حذرنا وحذرنا ونعيد التحذير 🚩 هذا الحساب الخبيث اسمه ( عاجل السعودية ) تم إغلاقه فورا بعد كشف مواقع الحسابات وهرب وعاد بعد تعلمه إخفاء موقعه ومعروف مكانه ثانياً هذا الحساب الحسود نشر مقطع بخبث عمره شهرين ولصقها بمحافظ صندوق الاستثمارات العامة ياسر الرميّان وكأنه لقاء قريب قبل يومين... يقلد بصياغته الحسابات الموثوقة ووضع مقطع قصير بعنوان المحافظ يقول: "عدد السعوديين قليل ولذلك نحتاج استقطاب عدد كبير أجانب لرفع عدد السكان" وهنا تأتي الكذبة والدناءة من هذا الحساب باقتصاص الكلام ووضعه للعامة فوضعت لكم المقطع الحقيقي وهذا الكلام لم يقوله المحافظ بل نقله على لسان أحد رجال الأعمال المتواجدة شركته بالجلسة الذي كان يقيم مشكلة السوق السعودي للمعالي بأنه: "السوق السعودي صغير وعدد الشعب السعودي قليل" وسأله مالحل فرد عليه المحافظ: "إذا علينا أن نتكاثر أو نستقطب أجانب يعيشون عندنا" على هامش مؤتمر مبادرة الاستثمار والجلسة كانت بعنوان: "لو قررت فتح شركة قبل 20 سنة بالسعودية مالتحديات التي ستواجهك؟" ** وللاسف استفاد هذا الحساب الخبيث من الخوارزميات بتمرير الكذبة واختراق كثير من الناس وكثير تفاعلوا معتقدين انه حساب موثوق او بريء… **انتهى**show more

انا عارف الحساب ذا خبيث لكن انت جايب نفس الترجمه وعجزت اميز الفرق

النص المكتوب بحسابه وترجمة خاطئة بالفيديو .. كأنه المحافظ يقول التصريح

تستهبل علينا انت بعد ؟ ترا نفس الكلام ماتغير شيء وهو نيته انه يستقدم من خارج المملكه ياعالم 🤬🤬أقرفتونا من الترقيع للمسئولين لأجل مصالحكم حسبي الله عليهم وعليكم محنا لاقين وظايف واللي مايخاف الله مدير فرع العمل يبيني اشتغل مبيعات وتخصصي صحي انتم من دمرنا الله حسيبكم

طيب ترجمتك وكلامه نفس المقطع الحساب خبيث وكلنا نتفق ونسوي له بلوك، لكن كلام الرميان نفس الي بالمقطع ما تغير ونفس ترجمتك!

عساس جبت شي جديد نفس المشكلة يبي يجيب اجانب ومسميه حل!!!

تبريرك اسواء من من حقيقة المقطع

يعني ترجمتك نفس الكلام اللي قاله هو 😂😂

حساب حسود او حقود الواقع يكذب اتهاماتك، وكأن انتقاد الوزير محرم

ههههههههه طيب وش الي تغيرلاتقعد ترقع

ما تغير شي في محصلة الكلام نفس النتيجة لا يهم عمر الفيديو ما دام التصريح ضار من الاساس بحيث لا يعرف هل مملكتنا تشهد عجز سكاني حالي سواء من المواطنين أو الأجانب يلبي تطلعات همة حتى القمة أم هناك فائض سكاني يستهلك و لا ينتج في ظل الحركة الصناعية و العمرانية؟ كل يوم تصريح تتعجب منه

غير صحيح يا اخ عبد الله الحساب ما تم اغلاقة ولا شي ولا حتى هرب من الاساس الحساب خارج المملكة وانا ياما نشرت عنه قبل سنتين و وضحت من يقف خلفه . كشف مواقع الحسابات يا اخ عبدالله ليست دقيقة بل اعتمدت بشكل كامل على آخر عناوين IP استخدماً للحساب وليس الموقع الدقيق الحالي وشكراً..⬇️🌷

الحساب في لعنته السؤال الرميان قالها كحل لمشكلة حجم السوق واللي نشوفه فعلا استقطاب الاجانب مفتوح بشكل مهول وعددهم في تزايد والمشكلة اغلبهم من فئة العمال اللي ما راح يصرف بل للتحويل الاموال وبعضهم جاي يسوي اي شي لو مخالف من اجل المال

شوف من يتابع

غبي مايعرف يتنكر😂

ندري انه حساب خارجي بس مين عطاه فرصة؟ والمقطع حرفيا ماتغير شيء بعد ترجمتك

وأنت تشوف أن رد المحافظ يوم قال إذا علينا أن نتكاثر أو نستقطب أجانب يعيشون عندنا عادي ومافيه شيء، بدل ما يقول يجب أن نوفر الوظائف لشباب السعوديين ونرفع رواتبهم عشان يقدرون يتزوجون ويعيشون حياة كريمة مثل باقي البشر، راح يقول نستقطب الأجانب ونعطيهم الوظائف ونترك الشباب السعوديين !!

واضح من صياغة النصّ و تحديد هالنص بالذات ان حساب خبيث مشبوه عشان يثير الفتن كذا دايم الحسابات اللي تاخذ جزء من الحديث و تعيد صياغته بطريقة يساء فهمها هي حسابات خبيثه

حبي شايفنا هطوف عندك وش دخلنا في صاحب الحساب هذا الرميان وهذا كلامه وفهمناه

بعيدا عن توجهات صاحب الحساب فأحد مستهدفات الرؤية يكون عدد السكان من ٥٠-٦٠ مليون عام ٢٠٣٠.فاذا كان عدد السعوديين بآخر احصاء ١٨مليون فكيف بيتم تحقيق المستهدف؟ تصريح الرميان يبدو متوافق مع المسهتدف

الشي الغريب بعد ماأخذت لفة على متابعي الحساب فيه شخصيات كبيرة تتابع الحساب

حطهم بالمنشن باللهي عشان نوعيهم

@MISHALALSAUD19 @amhfarraj @AbuBasel1396 @AlhzzaMohammad @latifahbinhumid @_iimbi @Adnan_Jas @aaaljasser @dr_fahad_harthi @Hafez_AlMedlej @Tai_Alshammari @binsaeed @aldahlawi

@MISHALALSAUD19 @amhfarraj @AbuBasel1396 @AlhzzaMohammad @latifahbinhumid @_iimbi @Adnan_Jas @aaaljasser @dr_fahad_harthi @Hafez_AlMedlej @Tai_Alshammari @binsaeed @aldahlawi @AlnajjarHazem1

أعتقد أن أفضل وسيلة لتوعية الناس هي إلزام جميع الحسابات بكتابة رقم الرخصة الإعلامية بوضوح، ليعلم المواطن أن من لم يُرخص هو حساب شبح، وغالبا لا يريد بالناس خيرا، فيُتقى شره منذ البداية. فدس السم مع العسل ليس كل أحد ينتبه له، لكن غياب الرخصة يجعل القرار أبسط بعدم المتابعة وعدم منحه أي قيمة إعلامية. وأخيرا وليس آخرا، فإن جميع دول الخليج اختارت النموذج التنموي التوسعي، ولم تتجه إلى النموذج النرويجي. نحن نستخدم أموالنا لتنمية أوطاننا عبر المشاريع الكبرى واستقدام العمالة الأجنبية، بينما اختارت النرويج توظيف أموالها في تنمية أسواق المال حول العالم وترك اقتصادها المحلي معتمدا على موارده الطبيعية، وكأنها لا تمتلك نفطا. وكلا النموذجين صالح ومناسب، لكن لكل بلد ما يلائمه حسب ظروف الزمان والمكان.

@AbuEyas_1980 فسر الماء بعد الجهد ماء وعلى قولت الاولين صبه رده ليتك ما عقبت

انت عبيط ولا تستعبط ؟

بِغض النظر عن قول الرميان هل هو إبتداءًا أم إجابة على سؤال رغم أني لم أجد فرق بين قولك و القول الذي اعترضت أنت عليه . السؤال الأهم هل استقدام أجانب سوف يحل مشكلة نقص السكان ، هؤلاء يبقون أجانب و إقامتهم مؤقته . السكان هم أهل البلد و لن يحل محلهم أحد و لن ينفع البلد غيرهم .

ههههههه حلل الماء بعد جهد بالماء .. معاليه قالها ولا ماقالها ؟

سواءً قاله معالي المحافظ او لم يقله ، السوق السعودي ليس كبير بسبب قلة عدد السعودين وهذا صحيح . عددنا 18 مليون . الاجانب 13 مليون . غالبية المقيمين من دول فقيرة ورواتبهم في حدود 300 دولار .

وش الي تغير كلامه نفس المقطع؟ ولا بس تبونا نرقع ونطبل ومحد ينتقد القرارات الخاطئة خاصتا الكلام من احد رواد الاقتصاد السعودي وله نفوذه وذي افكاره للاسف

وش رأيك في التغيير الديمغرافي طيب ؟

نفس الشيء ونفس الترجمة وفعلا عددنا قليل جدا مقارنة بالمساحة والخير اللي عندنا الحمد لله ليه مافيه وظايف ولا رواتب عالية وحتى اللي موظفين رواتبهم زي الزفت ليه ؟ مليون سؤال برأس كل واحد منا

نفس الكلام وش الي تغير ؟؟؟

يعطيك العافيه عالتحذير وبغض النظر عن توجهات الحساب. بس اشوف نفس الكلام اللي نشرته هو نشره وما فبرك الفيديو

@20166Issa كذا كذا إجابة المحافظ خاطئة وما تنم عن ذكاء أو فطنة أو سعة علم، كيف عدد السعوديين قليل والجامعات كانت تخرج ألوف مألفة من المواطنين المستعدين للعمل، حتى أن الحكومة من عشرات السنين كانت تلزم المنشآت الخاصة بتوظيف السعوديين بسبب البطالة

ياخي اشوف ناس كثيرة ترد عليه واللي استغرب منه انهم مجتهدين بالردود والمصطلحات والفكر واشياء كثيرة يعني كل هالذكاء فيهم ولا عرفوا ان هذا منتحل وكذاب؟ اشياء غريبه عجيبه

طيب يا أخي عبدالله لو قلنا الكلام اللي قلته صحيح وفسرناه بالتفسير الصح هل الحل الثاني ماله اي حل آخر غير انك تجيب أجانب ؟اذا بتجيب أجانب يبغاله وظيفه والوظيفه راتبها دبل راتب السعودي ثلاث مرات وفلوسه راح تذهب إلى بلده وبالآخير هو وأسرته وبلده المستفيدين كما حصل في شركة معادن قبل شهرين في راس الخير اجنبي أمريكي تم فصلي أنا ومجموعه من السعوديين مايقارب ٥٤٠ سعودي وقام بتوظيف أجانب كل اجنبي مرتبه الشهري قيمة راتب ثلاثه سعوديين من السعوديين الذين تم فصلهم ليش كذا ؟ أنا ضروفي صعبه لدي منزل من البنك اقصاده الشهريه ٨٩٩٩ ولدي قرض شخصي ٣٠٠٠ شهريا ليش الشركة تسمح بان الأمريكي يهدم بيتي وبيت أسرتي ويتركني بالشارع في اي وقت البنك راح يسحب منزله ليعزز من مستقبل الأجنبي الذي جابه مكاني امر حاليا بضروف صعبه ونفسيه سيئة وكل مره افكر وأفكر بان اضر نفسي لكي يتوفاني الله ليبقى المنزل باسم أسرتي لا عندي راتب ولا عندي راتب تقاعدي من وين آكل واشرب واسدد فواتير الكهرباء الموضوع ياعبدالله يقتل كلمني اتصل فيني عشان تعرف معاناتنا الذين تضررنا عشان كذا نهاجم الرميان لايعلم ما هو الضروف التي نمر فيها الان

اذا ماكان قاله الرميان فقالها الفالح قبلة وفعلها احمد الراجحي علنا فلا تجي تنظر علينا بالوطنية وتخونا اذا فيك خير قل فيهم شي ولا ابلع لسانك لابوك لابو كل مسؤل فاشل

المهم في الموضوع : قالها او ما قالها ؟!! ليش اللفه الطويلة ؟!! 😏

مافيه فرق نفس كلامه سوا اللي نشره ذاك الحساب او غيره... الترقيع ماعاد يفيد مع كثرة الوعي