راكان الشمري، ابن الشمال السعودي، يعمل اليوم في القطارات بألمانيا 🇸🇦🇩🇪 نماذج مثله نرفع الراس بها، لأن خبرته اليوم هي رصيد الوطن غدًا. واثقين إن أمثال راكان هم نواة التطور القادم في السعودية، وعندهم القدرة يصنعون الفرق. فخرنا فيكم كبير يا أبناء الوطن المبدعين. 💚

ليش مانجيبه ونعطيه نفس الراتب ونستفيد من خبراته وانجازته في وطنه اكيد يبي يبدع اكثر بدال المصري والبنقالي وغير ه

يجب أن نعطي الثقة لأبناء السعودية وسوف يبدعون في كل مجال ولكن هناك بعض الأجانب المسؤولين في الشركات يسعون لاقصاء السعوديين حتى لايفقدون وظائفهم ووظائف أبناء جلدتهم. فالسعوديين مبدعين في كل المجالات وكم استفادة دول الغرب من شباب سعوديين منذ عشرات السنين وبعضهم حصل على الجنسية

دام الاجانب ميسر لهم كل شي من عشاق الاجانب. ومدلعينهم آخر دلع رواتبهم با الملايين وو وعيالنا إلى ولي عهدنا الغالي.يقول المواطن همه الاول. ، لكن التجار ووو لا الاجانب همهم الاول 👎🏿👊🏿 كدينا خير. ركان اجلس هناك ما حوالك احد

و الوزير قال ما عندنا مهارات لا عندنا لكن في ديناصورات تطردهم و بيئة سيئة يعني لو راكان هنا كان مصيره كاشير ولا أوبر و في غيره كثير في امريكا و أوروبا متوظفين برا و يطورون بلاد الغرب

وين الاعجاب شخص مغترب عن بلده في بلد اجنبي ليته يدرس لا عامل مهاجر الله يستر على عيانا يبدون يهاجرون ويغتربون للعمل ولدورة الرزق

يقعد مكانه افضل له لا يجي إلا ضامن له مكان يليق بخبرته ويحل محل دينصوري رافض التقاعد يخاف الخبرات الجديده الوطنيه محارب شرس للتوطين هنا يجي ويوقع العقد لانه إذا جاء بهذه الخبرات وهذا الدينصوري مكانه سيقتل إبداعه وموهبته وحماسه ووطنيته

نصيحة لوجه الله استمر في المانيا ان كنت تشعر بالراحة النفسية وامورك تمام،، وبلدنا فيها من الطاقات الشابه الوطنية العاملة والماهرة الكثير

واذا جا للسعودية حطوه في قص التذاكر او الاستقبال وحطوا المصري مدير عليه ❤️

أنصحك يا مهندس راكان لا ترجع والله راح تندم زي حالتي كنت مدير ادارة في بنك أمريكي وقلت يا ولد بلدك أولى ويوم رجعت محد أعطاني وجه فضلوا الأجنبي علي مع الأسف

هذا لو اخذ شهادته وجاء للسعودية كان الحين كاشير في محل ملابس رجالي والا في بقالة وراتبه 4000 ريال ياخذ منها الف وخمس والباقي يرجعها لصاحب المحل !