خبرهای کوتاه، ۶ سرطان #طلوع‌نیوز

د اسلامي امارت ویاند، ذبیح الله مجاهد د امریکا د استازو جرګې هغه ادعا په کلکه رد کړې چې ګواکې په افغانستان کې بهرني ترهګر موجود دي او له دغه هېواده کوم خطر متوجه دی. ښاغلي مجاهد په یوه خبرپاڼه کې ویلي: «افغانستان یو واحد او قوي حکومت لري، چې په ټوله جغرافیه بشپړ واک او کنترول لري او هیچاته اجازه نه ورکوي چې د افغانستان خاوره د چا پر خلاف وکاروي.» تر دې مخکې، د امریکا د استازو جرګې د بهرنیو اړیکو د فرعي کمېټې مشر ادعا کړې وه چې له افغانستانه د امریکایي ځواکونو له وتلو وروسته، دغه هېواد یو ځل بیا د ترهګرو ډلو لپاره یو خوندي پټنځای ګرځېدلی دی. #طلوع‌نیوز