خاصه سالفه الحلا مره عيب

اول مره ادري ان الحلا يرجعونه مع الضيف احنا على طول نفتح العلبه ونقدم لهم منها سواءً حلا او معجنات او حتى ورق عنب وإذا كانت عزيمة كبيره والتقديمات كانت كثيره عادي نخليه عندنا نتقهوى عليه أنا واهلي بعدين افضل من اننا نفتحه ومحد يمد يده عليه من كثر الضيافة الناس تشبع الحمدلله .

👍🏻

اذا احد امون عليه احط لها منه ومن اللي قدمته لها عادي

تحطين له مب ترجعينه معاه

كلها عادية بس صراحة اللي يضايق شوي اذا كنت معزومة لحالي وصاحبة البيت طول الوقت بالمطبخ ولا مشغولة

حركه الحلا على حسب الميانه اذا رسميه العزيمه اكيد عيب بس جمعه اخوات او صحبات مره عادي وحفظ للنعمه نتقاسم الباقي دايم تنرفزني اللي تروحين لنها وما تجلس معك كل شوي طايره تجيب شي وتشيل شي تخرشك

ما قالت عيب لما تجيك ضيفة ما تصبين لها قهوة و تقدمين لها حلا لين يجوون البقية 🤦🏻‍♀️ ما كنت اصدق ان فيه احد يسوي كذا لين طحت في ذا الموقف عيب ثم عيب 🚶🏻‍♀️

الحركة الاولى اكرهها صدق مستفزة في وحدة احبها وهي عسل بس كل مرة اروح لها لازم اخذ معي شي ولما اطلع تصر علي اخذه وتقول ما ناكله مرا يضايق

وقت الأكل ما تأكل ولا تأكل شوي وتقوم هذا اكثر شي عييييييييييبببببببب ويفشل كيف تقومين قبل الضيف

استغرب من للي يقولون ما ندري وين نودي الاكل نرجعه لضيفه للي جابته وزعي راتبيه في صحون مرتبه ارسلي للجيران او اعطي الحراس وشفت في ثلاجات لفائض الطعام في بعض الاحياء يحطون فيها الاكل في طرق كثيره ولا أنك ترجعين الاكل لضيفه للي جابته

للي تعاني من زيادة الاكل وماتبي ترميه ويصير عليها ذنب الاسراف قبل العزيمة جهزي علب بلاستيك ابو غطاء واللي يزيد وزعيه على العمال او حقين المحطات المهم ما يكون لمسته يد ويا كثر الثلاجات السبيل اللي برا حطوا العلب وزيدوها علب موية اجر لكم ولمن اشتراها ولمن وزعها

اي حلا او شي يجيبه الضيف لازم يطلع وتضيفون به كتقدير له مو تخبونه كنكم مشافيح

اكره حركه تنرفز اذا جايبه معي اكل حلا او اي شي مايقدم مع الاكل الموجود احس هذي قلة ذوق وعيب صراحه خصوصا لو كان طبخ بيت 🤦 صح جبنا لكم لكن ماتحطونه كله لكم

تكفووون علقوا على نقطة فتح الباب😤 البنات تالي قليل جدا فيهم اللي تفتح الباب قبل نوصل ونجلس نطقطق عشان يفتحون

وصيهم حطون لهم من باقي العشاء لان في ناس تنتظر إذا إهلاليهم رجعو من العزومه 😂😂😂

من الذوق اذكر أمي ، تفتح الحلا وتضيفه المعازيم ومفتخره فيه …

نظامنا بالعيد لازم نجيب صينية شوكولاته فخمه وكبيره للي العيد عندها من قرايبنا عشان ماتتكلف وحدها وهم يفتحونه ويوزعونه من سنين حنا كذا الفتره الاخيره لاحظنا وحده تجيب حلويات جاهزه وبقلاوات رخيصات كلهم وحقنا الغالي تنتضر يخلصن تصوير وتشيله وتجيب الرخيص حقها ماني عارفه ليه هالحركه😂

وفيه بعد اللي تاخذ الحلا او الفطاير او ايا كان وماعاد يشوفونها المعازيم تسدها لها واخواتها وامها اخر الليل وفيه اللي يقدمون للضيوف الحلا الرخيص والغالي يدسونه وفيه اللي وقت العشاء او الغدا راصه عيالها الصغار كلهم جنبها وبعد صاحبة العزيمه ماتستحي تطرد العيال كنهم بهايم

الزحمه بالمجالس للأسف ان البعض يشوفها عااااادي

من فوائد وحلات العزايم ببيتكم انه يبقى من اشياء العزيمه سواء جبتيها او من الضيوف وتسهرين عليها مع مسلسلاتك فكرو فيها وتتقهوين عليهم بكره 😂🙈💖

تعزم عايلتين الوضع بينهم حساس جداً تسولف ب اشياء خاصه بيني وبينها فالجلسة عشان تونسهم 😑

وفيه شي لا تقعدين تتهامسين مع وحده وتسفهين الباقين خلي كلامك واضح وللجميع

أنا صديقاتي نتقهوى على حلاهم بس إذا مشوا ارجعه معهم لان صدق محد يآكل وعادي امون عليهم

صديقات امي يجيبون لها حلا ومعاها السكر صدق نفسي اقولهم خذوه معاكم زيها.. المفروض الواحد يتعلم ايش يهدي ولو يجي يده فاضية احسن وأخف

صارت مرة مع اهل زوجي وتضايقت الصدق رجعوا لي الحلا اخر السهرة بس اشوا مااعاد عادوها اتوقع ذاك اليوم عشان كان عيد ومبتلشين بكثرة الحلويات رجعوه بعد ماقدموا منه كم حبة.

امي رقم ٣ ما ترتاح و لا تنبسط بس تلف و تدور تخدم و تهتم و تاكل الناس و تشيل همهم ، و مع العمر اكتشفت اني زيها

كثير تصير معي الحلا

ولا اللي تجيبين لها الحلى والمالح ولا تقدمه لضيوف !!

معليش بس مين يسوي حركه الحلا ؟

عندي إضافة مهمة أن صاحبة العزيمة إذا مسلمة تطبق القرآن والسنة ما تصور من دون حجاب وهو تشرح الطريقة للناس. الحجاب اساس في دينا

بالعزايم اللي بين خالاتي كل وحدة تجيب حلا ويصير كثير طبعا نقدمها كلها واذا خلصنا نهاية العزيمة وزعناها بيننا عشان كل وحدة تذوق كل انواع الحلا ببيتها وحتى العشاء اذا بقى كثير نسوي نفس الحركة وبصراحة حركة حلوة مايبقى ببيت اللي عزمت شي تبلش فيه

عيب عيب اذا احد جاب شي ترجعينه إذا ماتاكلونه حطيه بصحون صغيرة ووزعيه على العمال تكسبين أجر

طيب اش اسوي اذ جاني واعطيته انا فعلا ما اكل حلى ولا عندي احد ، يجلس بالثلاجة ويخرب بتقول جيران ماش كل مين صاك بابه 🌚

اللهجة كويتية ولا انا غلطان .؟

وي أنا أوزع أكلهم أقولهم محد يأكله اخذو معاكم 😂😂😂 تعودو علي صارو هم ياخذون اغراضهم ويمشون 😂😂😂😂

على حسب الشخص ونوع العلاقة لان اختي وانا طالعة اشيل الحلا ولا المعجنات 😂

نستر الي انتي تنتظرين تقهويك وهي تصور