حياكم المزرعة عندنا بالعبدلي اشتروا الخضار بالسعر اللي تبون حتى لو تدفعون خمس فلوس حلال عليكم. عندنا اكثر من ١٤ نوع من الخضار من الارض لين سيارتك كزبره فجل ٣ أنواع بقدونس شبنت كوسه زهره فلفل بارد فلفل حار بيذنجان قصب السكر ذرة بقل خس جرجير خيار حطوا السعر... اللي تبون واخذوه ولا ياخذونه العصايات و يبيعونه عليكم بأعلى الاسعار. وراح تشوفون خضار ما شفتوها من قبل و مستخدمين مياه عذبه و اقل المبيدات الآمنه و بعضها ما نستخدم مبيدات اللي نوكله الناس احنا ناكله ببيوتنا. هذا عنوان المزرعة هالعرض للخضاروات فقطshow more

بارك الله فيك اخوي فهد وفي مزرعتك وجعلها الله الأراضي الطيبه المباركه لكن العرض ليش بس على الورقيات خل العرض على كل شي تنتجه المزرعه 😜 جذي يكون العرض مغري اما الورقيات لو أخذ من كل نوع مايطلع حسابي نص دينار اما جذي يعتبر إعلان مبطن للمزرعه

ما نحتاج اعلان ياخوي الكل يعرف مزرعتنا بالنسبة حق الأصناف الثانية البهارات مو لنا حق ام محمد عارضتها عندنا والعسل هذا مره وحده بالسنه منتجه عسل السدر واذا تبي تاخذ منه بالسعر اللي تبي حياك الله ما يغلا عليك شي مكانك و محلك.

تبارك الرحمن @KuwaitiCM اليوم نحتاج قرار صارم بان تفتح أبواب الجمعيات التعاونية للمنتجات الوطنية بشكل مباشر وتقليل كمية المنتجات الاجنبية المنافسة او تفرض ضريبه على المنتجات الاجنبيه هذا الدعم الحقيقي

اولا الله يرزقكم من فضله ونعمته🤲 نحن معكم نعين ونعاون لتجاوز مافيا العصابات السوق المحلي حيث الاسعار تجاوزت العقل والمنطق بمنتجاتنا الوطنية 🇰🇼 ونطالب وزير التجارة والشؤون والهيئة العامة للزراعة الجلوس مع اهل المزارع والمنتجين لتسوية الموضوع لما فيه خير للبلاد والعباد 👍

ماشاء الله اللهم بارك ياحسين ياعجيب ،، تهنيتم والله لولا البعد چان اجيكم واشتري من كل الزين عندكم ،،،، زرع الوطن افيد لانه تحمل نفس عوامل البيئه اللي انت فيها ،، فعلا يشوق منظره

ما توصلون البيت ندفع فلوس لكم اكثر

لا مع الأسف ما عندنا توصيل على ما يوصل و يرجع ياخذ منه ٤ ساعات طريق صعب حيل

كم أنت رااائع يا فهد .. مو شي جديد .. المثل يقول : هذا الشبل من ذاك الأسد .. الله يحفظكم جميعا.

الله يزيدك ويرزقك من واسع فضله ياخوي ،،، ونعم الأصل والتربية 🌷

اقسم بالله احبك في الله وفيك غيره عل البلد شي اللهم بارك الله يوفقك ويبارك في رزقك ومالك