💢 درس قيّم في التيسير على المستأجرين..

والله يا ابوي الله يجزاه خير كان مأجر شقق جديدة في النرجس هم اول من سكنو فيها والله كان مخليها ب٢٠ الف فقط وبعد حوالي ٤ سنوات تقاعد من عمله واضطر انه يرفع الى ٢٥ الف ولاعمره دق عليهم ولا قال سددو مع ان الي حواليه ب ٣٥ و٤٠ الف وهو رافض يزود ريال يقول الشباب وضعهم صعب ليش ارفع عليه

ليه ما فيه حد اعلى للزياده يعني مو منطقي تدبل الايجار المفروض الزياده تكون لها حد اقصى

السوق حر

برايي حر قبل يفتح محل ويبني لنفسه اسم وزباين لاكن بعد توقيع العقد لازم يكون فيه حد اعلى للزياده وبالكثير تكون ٢٠٪ لاكن دام المحل فاضي يحط الايجار مليون لو يبغى بس اتفقنا على ايجار ويرفعه لمن الرجال يتكلف ويتعب والله ذا ظلم والله ينتقم من كل ظالم يارب

كلام سليم

والمتخوبر مين بالنهاية ؟ المستهلك النهائي هو المتخوبر وللأسف بعض العقاريين واجهتهم بنفسي اهم شي يلهف العمولة ويسعى جاهداً لها ولو على حساب ضعيفين وعوائل، بل بعض العقاريين من زود الدناءة يروح للملاك يعبي روسهم باخراج بعض المستأجرين وتوفير زبائن آخرين بإيجار أعلى ..

كل هذا كلام فاضي وعاطفي والتفكير بعاطفة يضر الاستثمار مافيه واحد عاقل بيفتح محل واستثمار ويحط عقد سنه بس بالتعاطف تبغون تأكلون المؤجر علما بان اغلب دخلهم ٥% يعني تبغون المستأجر يمسك العقار ٢٠سنه بنفس الإيجار بدون اتفاق طيب وش اللي يمنع المستاجر من انه يكتب عقد ٢٠ سنه بحقها

من حقه يدبل السعر وين المشكله

ليش ما يكون فيه تنظيم وضوابط لاصحاب العقارات ليش نخلي الدعوى متروكة لطمعهم

كلام صحيح في مجمله، لكنه يغفل نقطة؛ وهي أن المؤجر قد يمنح إيجار مخفض في البداية لكون المنطقة نائية أو ضعيفة الحركة، لعلمه أن القيمة العالية لا تتناسب مع واقع السوق حينها. وعندما تنشط المنطقة، فمن الطبيعي أن يرفع الإيجار ليتناسب مع القيمة الاستثمارية الجديدة للموقع. هذا التغيير قد يفسره بعض المستأجرين على أنه جشع. بينما هو في حقيقة الأمر انعكاس لنمو حركة المنطقة، وليس لمجرد الرغبة في زيادة التحصيل من المحل.

بارك الله فيك وجزاك الله خير 🤲🌹

اعرف مؤجر له محل وكل شوي طالع واحد وجاي اللي بعده ، النشاط نفسه مطعم ، سألت واحد وش السبب قال ايجاره 4500 شهري ، اول كنا نربح بس بعدين صرنا يالله نلحق ، وحاولنا فيه يخليه 3000 على الاقل ولافيه فايده وخليناه ، علماً ان ايجارات المنطقة 1500-2000 ، والمحل مهجور من سنوات

هذا الحسد وما أدراك ما الحسد أعاذنا الله وإياكم من الحسد