ثلاثة اعتذر من عزائمهم.

ذكر ثلاثة ماتجاب عزيمتهم. والرابع: اللي مثل هذا المتحدث وأشكاله لا تعزموهم ولو كانوا من أقاربكم.

وأقول أنا ثلاثة اعتذر من عزائمهم ١-من تعرف حاله انه فقير فلا تقبل عزيمته وتكلف عليه ولو لزم عليك. ٢-من خدمته بخدمه فلا تقبل منه عزيمة مهما كان حتى تكسب اجره كاملا انك خدمته لله ويكفيك من الله عظيم الأجر. ٣-من تشك في مصدر ماله يبيع بالكذب او مصدره شبهه لا تغذي جسدك بسحت ماله.

مع احترامي الشديد للشخص هذا منطق النقاد اللي ماينعزم بالاصل. الاصل في الدعوة اذا كانت خاصة لك يلزم الحضور الا اذا فيه مانع لك. الدعوة العامة انت مخير فيها .. اما تشتغل العالم ليش ماعزمتني بالطريقة الاوربية او الامريكية هذا الغلط عليهم انهم عزموك.

الحياة سهله ولاتعيش الدور البوليسي والاكشن الي يعزمني لو قبل ساعة وماعندي شي والله اروح عزيمته واستانس واوسع صدري واحينا اروح مناسبات زواج مرسلين الدعوة قبل كم يوم وصاحب العرس مشغول وكويس انه افتكرني ،،، ياعالم خلوكم هينن الجانب ولا نقعد نسوي امور مالها دخل في عزة النفس

اعوذُ بالله علام بعض الرياجيل صارت شرهتهم مثل الحريم ؟؟ الراعي العزيمه من قرايبك او اصدقائك المقربين او جيرانك فأنت ما تحتاج عزييمه اصلاً اما اصدقاء دوام ولا في سفر إذا حصلت عندهم عزيمه ( عاامّه ) احضر والطيب اخير من الردى اما إذا كانت ( خاصه ) طبعاً ما اجي كلام فاضي

أظن أن الرجل يوجه رسالةضمنية لشخص معين ولايقصد بها المجتمع ثقافةالدعوة للمناسبات السعيدةسلوك يختلف من مجتمع الى مجتمع ومن فرد إلى فرد وقبولها كذلك في امثلته ايجابيةتقدير الذات و سلبية قطع الوصل بين الأحبة تقديرك للموقف واعتقادك بسلامة نية الداعي أو سوءها يعطيك القرار السليم

والرابع : اللي يقول اعتظار بدلا عن اعتذار هذا لا تعزمه ولا تقبل عزيمته

الله يعين الي عايشين معه وفي محيطه لو قال الرجال لأبوي خبْر عيالك يحضرون يبيني أقول لأبوي لا ليه ماعزمني مباشرة !!! الله يعين الي عايشين معه في البيت زعووووول وشررررراه

ليش تطولها وهيا قصيره عزمك احضر ما عزمك لا تحضر عزمك العزيمه في نفس اليوم : عادي اذا كنت جاهز وتقدر تحضر احضر ما كنت جاهز برسله رساله واتس أقله ما قدرت احضر لأنها جاتني الدعوه في نفس اليوم فما قدرت اجهز وقضينا

الاولى مانتفق معاه لان صاحب المناسبه معذور يتصل على من ويخلي من والثانيه نتفق معاه وبقوه والثالثه لانتفق معاك العزيمه وصلتك

والرابع هذا الشخص النقاد لا تعزمه ولا يقرب محلك

طيب والي ماقد عزمك نهائيآ وش بيكون وضعك بتقاطعة سدد وقارب واحسن الظن بالناس ممكن مع زود الانشغال سهى عنك وتذكرك واتصل عليك وصارت مع الكثير والكل يتقبل بصدر رحب.

طيب عزيزي الفاغر بدق على الاخ الكبير الذي يمثلهم وهو يقوم بالواجب مع اخوانه وهذا ماجرت عليه العاده .. اما الذي بيتحسس من الاخوان ان راعي العزيمه حفظ قدر الآخ الكبير فهذا نفسيه مثلك.. الا اذا كان هناك خلافات قوية وقطع رحم بين الاخوان اعزمهم واحد واحد.

تكفون الي يعرفه لايعزمه الي مثل ذا حتى سلام السنة لاتبديه عليه تقول السلام عليكم يقول في صدره : ليه ماقالي: السلام عليكم ورحمة الله وبركاته كاملة ماني راد عليه 👍

يجب على الزمن ان يتجاوز هذا الفكر الذي ينشأ الاحقاد والضغينة فـ مثل هذه السخافات كانت موجوده بسبب الجهل اما الان يجب ان تكون النيه الطيبه مقدمه على النيه الباطله وإيجاد الاعذار لأصحاب المناسبات خير من الدخول في ليش وكيف ولماذا ؟ عزمك اقبل او اعتذر ماعزمك الاعذار كثيرة وقدرك رفيع

ههههههه.. ذا نقّاد و يدور الزلة، الأول و الثاني لا أتفق معك، الثالث على حسب، اذا فاضي جيته، وإذا مشغول اعتذرت و كملت شغلي.. الرجال ذا مررره شادها. كلنا نعرف اللي يعزنا واللي ما يعزنا، طريقة الدعوة ما اتحدد.. وزمان أصلا الدعوة كانت للغريب، القريب ما ينعزم، القريب هو اللي يعزم.

واضح ماعمرك عزمت احد ولا عزمك احد

سالفة العرس الي قبل يوم ولا يومين وتزعل ماعزمك بدري ليه بتدور لك فستان !! والي يسبق بالعذر خابر ان نفسك شينه ولا يبي يزعل خوانك يبيهم بس مايبيك والي بلغ اخوك ولا بلغك فـ انت وخوك واحد عموما الحمدالله على نعمة العقل بس

الله يصلحه ويهديه وعسى الله يبعدنا عن اللي يدور الزعل والشرهات على القرايب والاصحاب بأي طريقة كانت ويحب يفرق اكثر من ان يجمع(العزيمة وصلتك خير وبركه لاتدقق بطريقة وصولها لك وقدرها لنفسك فقط وانت حر في حضورك او اعتذارك)اذا ماارتقينا باخلاقنا ووسعنا صدرنا محد راح يتحمل الثاني.

ماعنده سالفه

لو ذقت الجوع الي ذاقوه شيباننا ما قلت الي قلت . لكن عندك راتب وخير من الله قمت تعذرب في ظروف الناس. اذا فاضي اجب الدعوة واذا مشغول اعتذر بلطف .

والله ياخي الكريم كلامك غير مقنع ابداً بخصوص لاعزم اخوك ولا ابوك فهم يسدون عنكم وكانه عازمكم جميع ، ان عزمكم او عزم واحد منكم فـ يكفي . بخصوص من يقول لا تجي ان كنت مشغول فهذي تقال فالمسافات البعيده من باب المحنيه مستحيل احد يقولها غير كذا بخصوص الزواج لا صرت مرتبط فـ اعتذر

انت حتى بسكوت موز حرام يعزمونك عليه دام هذا نظامك

هذا رأيك يحتمل خطأ ويحتمل الصح! بس لا تفرضه على الناس ؟ كلن حر في حضوره او عدم حضور منت شريك في رأيه

كلامه غير صحيح يارجل لو مشينا على كلامك ما بقي لنا صاحب ولا قريب ونصيحه لا احد يسمع كلامه

يابن الحلال تراك شادها زيادة عن اللزوم.. الحياة بسيطة، والامور سهلة لا تعقدونها بهالخرابيط اللي مالها داعي اذا عزمك احد وانت قادر تروح رح وقم بالواجب والا اعتذر وفكنا منك ومن سالفتك البايخة

بالمختصر ماعنده سالفه والله يعين اللي حوله عليه 😷

يتبع. فإذا كان الضيف جاء متأخر مثلآ تفاجأ بالضيف في العصر يكون مشغول بقوه وبعد ماينتهي من الشراء للذبيحة ووظعها في المكان المخصص للطبغ ويجيب باقي الاغراض يبداء يعزم . أما الزواج أقول قبل الزواج ب خمسة أيام يكفي للحظور ولاكن نصيحة لك. الله يوفقك جد للناس عذرآ

اتفق معه في كل اللي يقوله 👌🏻 خاصه اللي تعزم متاخره هذه مثل اللي تقول لاتجين 🤷‍♀️ اهم ماعلى الانسان كرامته 🙂

المبالغة في الحساسية الاجتماعية تفسد عليك راحتك

طلبناك يا محور الكون! ليش هالتكلف كله؟ الشخص ما يكون نقاد ويدور للعثرات

وين حسن الظن ؟ وين صلة الرحم؟ وين الالتماس للأخ العذر ؟ ماراح يضر كبريائك ياشيخ القبيلة انت

والله من النعم شبع الواحد وصار يتشره في الفاضي والمليان .

المتكبرين مايدقون على احد ويعزمونه من الكبر الي في انفسهم ويرسلون طرف ثاني ويعزم بدالهم عشان يكون عندهم خط رجعه اذا احد كفو ويخافون منه ويحترمونه وسألهم يقولون ليش ماعزمتوا فلان قالوا والله عزمناه وماحظر وهم كذابين ماعزموه من الكبر والتغطرس الي فيهم لنه يرونه اقل منهم رغم قرابته