خبر مبشر على كلام الناقل والله اعلم

هذا اسمه هرج لا يمد للواقع بأي صله ، دام السيارات في الوكالات نافذه والانتظار من شهر الى ٦ اشهر . و معارض السيارات متروسه ومزودين في سعرها من 10,000 فأعلى المشكله هي في احتكار السوق من قبل تاجر او وكاله لا يستطيع توفير طلبات العملاء . سعر السيارات في السعوديه كارثي ويبي له لفته

ههههههههههههه تخيل أشتري كامري بـ116 ألف .😅 على فكرة ..مانكب سوق السيارات إلا بعض أصحاب المعارض والشريطية. بالعقل فيه إنسان عاقل يشتري كامري بـ144 ألف .!! جالسين يصيحون لأنها تكدست عندهم ومحد يقول لكم.😌

تجفيف السوق والتلعب في اسعار سلع السيارات وعدم مصداقيه الوكيل مع المستهلك وتوفير مايحتاجه هو سبب ماوصلنا اليه من فساد اقتصادي في هذا المضمار

كل الزياده اللي حصلت في الخمس سنوات الماضية فالعقار والسيارات هذا كله بسبب الطمع والجشع فقط لاغير

الزياده الحاصله مالها تبرير الا طمع وشجعع وهالنزول ما يشكل شي مقابل السيوله او القوة الشرائيه الكامري ترجع تحت 100 هنا نقول نزول او عودة الاسعار لطبيعي او للقدره الشرائيه وقس ع ذلك الفلل والشقق الشقق تحت 400 الفلل تحت 900

ابوتركي مع رفع الفائدة (المستمر كان المستهدف ٤٪ وصلناه بلا جدوة مرجوه الان مستهدف ٦٪) ، وقوة الدولار كلو حينزل، سيارات، مواد بناء، نفط، الخ… اللي كاش ينتظر شويات -يبتعد عن جميع اسواق العقار والاسهم - سيجد مايسره ان شاء الله، وسيقتنص الفرص

الغلط ليس من الوكالة ولا الشريطيه الخطأ من المستهلك يدفع ١٤٤ الف !! على كامري لو انا صاحب معرض ارفعها ل ١٥٠ الف لان في عالم تشتري ماعندهم مشكلة يطلع قرض او عن طريق بنك ثقافة الشراء عندنا صفررر

غير صحيح الكلام هذا ارتفعت اسعار السيارات 4% بعد تصريح وزير التجاره والاسعار بترتفع مع رفع الفيدرالي للفائده

حاولنا تفادي الضريبة ١٥٪ لسيارات الجديدة وأتجهنا للمعارض لشراء السيارات المستعملة ولكن لم يفوتها الشريطية وأصحاب المعارض ورفعوا الأسعار بمزاجهم وردت شركات التأمين ورفعوا الأسعار بمزاجهم ولم يحاسبهم أحد!! إذًا اللي عنده سيارة لا يفرط فيها مهما كلفته أصلاحها خلو سيارتهم تبور!

هالحين أكثر الناس ماعاد يشري جديد يظبط موترة الاول ويتوكل على الله وخلي الجديد في معارضهم