (:

كأنه صوت المحسيني

ان شاءالله يحصل د بدر التركي

خذها مني بس آخر رمضان له في بريدة بيخطفونه للرياض ولو شد حيله واخذ شهادات عليا ربما يصل للحرم تلاوته جميلة بشكل رهيب ماشاءالله تبارك الله عليه حدر جميل لم يفقده التمعن في الايات وجمالية الترتيل مناسب جدا جدا للحرم

الله يوفقه يارب

وفي ذلك فليتنافس المتنافسون

@Ubo_Hamad اي والله راحوا كل عيالنا للرياض 🥹

هذا نعني له .. واذا زعلوا علينا المشايخ قلنا رايحين نتقضى للعيد ومرينا عليه ما شدينا له الرحال (:

ابد حج وقضيان حاجة 😂

يشبه صوت ريان المحيسني

ما شاء الله عليه مشكلته فقط توقفاته كثيره

ايه لانه عجل خاصة النفس يقصر مع السرعه

ايه لكن حتى المقاطع اللي باليوتيوب للقراءات نفس الشي فشكلهم اجل ياخذونه من صلاه التراويح لان لاحضته نفس الشي ينقطع نفسه بسرعه فيضطر اذا وقف في موقف خاطئ انه يعيد الايه من اول عشان المعنى

حسب مافهمت انه يصلي التراويح فقط وهذي يبي لها لياقة وتجهيز منذ فتره قبل رمضان

القارئ. ريان المحيسني. عمه الشيخ محمد المحيسني وليس ابنه

الله يبارك لكم فيه ويبارك لنا فيما عندنا تلاوة طيبة الله يحفظه

امين امين

عقب بدر التركي مالهم ضمان ابداً

عندنا اخوه ههههه

القارئ ريان المحيسني والله يقدرنا على فعل الخير 🏃🏻‍♀️

هو والا؟

هذا طارق بالرياض اللي ببريدة ريان

يشبه صوت خالد جليل ماشاء الله اختم معه كل سنة بس ذا وين ببريدة اغدين اختم عندكم

ماشاء الله صوته جميل لكن تصور وأنت تصلي ! مصيبة يارجل بعض الفقهاء يقول الحركة الكثيرة المتوالية التي لو رآها الناظر لظن أن فاعلها ليس في صلاة تُبطل الصلاة فلو مررت عليك وأنت تعبث بجوالك في الصلاة لظننتك واقفاً ليس في صلاة !

خاشعين ان شاء الله والجوال بالمخباة 😂

صوته عادي

اجل الناس ماعندهم ذوق

اقوى وش دخل بالحياة

الرياض عندهم اخوه نفس الصوت الله يحفظهم ويزيدهم من فضله

القاريّ ريان المحيسني جامع الرشيد شمال مدينة بريده على الدايري الشمالي

اخوه موجود بالرياض ماشاء الله نسخه منه

نعم متشابهين الله يجزاهم خير ويبارك فيهم

لاتخاف اخوه بالرياض

فاعل خير😅 القارئ ريان المحيسني جامع الرشيد بالدايري الغربي بريده

ترى اذا سرقوه نبي نتفاهم معك

ابد احتسب الاجر😂

القاري اسمه ريان المحيسني وأخوه في الرياض نفس الصوت اسمه طارق المحيسني في النرجس .. ماشاء الله عليهم ابناء الشيخ القاري محمد المحيسني ..

الي يقلون صوته عادي وش يحسوون بالعكس مزمار من مزامير ال داود الله يثبته ويكتب اجره هكذا يحبر القرءان

ريان المحيسني يصلي بجامع المزيد بسلطانه

اشتغلت(جحادة) القصمان ☺️

😂😂😂😂😂

هذا القاريء ريان عبدالله سليمان المحيسني

حسيت من نبرة الصوت ان فيه من الشيخ المحيسني ،

صحيح ريان المحيسني ابوه الشيخ او عمه الله اعلم

@oops__123 نعم عمه الشيخ محمد بن سليمان المحيسني

@mjedkz ونعم والله فيهم كلهم الله ينفع بهم

عندهم خالد الجليل ليش يسرقونه

كلهم مرغوبين ومميزين