حرفياً ما نحس بطعم العيد الا اذا سوا ابوي الزكاه كذا وخلى كل واحد يحط حقه كانت فعاليه حلوه حلووووه ولا زالت غرست فينا حب الخير واسعاد الناس بالعيد اتمنى انها ما انقطعت وان فيه كثير ناس يسوونها للان🥹❤️

صراحه عادة جميلة وبتظل ب ذاكرة الطفل م عرفت ان يطلع عني زكاة وبعيد الفطر الا لما كبرت 😅 ودرست لو سواوه معنا كذا م نسينا وعرفنا من الصغر 🙂

صادقه كلشي بالطفوله ينحفر بالذاكره

الله يرحم ابوي عن النار كان يقول وين الصاع وين المد واللي يجاوب له ٥٠ ريال ويحط لنا ملابس وشعير ورز وفلوس ودجاج ولحم ويقول هل يجوز اخراج زكاة الفطر في هاذي ونجاوب طيب في هاذي، مره حط لنا حلاو وشكينا كنا صغار نشوف الحلاو يتوزع نحسبه هو الزكاة وهو العيدية ووضح لنا الفرق .. جعل مثواك الفردوس الاعلى ما انقصت علينا من علم تعرفه ولا من تربيه🤍

الله يجعله بالجننننه

يارب اللهم امييين وموتى المسلمين🤍🤍

الله يرحم ابائنا راحو وراحت معهم هالعادات ويجي الاضحى ونتذكر شلون يسمون عليها ويذكرون اسماء المضحى لهم

الله يرحمهم

اللهم امين

امي الله يجعلها بنعيم تعلمت منها انو لازم حلاوة ومعمول العيد مع الزكاة للاسره اللي نودي لها ..

الله يجعلها بالجنننه

الصاع مازال عند ابوي والفعاليه كل عيد الله يحفظ ابوي ويطول بعمره

نفسسكمم

ماشاء الله أول مرة تمر علي هذي العادة، الله يطول بعمره ويخليه لكم

الله مره حبيت الحركه 😍 احب الآب و الام اللي لهم طقوس خاصه في البيت اللي يصنعون لعيالهم مشاعر و يحسسونهم بالعيد احنا كبرنا وجزء منا بقي في هذيك اللحظات وعيالنا بيكبرو ويارب يذكرونا بلحظات حلوه وعيد دايم مختلف وسعيد

عوايد امي كل سنة تخلي الاحفاد يكيلون زكاتهم بأنفسهم الله يطول في عمرها و يجعلها عادة ماتنقطع ياااارب العالمين🙏🏻❤️

ابوي الله يرحمه غير كان يخلينا نروح نشتري زكاتنا كل واحد فينا. ويخلينا ندور على ناس محتاجه. من جيران او عمال او عزيز علينا ونسلمهم الزكات بيدينا نجلس ندور بلحاره ونعطي

أنا كسرت قلبي الكومنتات اغلبها ترحم عالوالد 😭😭 ربي يرحم والدي والديكم جميع جعل ربي يدخل الآباء جنات النعيم من غير حساب ويتخطى عن ذنوبهم وخطاياهم 😭😭😭

تذكرت صالة بيتنا والميزان اللي يجيبه أبوي من البقاله الله يغفرله ويتجاوز عنه ويكرمه بالجنه ونعيمها

ياسلااااام .. وكان الصاع يدور على اهل الحاره😭

لا الصاع عندنا مقدددسس ما يطلع من البيت

ماشالله عليه وش هالعادة الحلوه 💞مستحيل تنمحي من عقل الاطفال

ماشاء الله والله شي حلو انه الصغار يتعلمون ويسوون من نفسهم ربي يطول بعمره ويحفظه لكم 🤲🏼🤍

امممين

خنقتني العبره ، جعل ابوي بجنات النعيم يارب ☹️💔💔

اممممين يارب

الله يحفظ ابوي كان يخلينا نطلع الزكاه معاه وكان لها شعور مستحيل انساه وقبل رمضان كان يجيب التمر ويخلينا نوزعه ب اكياس ونعبي الفريزر ويخليها تحت بالدور الارضي عند الدرج ويفتح الباب للمحتاجين يجون ياخذون تمر من الفريزر صدقه عن جدي الله يرحمه ويرحم جداتي وجميع موتانا وموت المسلمين

معليش انا ضد مره م حبيت انو الكل يمسك الرز بيده وتنفك كيسه الرز خلاص الكل عارف الصاع كم مقداره ويجبون الكيلوات مكيله جاهزة وكذا يوصل الرز مغلف ونظيف هذي العادات اول الناس تاخذ اي شي الحين صعب مره ومحد وده يقدم شي مفكوك ومسكر💅🏻

مقدار زكاة الفطر صاع من الطعام عن كل شخص وهو ما يعادل تقريبًا ٢،٥ إلى ٣ كجم من قوت البلد (الأرز)

فكرة حلوة ودي اسويها العام المقبل ان شاء الله بس من وين نجيب الصاع ؟

للاسف ماعمرنا سوينها رجالنا يخرجون الزكاة وخلاص اسال الله القبول

احنا نسويها لليوم والله يرحم جدي وجدتي لها فقدة بدونهم💔💔😔😭كل واحد يعبي الصاع حقه😭علشان يستشعر الموضوع

ممكن تفعلون هذا السلوك الإيجابي والتربوي بنشر الفيديو.. والحث ع التفاعل معه من قبل الجميع.

لا طبعا منصة إحسان تكفي و توفي وترسلها في قروب العائلة و يعم الفرح والسرور الناس ما تبي رز و تمر تبي فلوس

ويگولون ليش أحب السعودية

حلوه الحركه ماشاءالله

عمري تجاوز الثلاثنين ومازلت اتذكر واتشوق للفقره هذي من ابوي الله يرحمة واروح معه نوزعها 🥹

عاده حلوه الله يرحم ابوي ويسكنه فسيح جناته وموتى المسلمين كان يوزعها ويقول كل واحد يودي حقته الجيران

الله يبارك فيه ويبارك في أولاده ويصلحهم

هذاااو اخوتك كلهم والا في من عيال الجيران عندكم

كان ابو الله يرحمه يجمعنا كلنا في نفس هذي اسفر او بساط ينزل قمح ولا أرز. ثم ياخذ المد وبدا من الكبير الي اصغير هذ مد فلان وهذا عن فلانه الله يرحمه ويرحم امي ويرحم اخوي عبيد الله

هذا مقطعي بالتيك توك ولم يستأذني احد لإعادة نشره

@betoo300 ماشاء الله عليهم الأطفال منتبهين ويركزون على طريقة حساب زكاة الفطر

كان يسويها ابوي الله يطول بعمره الحين البيت مافيه غير ابوي وعمتي والشغاله كلنا متوظفين وطالعين من البيت واعتقد هذه العمل من السنه اذا احد يفيدنا

الله يرحمك ويغفر لك ياابوي فعلا كان يعمل كذا

مثلكم عندنا العاده ذي ابوي الله يطول بعمره لازم يجمعنا كذا