خسر مشروعها بسبب الاجار 💔🥹

وصلنا بيت مريم عشان نعرف قصتها كاملة ..

والله تستاهل الدعم اكلها جميل ولذيذ .. يا اهل الخرج ادعموها 🙏🏻 0558274144

اسمعوا القصه انسانه عظيمة 🥹

ياخي انت م تستحي على وجههك و رخمه ولا فيك ذرة حيا مصور بنات الناس كذا ي شرذمه عشان المشاهدات

نغمة حزينة واستعطاف للناس عشان كم ريال . وليه ما تعطيها من خيشتك ياخالد الشيباني ؟ ماهو انت عقاري ؟ ماهو انت راعي اعلانات ؟ ليه ما تكلم اصحابك غازي وقروبة وتاخذون اجرها ؟ فالحين بس في جيوب الناس استعطاف والناس الضعيفة تدفع . بالاخير الله يرزقها ولا يسامح من استغل ضعفها ..

حسبي الله ونعم الوكيل فيك ياخي أنت ماعندك ذرة حياء أو شيمه ؟ ترا اللي تسويه عـيــب جالس تصور هالضعيفة ومخليها محتوى !! لو هي أمك أو أختك ترضى تطلعها بهالشكل ؟ وين النخوة والشهامة ليه مااكتفيت بصوره أو فيديو من بعيد بدون ماتتصور معها وتذلها بهالشكل المقزز ؟ امسكو ورعكم ياعتبان ✋🏼

انا ملاحظه السالفه صارت هبه كل شوي فلان بيسكر مطعمه الحقو ترى العالم كلها عليها التزامات وديون وحاله ولو جمعوا الايجار لها ولغيرها ودفعوه الايجار اللي بعده نفس الشي وش بتسوي !! هالطريقه غلط كل شوي الحقوا ياشعب طويق خير!! اذا المشروع خاسر تشوف شي ثاني وش الفايده تدفع الايجار

ما نكبنا وضيعنا الا كلمة شعب طويق ، شعب طويق ماكل خرا وتببن يالله في عمره رح انت ادفع لها ولا ادع لها ان الله يرزقها ويفتح لها ابواب رزقه

اول شيء الله يعوضها ... و دعمها بسداد الاجار لها مساعدة للتاجر الشجع انه يرفع السعر السنة الي بعدها والصح انها تقفل ولو دعمناها و استمرت بتخسر .. السوق صعب وهامش الربح ضعيف جدا انا مقفلة مطعم ومقهى بخسارة اكثر من مليون ريال قبل سنتين والحمدلله نسيت الموضوع ... لاني شفت تكاليف ما كنت حاسبتها للاسف وانصدمت من واقع السوق حسن نيتك وتعاطفك امر طيب لكن ودي قبلها انك فكرت هل السوق مشجع للبقاء ؟ لا ؟ هل بتنجح بعد الدعم ؟ لا الافضل دام عندها مهارة الطبخ هي وبنتها انك طلبت شركات المطاعم المشهورة يستقطبونهم وتشتغل عندهم براتب هذا الدعم الحقيقي السوق اكبر من انها تفتح لها مطعم لحالها والاف الناس دخلت السوق وفتحت مطاعم و كوفيهات وخسرت وطلعت .... وبعضهم للان عندهم قروض يسددونها من تحمسهم للتجارة الاجارات صارت مبالغ فيها جدا وخصوصا في الرياض

والمؤجر ماهو من شعب طويق المؤجرين اكثرهم حراميه ولافيه نظام يردعهم وعيونهم ع الاجانب عشان الاجانب عندهم غش وكذب ع المستهلك خاصه المطاعم يحلف ان اللحم بلدي وهو مستورد يقول احدهم نحلف بلدي لإننا ذبحناه في المسلخ البلدي 🤣🤣🤣🤣

والله ياسالفتهم ماتنبلع وليش ماصورت البيت من داخل واثبتت انها بايعه العفش وماشاءالله بيتهم احسن وافضل من شقتي وتراكم ذبحتونا بس ياشعب طويق وياشعب طويق وهذا حنى منكبين وعلينا ديون فارقنا بس مناك ياتساعدها او ادع لها وفكنا منكم يامشاهير الفلس😂

المسئله مافيها شعب طويق ولا غيره معروف وقت شعب طويق هذي مو إعلان لطبخها وجودته هذا إعلان مساعدة مادية لو أعطوها الان بعدين من يعطيها وبعد موضوع إنهاء تبداء با اجار محل غالي ومافي زباين كثير هذا خطاء مثل هذا المشروع مفروض تبداء من البيت بدون اجار حتى تقدر تدفع التزاماتها

والله يافيه كومنتات انها مرض ومقززه.. ياتقول كلمة طيبة وإلا اسكت…الشيباني ماطلب فلوس له ولاهو يدور مشاهدات يبي يخدم ذا البنت ويتحسن وضعها.. لعل رجل اعمال يتبنى المشروع وياخذ نسبة والبنت تترزق الله.. اتقوا الله ترى الكلمة الطيبة هي اللي تبقى ..

بخصوص المنشن وش تبونها تسوي تقطع استها ؟

طيب يا غالي صاحب العقار اللي مأجرها مو من شعب طويق ؟

نفس المشكلة عندنا .. يفتح المشروع بعد ست شهور سنة تلاقيه سكر والسبب ارتفاع الإيجار .. وإذا رفع سعر الأكل الناس ما تشتري ويخسر

مدرى عن هذا لكن للاسف كثير يقولون كلام عاطفى بنتكم شعب طويق لا تخلونها الخ الخ وف الاخير هم ماخذين منها فلوس بدال م يدعموها

طيب عندي تساؤل ؟؟؟ ليش تصورها هي وبنتها وتظهرهم قدام الملا ؟ فيه مليون طريقة وطريقة لايصال الرسالة بدون التشهير ؟ @media_ksa قسم بالله ما يحدث هو انحطاط أعلامي وأخلاقي لاستغلال ظروف البشر وهذه أحد طرق الاتجار بالبشر .. @MCgovSA

حاط نغمة حزينه ، أنت مشهور أدعمها بمبلغ يعوضها لو بنص خسايرها ليش تشحذ بأسمها وتحط نغمة حزينه وتسويها محتوى حزين و (طبيعي المشروع يا أنه ينجح أو يفشل والفشل بعده عقبات وكثير الي فشل مشروعهم وطلعوا بخساير ولا تطرقوا بمثل هالمواقف)الحريم ضعيفات عند هذي المواقف والدليل شوفت عينكم .

اول شي يعطيك العافيه ياخالد ع فزعتك والناس الي تنتقد وش وضعكم قل خيراً او اسكت اذا ماتبي تدعم وتشارك قل الله يعوضها .خلها تسمع منك دعوه اقل شي، الي يحلل والي يسب كلامكم هذا اقسى من خسارتها ..... اذا م اعجبك شي سكيب وخله ماهو لازم تكتب شي سلبي، ارمله وتصرف ع عائله الله يفرج كربها

كان ساعدتها وسويت لها اعلان وتسويق بدون استعطاف المشاريع كلها تحتاج دراسة جدوى وقبل كل هذا التوفيق من الله

ابعدوا عنها وبيرزقها الله

كفايه استهطاف واستعطاف للناس قالت بايعه اثاثها ليه ماباعت البيت شايف بيتها ذا لو عندنا مافكينا فمنا وحمدنا الله مليون مره عليه يعني الموضوع شحده طيب انت باعلان واحد تقدر تسوي لها كل شي !!!؟

بدون ايجار وشقى الحين كل شي اونلاين طلب الاكل بس حطي كم موقع وانتي بيتك اطبخي وانتي مرتاحه وبيعي والحمدلله ازين لك واريح واقل تكلفه والله يرزززقك يارب ويرزق كل من سعى لك

وصاحب المحل ماقدر وضعها واستحى على دمه عالاقل خفض نصف الايجار فقط لحد مايتحسن وضعها بيموت من الفقر اذ خلها تدفع نص الاجار او مجانا سنه عالاقل يقول بنت البلد يوقف معها

الله يفرج همها .. بس وش القصه ؟؟؟ مل شوي طالع لنا واحد .. شعب طويق ياشعب طويق كأن شغلة هالمواطن انه يقعد يسدد غن المسلمين .. طيب يا متحدث ليه ماتوجه الخطاب لوزارة العمل ؟؟. اليس المفروض دعم هالمسكينه عن طريق الدوله ؟؟؟؟ والا بس شعب طويق ؟؟؟ حليل شعب طويق

هيا انفك انت وغازي بس تمدحون عطيت ولد عمي وسويت وتركت م نبغا تصور لنا ي تسوي الخير بينك وبين الله يا لاتشغلنا

انا قفلت مطعم مكلف ٦٠٠ الف بسبب الايجار كل ما شاف شغل عندي زود الين بعته وطلعت وبعد سنه تقفلت العماره وما استاجرها احد

الله يرزقه بس كان خلت المشروع في البيت تجيب كم شغاله تساعدها وتطبخ في اللبيت وتبيع ليش محله وتراخيص واشياء كثير صعبه عليها كان خلة شغلها على قدها شوفي ياراعية المشروع لا تتعقدين ابدي من جديد سويلك مطبخ معقول واطلخي وبيعي في البيت تعرفين نادية كوكن الكوتيه تطبخ مم ٢٠ سنه

لا تدوخنا وقول كم بس حق الاعلان ادوختونا كل يوم طالع لنا واحد يستعطف الناس ويقول شوفو ذا وذي حسستونا ان الرحمه فقط من عندنا الرحمه بيد الله عزوجل ماهي بيد خلقه أنا واحد من الناس والله وأقسم بالله العلي العظيم لو يمر عليك مامر عليه ماتخلي مخلوق إلا وطلبته لكن طلبي عند الخالق🤙

التسويق فن يعني بتسوق عملها لا تبدا يساعدوها اشفقوا عليها اوقفوا معها هذا مباشره يقلل قيمه العمل كان الأفضل بدل ما عرضتها بصورة محتاجه كان عرضتها انها فنانه بالطبخ وان الي يقدر يشتري منها إنسان محظوظ وبيدخل تجربة ما سبق مر فيها وقتها قيمتها راح تزود ٤٠٠٪

كيف نتواصل معها

يابن الحلال بلشانين بطيازنا وانت تفسق تتدور محتويات على حساب هالغلبانة..