ثلاثة أمور إن حصلت فإنها تدل على إنهيار الأسرة وقرب الطلاق !! هذا ما يقوله هذا الفاضل أنا أتفق معه وأنتم ..؟

لاحياة ولا سعادة إذا خلىيت القلوب من الدين مهما تظاهروا ينقسم القش وتبعثره الرياح وإذا بني البيت على أساس قوي تقوى الزوج وصلاح الزوجة فإن الحياة والسعادة تستمر الى مالا نهاية وإذا سبق أحدهما الآخر بعد هذه المدة الزمنية فإن أروآحهم تتابع ماتطول بعده زوجته أو زوجها وهذا صدق النوايا

انا اتوقع انك تدور محتوى وجبت هذا الي ما يعرف يتكلم ويبربر ، والحمدلله ما رد عليك احد .

احترامك للناس يدل على أصلك وفصلك وتربيتك والعكس صحيح.

اذا وجد الدين. والعقل والاصل الطيب طابت العشره....

الحقيقة إن المشاكل التي تكون بين الأزواج ترجع لنقطة وحدة انتهاء المشاعر بسبب التراكمات وما انحلت ، هذة نقطة ، والنقطة الثانية، كثير من الأزواج يسألون الزوجة ليش تلبسين وتتزينين في المناسبات، لكن عند زوجك لا ؟ وهذا سؤال يفتح تساؤلات كثيرة ليش يصير كذا؟ 😇 الزوج غالباً يركز على ردود الفعل وما يشوف الأسباب الحقيقية وراها!! الزوجة يمكن تحس بالإهمال أو عدم التقدير، أو تكون مشغولة بحياتها اليومية وش الحل؟🤔 بدل الانتقاد، الأحسن إنهم يتواصلون بشكل أعمق ، الصراحة والشفافية بدون جرح للمشاعر وبدون وقاحة للطرفين، افتحوا قلوبكم لبعض ، كل واحد يتكلم مع الثاني ويقول له وش يبي، عشان يعرف كل زوج وش يحتاج من الآخر ، السكوت والصمت خطأ، الحوار هو المفتاح لإعادة إحياء المشاعر وتحسين العلاقة لا الغموض وجهة نظر ثانية ✅ المرأة تعكس اهتمام زوجها ، إذا شافت زوجها يهتم بنفسه، طبيعي تحس بالتحفيز وتبذل جهد أكبر بمظهرها ، لكن إذا كان الزوج مهمل، هذا يأثر على نفسيتها وش المفروض يسوي الزوج ؟🙆🏻‍♀️ يتكلم مع زوجته ويقول لها إنه يحب يشوفها تتزين يشجعها على العناية بنفسها، وفي نفس الوقت يكون هو نظيف ومرتب إذا الزوج يلبس سروال وفنيلة وبنفس الوقت يبيها تتزين، فهذا غير منطقي 🤦🏻‍♀️العلاقة تحتاج لمجهود من الطرفين وجهة نظر أخرى ☺️ لما كل الزوجين يحرصون على الهيئة والنظافة والشكل، وكل واحد منهم يهتم بالعطر الذي يفضله الآخر، هذا دليل على إن كل واحد يحترم الثاني ويهتم فيه، وعنده قيمة للطرف الآخر هذا يبين الحب من الطرفين ، كل زوج يبي يسعد الثاني بمظهره ونظافته والروائح الجميلة التي تنبعث منه 😬 وش المفروض يسوي الزوج ؟ 😅 لازم يتزين، يحلق، وينظف شعره زين بالشامبو وحتى لو أصلع يغسل رأسه زين بالشامبو ، ويتروش كل يوم، ويتليف بالليفة حتى يزيل الروائح الكريهة ويلبس ملابس نظيفة، ويتعطر بالعطر المحبب للزوجته تكون ريحته طيبة، وأسنانه نظيفة وما فيها رائحة كريهة يفرشي باليوم مرتين ويقص أظافره ويهتم بمظهره بشكل عام ويحرص كل ست شهور تنظيف عميق بالعيادة لأسنانه ما يصير بس يركز على نفسه لما يطلع أو يكون معزوم ، الزوجة تلاحظ الأشياء بعد ، لازم تكونوا متوازنين في الاهتمام، لأن الزوجة لها إحساس ومشاعر وتحب الشكل المرتب والنظيف وما يصير تطلب من زوجتك إنها تكون مرتبة وتلبس ملابس مغرية وأنثوية وأنت عكس ذلك ، إذا كان كل واحد منكم مرتاح ومرتب، هذة المشاعر الإيجابية تنعكس على العلاقة الاهتمام بالمظهر والنظافة مهم لبناء علاقة ناجحة ومليانة حب واحترام. 👍

نلبس ونكشخ ونتزين وهو جالس ماد رجليه بسروال وفنيله بعد أنا ابي اشوفه مرتب وكاشخ

هذل الانسان يمكن قصده طيب . ولكن استنتاجاته غير صحيحة . يا شباب لا تعتقدون ان الحياة الزوجية ما فيها خلافات بالراي والذوق .. ولا تعتقدون ان اساسها الجنس.. او التزين .. . اعرفوا ان هذا حال كل الاسر .. الأنثى تزن وتحن.. والرجل ملول ومزاجي.. . ولكن الحياة تمشي بالاحترام والتغافل

النقطه الاخيره نفس النقطه الأولى كثرة الجدال = تصيد الأخطاء .. ثم إني اعرف وحده ماتلبس ولاتتكشخ وتقعد بقميص البيت اربع ايام على التوالي وزوجها يحبها ويموت فيها مستحيل يطلقها عشان لبس ومكياج الله لايغير عليهم 🙃 انا مع اللبس والكشخه والاهتمام بس ماهي علامة طلاق

حسابك مفيد لكن تخربه بمثل هذي الأمور لامنطق ولا أسلوب

اختصاراً لكلامك ... نصيحتي .. في حال كان هناك نقاش وزاد عن حده .. عليك مغادرة المنزل واغلاق الجوال لمدة ساعه او ساعتين ... وارجع البيت . وقتها الانفس تكون اهدا والتفاهم يكون سلس وينتهي كل شي . واذا فيه ملاحضات تشوفها في زوجتك فيه طرق كثيره بدون تجريح واللبيب بالاشارة . طبعا من الطرفين . اهم شي لاتتلفظ على زوجتك بكلام فيه قل احترام لاتسب اهلها . لاتمد يدك عليها . صدقني تحطك فوق راسها . وصل الله على محمد 🌿