رأيكم بمقترح إلزام الجماهير السعودية بحضور مباريات كرة القدم بالزي الرسمي؟…

الزي الرسمي السعودي للمناسبات الرسمية…والرياضة ليست من المناسبات الرسمية بل مناسبة رياضية وكل يختار الملابس التي تناسبه ومريحة له "إقحام الزي الرسمي السعودي في كل المناسبات فيه ابتذال ومبالغة يجب الابتعاد عنها"

عساهم يلبسونه في الاماكن العامه تبيهم يلبسونه في الملاعب ..!! قسماً بالله .. كنت في صالة الانتظار صيانه.. عند احد وكالات السيارات وواحد لابس شورت لنص فخذه والله انه مقزز 🤢 ونظرات كل من فيها تتقاطع تعجباًواسمئزازاً على هالهيئة وعلى جرائته كيف يطلع من بيتهم بهالشكل ..!؟ ع الاقل البس .. مايستر عورتك الله يقرفك وأرجاء وقت الصلاة وشلون بتصلي ..!؟ تمنيت ان .. الذوق العام يهذب هالعينات..!

غير مناسب بعيدا عن الوطنية الملعب يحتاج التفاعل والتشجيع المستمر الأجواء حارة الشماغ والعقال والثوب ليس مكانها المدرج مناسبة لمن يحضر في المنصة فقط للمتابعة وليس التشجيع سقطت مني جوالين أثناء أحد أهداف الأهلي بسبب وجودها في الجيب العلوي من التيشيرت فمابالك بالعقال والشماغ

ايضاً اطالب لعيبة المنتخب اثناء المباريات الدولية يلبسون اللبس السعودي الرسمي ثوب وشماغ والمدرب يلبس البشت

الأجواء حارة وما هي ناقصة رسميات ولكني أرفض الحضور بالشورتات، نظرا لأداء الصلوات واحتراما للعوائل وإحتراما للذات.

خذها قاعده اي واحد ينادي بلبس الشماغ خارج اوقات الدوام الرسمي عنده تساقط شعر ومايقدر يجي بدون شماغ بس يدفها عالوطنيه

كلام جميل شوف الدوري القطري ومتع عيونك بالزي القطري الجميل ماشاء الله تبارك الرحمن عليهم الصغير قبل الكبير لوحة فنية جميلة جداً تمسكهم بزيهم القطري الجميل ومن شاف اللي عندنا تلوث بصري لاتحب مشاهدته العيون والمشكلة العالم كله يشاهدك .

مناسبه رياضيه و من الطبيعي جماهير كل فريق تلبس شعار ناديها او المنتخب .. الزي السعودي للحياه اليوميه و المناسبات الإجتماعيه .. يجب ان يكون الاقتراح على اصحاب الشورتات في الأماكن العامه ( مولات و كورنيش و متنزهات و مستشفيات الخ ) ان يتم معاقبتهم ..

زمان كان الجمهور يرتدي الزي الرسمي في حضور المباريات

لا عاد الجمهور يلبس لون فريقه ويبي ياخذ راحته في التشجيع الزي السعودي فخم جداً لكنه يلبس في المناسبات العامه والخاصه المدارس الحفلات لتعزيز الهوية الوطنيه في أماكنها …. لاتحجروا واسعاً

اقتراح تافه و سخيف .. لكن دا الشيء مو المخيف في الطرح .. المرعب هو المبالغة في العزف على نغمة الهوية و المحافظة على الهوية الوطنية .. الصحوة استخدموا سابقا المبالغة في استخدام الهوية الإسلامية و الدينية 🤷‍♀️

الملاعب الآن تشكي شح الحظور في ظل غلاء التذاكر تجي الآن وتلزمهم باللبس الرسمي . اسمه اللبس الرسمي يعني اذا حظرت وجلست في الملعب خلك رسمي تخيل معي واحد بثوبه وشماغه وعقاله ومرسّم وماسك علم ناديه ويناقز . مع احترام لصاحب الاقتراح اخالفه الرأي .

اسمه الزي الرسمي يلبس في المناسبات الرسمية وهو لبس يفتخر به ويشرف لابسيه لكن لكل مكان لبسه الزي الرسمي لاينفع في مكان الشغل مثل الميكانيكا واعمال الأشغال على الآلات والمعدات وغيرها ولاينفع وقت النوم والرياضة كل ما ضرب في واحد عرق في راسه قام يهابد كالمجنون يبغى الشهرة

فكونا من اقتراحات المتقاعدين اللي كثرت هواجيسهم. الرجاء من كل اسرة فيها متقاعد يحس نفسه مثقف ان تشوف له شي يشغله عنا او تسحب جواله.

هل سوف تعود المدرجات بهذا الشكل بالزي السعودي الجميل 🇸🇦 ؟

اتمنى ما عاد تعطي رأيك رايح زواج والا الدوام عشان البس شماغ يا اخي بعض العالم ما تدري وش تقولهم على مقترحاتهم الخايس اوكيه يكون مثلاً يوم مثلا يوم التأسيس اليوم الوطني اما انك تمنع الدخول الا بالزي ذي مبالغة

اخوي سعود،،، اصلا عندنا مشكلة في الحضور... بنحط شروط بعد؟

تلزم الجمهور بالزي الرسمي خلاص الزم اللاعبين بالزي الرسمي لأنهم هم المعنيين باللعبة وليس الجمهور. تصور كابتن المنتخب السعودي بالغترة والعقال والبشت. نريد خبراء يقوموا بدراسة اسباب تقهقر الكرة السعودية ووضع الخطط والبرامج لتطورها وخروجها من هذا المستوى السيء. مع احترامي لرأيك.

مقترح ممتاز وكانت تراودني هذه الفكره ولكن كيف نقنع الجمهور انظر الى الجماهير القطريه والمدرجات البيضاء منظرها يقتح النفس ثم إننا نفتخر بزينا السعودي رزه ووقار .

ههههههههه دايم اذا الواحد فاضي يطلع قرارات تخالف العالم مدري وش نسميها ذكاء خارق ولا غباء مدعق مصاف العالم والانسانيه تتطلب نتماشى مع العالم لا نتخلف بالاثر الرجعي ونحط اقتراحات في الفاضي والمليان نفس الادارات الفاضيه تطلع تعاميم قص ولصق اهم شي يشغل نفسه بالمسلمين والعياذ بالله

هو رايح يشجع واللا يشخص ويرسم ذكرتني بجماهير #قطر

ماله داعي اذا كان ناجح بالدول القريبة لنا فالسبب عدد سكانهم بسيط وبالتالي الجمهور سهل السيطرة عليه كانهم طلاب مدرسة،، احنا السكان كثير والجماهير اكثر ولذا السيطرة عليهم بالقوة في امر اختياري اشوفه كبت والسلام،، ملاحظة: انا مستحيل احضر مباراة الا بلبس رسمي وهذا اختياري لنفسي.

البعض ثور لاهي في برسيمه الحمدلله على نعمة العقل. (حدّث العاقل )بما لا يُعقل، فإن صدّق (فلا عقل له) (اسمها ملاعب رياضية) 🤠🤠الزام 🤠🤠🤠 هل بنظركم بمدارس للتعليم.

اسمها رياضه وتشجيع وحركات ومطامر لازم لبس مريح ويليق بالمكان فيه احد يروح يتمرن في نادي بثوب ومترسم ! بعدين ادعوا الله يخلصكم من دودة الوصايه ترانا تعبنا من التماسيح المنقرضه اللي كل شوي طالعين لنا بهبده واقتراح يفشل

الأولى يلتفتون للاعبين أصحاب القصات المقززه وكأن اللاعب قادم من عالم ثاني لاعادات ولاتقاليد ولا تعاليم الدين الإسلامي تردعهم .

من ابسط حريات الانسان حرية اللبس طالما يحترم الذوق العام يلبس اللي يبا والجماهير في المباراه يشجعون ويغنون وبكذا يجلس الواحد يطرد عقاله محول مع المدرجات مع كل هجمه😂 مع الاحترام اقتراح سلبي ✋

يا رجال والله ما حد يجيك. سلامات ادخل ملعب كوره وتشجيع واجواء متقلبه كاني داخل صلاه جمعه. وكلن يناظر الثاني وكلهم فاتحين الكاميرات يضبطون الشخيصه .

@IcTfnZKrp4DJ7mR الا المفروض الزامهم ب الزي الرياضي وب لون المنتخب اذا امكن ف المباريات الخارجية

ترك حرية اللبس لناس افضل لان الملعب مكان ترفيهي

اتركوا الناس بحالهم.. تركتوا كل شي وهذا اللي قدركم الله نعطون فيه اقتراحات..!! فعلاً شي غعجيب.. اقتراح شي ينفع الناس..

هويتنا الوطنية فخرنا ومصدر اعتزازنا، لكن جمال المدرجات ومتعة كرة القدم تكمن في ألوان الأندية وتفاعل الجماهير. فرض الزي الرسمي بيفقد المدرج حيويته وراحة المشجع وقت التشجيع

إلزام حتى في الكورة ايش رايك نطيق مخالفات على عدم حضور الجماهير بالزي الرسمي ⁉️ خلي الناس في حالها بلا لقافة و تدخل في الخصوصيات 🤮 .

هذا الي باقي تدخلون في الناس وش يلبسون اذا راحوا الملعب تفاهة وسخافة ولقافة

هذا طاقّ الشماغ والعقال في صالة بيتهم ، الظاهر ينام مرسّم !!! بعض السوالف والاقتراحات ما ودّك ترد على راعيها