خسر 3 مليون ريال سعودي في محل خضار! شوف الفيديو وعلمنا ايش الأخطاء اللي سواها👇🏻

ابرز الاخطاء ١- تقييم المبلغ المدفوع مبالغ فيه ويعتبر سوء تقدير ٢- عدم الاطلاع على المبيعات والجدوى المالية والقوائم ٣- عدم تحليل اسباب ضعف المبيعات ٤- عدم التأكد من انطباع الفئة المستهدفة لأن استرجاع عميل مفقود صعب جدا ومكلف جدا ٥- لانعلم عن طريقة انعاش المشروع هل تمت بشكل صحيح ام لا ٦- عدم وجود خطة تشغيلية واضحة ٧- وهو الاهم (عدم الاستشارة)

@m_ALmehdhar9 محل خضار وملحمة ومخبز بمليون فاضي تقبيل وايجار ٣٥٠ الف وعباه بضاعة ب٨٠٠ الف وكل البضاعة طلعت اكسبير يقولك كل الخسائر هذي بدون عمال وبدون رواتب وبدون فيز جديدة وبدون اي شي قال كيف عرفت انها كذبة قال من كبرها

لا تاخذ اي محل تقبيل لو فيه خير اخذه واحد فيهم

ليس خطأ واحد ولكن عدة أخطاء (الله يعوضك خير) 1- التسرع بتقبيل المحل 2- استشارة شخص غير مختص وعدم معرفة القيمة الحقيقة للمحل 3- عدم الاطلاع على المبيعات ومراقبتها ومعرفة المصاريف والهدر 4- عدم الاطلاع على القوائم المالية 5- عدم دراسة السبب الرئيسي للتقبيل (ضعف المبيعات) 6- عدم وجود خطة عمل واضحة 7- عدم معرفة القوة الشرائية للمنطقة ودراسة الموقع 8- عدم انعاش المشروع بطريقة صحيحة

اكبر الاخطاء ان ابوه مليونير والولد طايش هذا الصحيح فلوسه ماتعب فيها اقل شي يقدر يطلب المبيعات اليوميه ويراقب المحل يشوف يجيه ناس والا لا

الله يعوضه بأضعافها لكن وبإمانه سبب الخسارة غير منطقي (الناس تعرف ان المحل ما فيه بضاعه) أعلان وترويج خلال 48 ساعه ويصير اهل الحي والمدينة والمدن المجاورة يعرفون أن المحل ينزل بضاعة وعنده عروض الخ حقيقة لا يمكن أن أستوعب أن هذا هو سبب الخسارة مع سهولة تناقل المعلومة واعلانات السوشال ايضا موضوع 800 الف بضاعه والمحل مقبل واخذه جاهز بثلاجاته وكل المتطلبات قوية شوي خضار ولحوم وطحين و800 الف لو بتمون منطقة مو محل واجد فيه حلقة مفقودة

3 مليون على محل خضار ؟! يقال كيف عرفت الكذبة قال من كبرها المهم ما علينا اذا كانت القصة حقيقية انه عمل عروض ولا احد جاء فإما ان المحل معمول فيه سحر تعطيل او صاحب المحل معمول له سحر تعطيل الله يكفانا واياكم الشر

قصة غريبه قبل ما تشتري ما شفت المحل اذا كان يبيع ولا لا ويعد ما شريت وش اذا المحل الي تعبيه ٨٠٠ الف خضار هل هو جمله ؟ لكن تقول اهل الحارة يعني مفرق كيف كنت في حارة وجلست سنتين وهم ما يعرفون انه تغير وصار يجيب بضاعة ياخي لو كل يوم تعطي بيت هدية كرتون فواكه او خضار وتعطيهم برشور ان المحل تغير المدينة كلها عرفت ولا خسرت ٣ مليون الله يعوض عليك

كان قبل لا يشتريه يمر عليه أكثر من مرة وفي أوقات مختلفة خلال اليوم يشوف مدى إقبال الناس عليه مايكتفي بس يعاين المكان، ويسأل اللي الساكنين حول هالمحل. وبعد يغير اسم المحل بالكامل دام الأمر متعلق بسمعة العلامة التجارية السابقة خلاص أي مجهود بيكون ماله أي أثر. مريت بتجربة قريبة لمشروع معروض للبيع بكل مافيه (تقبيل) وشفتها فرصة وفمجال أعرف له، سألت عن سبب البيع ما أقنعني، رحت للمكان وانتبهت أن موقع المشروع أكبر سبب في ضعف وصول الزبائن له وفعلا قضيت وقت هناك وعدد قليل دخل المكان مع انه كان نهاية اسبوع (إجازة) وفترةمسائية،اتضح لي أن المشروع أكيد يخسر مش معروض للبيع من فراغ حتى اللي بيشتريه لازم يغير المكان المنطقة راقية أكيد الأجار عالي والمشروع فمكان غير واضح و الوصول صعب له. إذا انعرف سبب المشكلة الحقيقية لازم ناخذ إجراء أو نوقف بالكامل الاستمرار واحنا نعرف المشكلة وسببها أكبر خطأ.

الأحطاء التي وقع فيها : ١- تصديق ان الخضرة و الفواكه فيها ارباح فلكية وهالشيء لا يتحقق الا بخبرة و معرفة بواطن الشغله و غالباً ماينجح فيها الا اللي متوارثها اب عن جد ٢- الدخول دون دراسة المشروع ٣- كلمة ( تقبيل ) يعني لو فيها خير ماكلها الطير ٤- يامحسبان ياسعيدان لاتحسبان قبل ما تقبضان