تم اخلاء مجمع الاوقاف داخل مدينة الكويت استعداد الازلته كليا شوفوا بعد اخلائه يذكر ان مجمع الاوقات تم بنائه عام ١٩٧٧ بصراحه لو يتحول الى فندق افضل من ازالته كونه تراثى المهم شنو ذكرياتكم فى هذا المبنى

@m69mf مجمع الصوابر والمثنى والاوقاف من المباني الشاهدة على العمار والبنيان في الكويت . هدمها يمحو الشواهد حتى لو بقت الصور شاهدة . لكن اكيد القرار ما اتخذ الا بعد دراسة وحاجة اما احنا نتمنى استغلاله وليس هدمه

@BFisal1969 تعوّدنا نبني ونهمل الصيانة والترميم وثم نهدم ونبني حتى اصبحت ثقافة . ان نحافظ على المرافق والمباني كتاريخ وكاستثمار طويل المدى غير موجود بينما نرى مباني عمرها مئات السنوات تستخدم بكفاءة وتصبح معالم معمارية وسياحية في الدول الاخرى.

والله حرام يهدون المباني القديمه يرممونها ويضبطونها كشقق فندقيه جميله للسياح او فنادق او متحف تراثي بصراحه نشوف في اوروبا مباني قديمه ومستغلينها ولا هدوها لانه من تراث المنطقه

فعلا خساره كبيره مبنى كهذا يهدم؟؟؟؟ ممكن يستخدم استخدام اخر بدل من المباني المتهالكه او الملاحق لبعض الوزارات بالچبرات الرديئه مباني المناطق التعليميه كانت مدارس قديمه وتحولت لمنطقه تعليمه لاتتناسب مع مستوى بلد كالكويت ممكن الاستشاره قبل الهدم من الممكن الاستفاده منه

هدموا سينما الاندلس الذي تم بناءه فى 1961 وكان يسمى حينها اوبرا الكويت وهذا المسرح يحمل ارث ثقافي عبر فنانين من ام كلثوم الى فيروز وفريد الاطرش والكثير وفالاخير لم يُطوّر كتاريخ فني بل تم هدمه! فلا مقارنة بينه وبين مجمع تجاري يهجرونه ان زادت اجاراته

خساير ع الفاضي ارممه افضل

@m69mf التصوير والشرح فعلا يحسسك ان المبنى يهبل سبحان الله .. لكن في حقيقة الأمر المبنى يضيق الخلق وين ما التفت طوووفه ! مافي اي شراحه .. في شي غلط ..

مريته قبل كم يوم .. واسترجع الذكريات الجميله .. امشي فيه واهوا فاضي واتسائل وين راحت الناس وين راحت الزحمه .. اللهم اجعل ارحمنا برحمتك

انا من اهل المرقاب اذكر هذا المكان كان لااداره العامه لوزارة الداخليه تجمع فيه سيارات النجده وبجانبه كراج وزارة الداخلية وخلفهم مباشرة الاداره العامه للمرور وبجانبهم مدرسة الصديق المتوسطه ومقابلهم وزارتى الكهرباء والاشغال

الهمبرجر مع البطاط كان عجييييب بقهوتهم اللي تحت

وكأن بعض الأماكن لا تُهدم... لأن ذكرياتها تبقى، وإن غابت معالمها. وداعًا مجمع النقرة... سيغيب المبنى، وتبقى الذكريات.

الصراحة أنا ماشوفه تراثي مبنى من الداخل مُعقّد كله دواعيس الآن بالإمكان يتم مبنى جميل وتستغل المساحة بشكل افضل

صح لو تاخذه احدي شركات الفنادق وتعيد بنيانه وترميمه ليصلح فندق مع مجمع تسويق ومطاعم

هالمكان كان شاهد على جمعة أمي وخالاتي 🥺

مبنى قبيح تصميمه سيئ ازالته افضل وليس تراثي حتى يتم الاحتفاظ به وإنشاء مبنى حديث به مواقف لخدمة المنطقه ومول راقي افضل في العاصمه

مصر حولت مباني الوزارات الى اوتيلات واحنا مراكز تجاريه وحلوة تعتبر حديثه مستصعبين يحولونها

للأسف، سياسة الهدم الجائر للمباني التاريخية لن تترك للأجيال شواهد تحفظ الذاكرة، ولا معالم تروي ذكريات الأماكن

حسافه من ١٩٧٧ مافي تاريخ عندنا مافي الا عمارة الغانم شارع الجهراء بزاويه تم ترميمها

مجمع الأوقاف يصلح فندق لأنه صرح معماري كبير .

للعلم صمم ليكون مجمع سكني في قلب العاصمة مع خدمات. وتم وقفة لخدمة المجتمع. والباقي تاريخ.

بالفعل مبنى جميل جدا ومميز في تصميمه اتمنى يتم تحويله لفندق مثل فندق ذا نيد في الدوحة

المبنى تصميمه جميل وشرح نتمنى يعدون النظر في خطتهم ويحولونه لشيء مستدام حفاظاً على طرازه المميز

تذكرت الالعاب والهمبرجر والبطاط كانت عندنا وااو😂وتجهيز الدراريع كشخه

فندق أفضل وموقعه زين وسهل وكل قديم له ذكريات وكذلك بنيانه جوده

كان مجمع ناجح من ضمن المجمعات المحدودة آنذاك في الكويت ومحلات مميزة للدراريع والأواني المنزلية وكان فيه العاب للأطفال ولاننسى كابتشينو بومرزوق 💖

@m69mf يهدمونه أفضل تصميمه قديم جم عمر سوق شرق؟ لازال تصميمه حلو

قبل وصول بص حزرتك كان الابداع والعمل بامانة بكل مكان

اشوف ماتكلمتوا علي الكراجات المخيطه فيه من جميع الجهات ومشوهه المنظر ونفس الشي بالشويخ اللي موصناعيه حل ربعه محل كراجات لتصليح السيارات مناظر قبيحه مشوهه للمنظر يحتاج الموضوع الي تحديد اماكن غيرها

مو حلو مرعب والسقف الواطي ماينفع خلاص غمته

@slsann1991 كنت اروح محل المغوار اللي بعدين صار بابل وحاليا RTC كنت احب الالكترونيات وهو اقوى مكان لهالشي

اللي متألم مو عشان المبني راح.. عشان عمره اللي قرب يروح😳

مثل هذه المرافق يجب اعادة ترميمها لاهدمها ..

المجمع انتهى وأصبح مهجورا من ٢٠ سنة أو أكثر نتيجة عدم التجديد والتطوير..وبالنسبة للفيديو صحيح هناك نواحي جمالية لكن المجمع من الداخل به عيوب كثيرة منها ارتفاع السقف المنخفض جدا وكثرة عدد المحلات قياسا لحجم المجمع طمعا بزيادة الايرادات..مما جعله أشبه بالأسواق الشعبيةمؤخرا..

وين رجعت فينا شريط الذكريات الحلوه والجميلة ايام كانت الحياة بخير وبساطة الناس .........😟🌹

بعد ماكنت اروح لمثل هذي العروض وصلت لقناعة أروح لجبرة الخضره ولا أروح لهذول والسبب كذا مره اروح واحصل الخضره رديءه او حدك تستخدمها اليوم او بكره بالكثير وأكثر ماياخذون منهم أهل المطاعم.... معلش على إختلاف الراى🥀