.. ثلاثمية سنه والشجره اللي طلعها منضود تمد عذوقها لضيوفها وضلالها فيّه من الدرعية إنزاح الظلام وفاح ريح العود بعد ما كانت حدود الجزيره شبه منسيه بدت شمس السلام من آل مقرن والكتاب حدود لقت شبه الجزيره وسطها حاكم ودرعيه بدا التأسيس في ضل الإمام محمد بن سعود بداها... واحتزم لين أشرقت شمس السعوديه مية عام وغلاها في تقدم والرخا في زود وضاموها الغزاه بليلةً ماهيب عاديه لعب فيها الفراق وراحت تراقب هبوب النود تحرّا للأمام وترقبه في كل عصريه توجدها على اللي يلبسون الدرع والماهود هل العوجا ذراها كل مانادت على الهيه تعزوا راعي الأجرب وجاها والبرا مردود وقام يكاون العدوان خياله ورجليه تبرا من عذوله واحتزم بالأجرب المجرود وحررها على سرج الكحيله والصويتيه بعد خمسين عام من الرخا جاها العدو ملهود تصبحها سيوف الغدر وطعون الفداويه تحرا راعي الردات يقبل والزمان يعود على عبدالعزيز عيونها دايم شفاويه تغطرف يوم قال الحكم لله ثم لبن سعود ولانامت قريره لين بان وحط كرسيه موادعها بعد ما ابعد خطاويها عن المنقود وورثها ملوك فالمواقف نارهم حيّه خذت خمسه ملوك ولحفتهم صدرها فالعود وكل حط له في قمّة الأمجاد ماريّه تفانو واستلم سلمان منهم والرخا ممدود مواقف خادم البيتين مسموعه ومرئيه مليك قدّم محمد وجاها يبذل المجهود يحث الركب لعنان السما وتقول ياحيه من السندس والاستبرق يلبسها سليل الجود وصارت درةً عن طمعة الطماع محميه #يوم_التاسيسshow more

عبدالمجيد الذيابي

95,185 subscribers

Teilen Herunterladen