راعي السطحة طلب عليه 120 ريال لمسافة 500متر . كم السعر المناسب اللي تشوفه لنقل السيارة ؟ وهل راعي السطحة يأخذ المبلغ كامل لجيبه أم عليه مصاريف ومتطلبات ؟

خلاص دفها ولاتدفع لراعي السطحه يعني تبي راعي السطحه يشيلها لك ٥٠ مثلاً؟

قليل 50 ريال

@Mubarak_7s تبي 1000 🧐

@ALI_M2025_ محد طلب 1000 يا ظريف

صعبه تحميلها وتنزيلها لو السيارة سليمة كان طلب ٥٠

إذا السيارة سحبها عادي، فالسعر مبالغ فيه جدااا حده 50 ريال منطقي بس إذا السيارة منفك مقص وطايحه وسحبتها صعبة يبي رفع، بيكون منطقي

لو يحدد المرور أو وزارة النقل مبلغ على الطرق السريعة للسطحات ويكون مناسب لصاحب السطحة والمستفيد لا ضرر ولا ضرار ويكون إلزامي ويعمم ربما يكون حلا لوقف استغلال أصحاب السطحات لظروف الناس...

اجيب لي ثلاثه عمال يسحبونها واعشيهم احلى بخاري وانتهى الموضوع..

استغلال السعر الطبيعي لمسافة كذا ٥٠ ريال حمل تطبيق سطحه اضن اسمه كذا

بسيطة دفها ولا اسحبها ما تحمل تجيب سطحه

ماعمري شفت سطحه يطلب هالسعر اسعارهم معروفه خصوصا داخل الرياض نقلني والله من جي لحي مسافه حول سته كيلو ب٥٠ ريال

ترا الركبة مكسورة ورفعها للسطحة يبي وقت

مبين انه حول الصناعيه الثانيه هههه

التعب ليس بطول المسافة او قصرها التعب و الجهد برفع السيارة و تنزيلها

مرة كان معي العائلة وتعطلت وكلمت امن الطرق جوني وصمم علي العسكري الا راعي السطحة ياخذنا والسعر ٥٠٠ لمسافة ١٠ كيلو خشيت في عينه يوم شفته مصمم قلتله ياخي ما ابغى بشوف بطريقتي الله يسهلك ومرة في الهدا صارتلي والله الا ٨٥٠ريال لا ومعاهم قروب كل شوي ناطلي واحد يحاول وبعد ساعات

في المواقف الصعبه ادفع وخلص امورك ... العطله والتأخير يخسرك اكثر ... وقتك انت وراحة بالك اثمن و أغلي .. علي اني اتمني أن يكون فيه تنظيم أفضل من قبل وزارة النقل او الجهه المعنيه بأصدار تصاريح عربات نقل السيارات و وضع تسعيره علي حسب عدد الكيلو متر.

اكيد راعي السطحه سوري من السخنه

لو انا ابطلب ٥٠٠ عجبك والا الاف السطحات وانت قارن الاسعار .... هناك امور تحكم الاسعار عموما منها تكلفت السطحة ومصاريفها وراتب سواقها. وهل هناك دخل جيد والا ماتجيب همها الاسعار ليست فقط على تقدير ذهني

يا رجال عطه ١٢٠ و احتسب الأجر لا هو قاطها و لا حارقها بيصرفها على عياله واقف بهالشموس و يقيل تحت ظلال السطحة و جايك من مسافة و طابور و تبيه يشيل سيارة ركبتها منكسرة يعني بالله كم تبي سعره 🤔🤔🤔

٥٠﷼

تتوقع لو السطحة حقك كم تاخد

دامهم اتفقوا ووافق صاحب الموتر فيجب على صاحب السيارة أن يفي

حبل بعشره وشوف لك طير شلوى يسحبك وانتهى الموضوع

ماهو تكسي هو سطحه بيركب السياره و ينزلها

مايلام من وين يجي جيته من محله لكي يخدمك مسافة وقدرها ثم رجوعه لازم يحسب خسائره والسلام عليكم

انت وسط الورش صلحها مكانها

اقلصها

يرجال لو اني عندك سحبتك بالجيب

اتفق صراحه، مزودين الخدامات اسعارهم غير منطقيه! تطلبه يوصل سياره خارج المدينه او منقطعه بالخط ياخذ ١٠٠٠ ! لو حسبت عداد الكيلوات طلع ال ٥٠٠ متر ريالين المفروض يصير لهم تسعيره بالكيلو زي التكسي يشغل العداد والله يرزقه. او فيه رقم ماينزل عنه مثل ٦٠ ريال

الطلب على السطحات جيد وعمل يمكن لاي شاب ممارسته اوقات الفراغ وخاصة ل شباب القرى والأرياف الواقعه على الطرق السريعه

هي ماهي ع المسافه على التحميل والتنزيل متى الناس هذي تفهم وتقدر

50 ريال

رزقة عند الرحمن يستاهل طيب نزل الحديد حق السطحة ونزل الونش واسحب السيارة ووصلها لك ليش زعلان

كان قال 50 مناسبه للطرفين لانه اقل شي 50

والله ما اعطيه دور صاحب ونيت يدفك الى الورشه

انت تحسب مسافة مشي السيارة فقط من بينزل الحدايد ويركب الونش ويقعد يسحب ويثبتها فوق ثم ينزلها ويفك الونش ويرجع ويشيل الحدايد يرجعها الجهد ذا ليه ماتحسبه؟!

اسعارهم مبنية على واقع محتاج مجبر كثير يدفع ، فهو محصل ناس تدفع من كثر الانتظار يبي الفكه المشكله من التصرفات الغير محسوبة

كل شيء في استغلال هم ب ايام كرونا كانت الكمامات اسعارها فلاقية كرتون الكمام سعرها 100 او 70 و الحين سعره 5 ريالات إلى 7 اي شيء فيه له قيمه يصير فيه استغلال

في حفرالباطن نقلت سيارة الوالد يوكن من البيت للصناعية مسافة 25 كيلو بـ100 ﷼، و خالي في مدينة جيزان طلب سطحة عشان ينقل الجيب حقه للبيت مسافة 4 كيلو و طلب عليه 400 ﷼، فأتوقع التسعيرة على حسب المنطقة اللي انت ساكن فيها