رأيكم في كلامه؟

يعني المواطن المستهلك بستين داهيه اهم شي مايخسر التاجر .. الله يكثر الصالات الاقتصاديه والتاجر مرحبا فيه ينافس

ارجاف اقتصادي لا أكثر. الولايات المتحدة الامريكية وهي اكبر اقتصاد في العالم فيها متاجر اقتصادية اسمها Dollar Stores او Dollar Tree واسماء اخرى بنفس الفئة. واللي درس هناك او عاش وقت طويل يعرف اللي اقصده. وبالرغم من ذلك ما صار فيهم شي! بالنسبة لي الصالات الاقتصادية اعطت خيار ثاني للناس اللي دخلهم الشهري متوسط او قليل بحيث يقدرون يحصلون على احتياجاتهم بدون ما تتأثر ميزانيتهم الشهرية. اللي يشوف نفسه مقتدر ويبغى يشتري طبق بيض بـ٢٠ و ٢٥⃁ فلوسك وانت حر فيها، واللي يبغى يشتري طبق بيض بـ٨⃁ ايضا حق مشروع له. لو اللي يتكلم في الفيديو عنده اطفال وراتبه اقل من ١٠ الاف ريال وعنده اقساط وإيجارات وفواتير، كان ما قال هالكلام المقعر وبتبريرات غير منطقية. تاجر يشتري منتجات بكميات كبيرة وياخذ سعر منخفض من المورد، ويعيد بعيه للناس بقيمة منخفضة لانه ما يدفع رسوم زي البقالات والسوبرماركت، هو يربح واللي على قد حاله أشترى احتياجه بالمبلغ اللي يناسبه، الجميع سعداء. اذا بقية المتاجر زعلانه حولوا نشاطكم الى صالات عملاقة وادخلوا في المنافسة محد رح يمنعكم. وتحياتي.

كلام جاهل او حاسد ! الرجال يفتح الأسواق بماله .. المحصله النهائية المستهلك مستفيد من انخفاض الاسعار ..

ما سمعنا لما فتح العثيم ٤٠٠ فرع والحبيب كل ٦ شهور مستشفى وصيدليات النهدي كل شهر صيدلية جديدة

والله وجه الحسود النجس ، وش اللي ارجو ان يوصل صوتك انت كانك تقول لا تشترون الا الغالي لا ومني بعد ! انت جشع وطماع تبي تطلع دبل الربح على ضهورنا غيرك يبي هامش ربح ، هذا الفرق وابشرك مب واصل صوتك لن هذي منافسه ومنت بقد الشي لا تدخله اتركه لغيرك الله يمحق البركه عنك دامك كذا جشع

هذا شخص حسود يفرح بالغلا والطمع. ويزعل بالرخص أستمر ياكيو بحرق الأسعار أكيد عنده محلات ويخاف تقفل

يوم ذكر المتضررين ماقدر يذكر المواطن لانه يعلم ان المواطن مستفيد وليس متضرر. المتضررين اصحاب العقار المحلات الضرر على المستثمر السعودي اللي مطير اسعاره. الحل خل المستثمر السعودي يفتح صاله اقتصادية وينافسه بالاسعار.

الصالات هاذي انقذت كثير اسر دخلهم قليل وحقين الضمان والدخل المحدود خاصه كيو ما قدرت اخذ اغراض رمضان غير منه

بلعكس خله يفتح صالات كبيره جوده أعلى وسعر منخفض المستهلك راضي عموما مافيه صالات كبيره هذا الكلام انتهى الان مخازن كبيره وعبر التطبيق تطلب ارخص من الصالات الكبيره . باقي باقي مثل ما دق خشومهم الصيني بالسيارات . وتطبيق كيتا . العقار قادم ان شاءالله تستلم فله 300ألف بس

اعتقد ان الناس اصبحوا واعين واكثر حرص على جيوبهم وهذي الصالات جأت ملبيه لتطلعاتهم بعد ان قامت المتاجر الكبيرة بالإتفاق فيما بينها لرفع اسعار السلع.

ما ودي أوصفه وصف الرويبضه.. هذا مضيع الطريق الله يهديه السوق عرض وطلب والذكاء كيف تصل للمستهلك وفي نفس الوقت المستفيد هو المواطن وهذا من أبسط حقوقه، عندما يتنافس التجار على خفض الأسعار المواطن يبحث عن الأفضل سعراً ... ما سمعناه يتحدث عن الفروع التي وصل عددها إلى 10 و20 فرع وأسعاراها مرتفعه؟؟ قد يكون لديه مشروع تموينات ويخسر ، طبيعي أن ينادي بمثل هذا الكلام خوفاً على مصلحته غير مُبالي بمصلحة ( المواطن).. هذا رأيي نايفكو تقبل تحياتي🌹

هذا منتهي ! التجارة طول عمرها على العرض والطلب ، معدل الربح عند التجار القدامى طوال السنين الماضية ندري انه مجحف و ٢٠٠٪ ربح وقلنا يالله نموذج رأس مالي ومالنا دخل والله يرزقهم ، ان التاجر الجديد يجي بربح اقل مو معناته بضاعته رديئة ، الا ان جشع التجار القدامى الي يسمون نفسهم تجار والان غيرو نشاطهم الا عقار ومشاريع وصارو اثرياء بشكل غير طبيعي ، هذا ليس حسد هذا توصيف حال ، تخيل انك تقدر تلاقي فرصة بتقليل هامش الربح فقط وهذا الي خلاهم يرقلون الفترة الماضية. مثال للحصر سوبرماركت المزرعة جا بنموذج وجبات مقارب سعره للمثال المذكور كيف تتوقعون وصل للسعر ذا الا ان معدل الربح الماضي كان شي غير طبيعي وجشع غلف بالرأس مالية وعدم مراجعة الاسعار يعني فجأة ١٠٠ قرام دجاج صار ب ٨ ريال ! سبحان الله.

يا نايف كلامه بيكون صحيح بالنسبه للتجار لكن بالنسبة للمستهلك فهو يقضي كثير من إحتياجاته باسعار اقتصادية تريحه وما تخليه منهك مادياً لأنك إنت ما بتتعامل مع مستهلك من طبقة واحده مادياً والدولة عليها مراقبة الجوده المنخفضة وتختار منها اللي ما يشكل ضرر على الصعيد البيئي والصحي فقط

الحمدلله الحمدالله انه مو مسؤل ليتهم ذيك الليله رقدوا. بالله عليك ليش ما جبت اثر ذلك على المواطن البسيط وركزت التأثير على اصحاب العقارات انت بالعربي ودك تقول اثروا على مصاصي الدماء القدامى اصحاب الصالات الكبيره ابو ربح ٢٠٠ في الميه بس شكلك استحيت ولمحت انهم في دروب 😂😂😂😂

٩٥ ٪ من محلات التجزئة الصغيرة يملكها عمالة تحت التستر ، ويرفعون الاسعار بدون توقف كل فترة تجي تحصل الاسعار ارتفعت . كل التوفيق لكيو ومالكه البطل وان شاء الله تنتشر فروعه في كل مدن المملكة .

شوف اجابتي بتكون على امرين : ◻️الامر الاول : من نظرة تاجر اكيد البعض سوف يؤيد كلامه .😅 ◻️الامر الثاني: من نظرة عميل طبيعي المشهد الي صار اليوم من ازدحام خير اجابة ورأي ، العميل يدور المنتج الي سعره رخيص والي صار اليوم ماشاء الله تبارك الله👌🏻

الله لا يكثر امثاله والله من الجشع اللي فيه واشباهه،خايف على المستثمر الاجنبي😂 تعودوا يبيعون باسعار خيالية ويضغطون الناس بدون رحمة ولا احد قالهم شي .الان صاروا يصيحون يطلبون تدخل التجارة ! حتى كرتون تمر الصقعي خلوه ٦٠٠٠ ريال! شكرا لكيو ومالكه البطل اللي فك الناس من ذا الاشكال

كلامه غير دقيق؛ فالمتاجر الصغيرة تستفيد من الصالات الكبيرة عبر الشراء منها بأسعار مخفضة وإعادة بيعها في بقالات الأحياء بأسعار تنافسية. هذا الادعاء لا أساس له، فليتنافسوا بما يصب في مصلحة المستهلك.

انت ويش يضرك من مصلحة المواطن المواطنين راضين ونبي في كل زاوية فرع

كلامة غير منطقي يعني المستهلك الي ذبحتة الشركات بأسعارهم لأنهم يغرقون الاسواق وبأسعار غالية كيو شركة عندها أسعار تنافسيه مع الشركات والمستهلك اصبح عنده خيارات متعددة وهذا الشي من صالحه تجيني وتقول يتأثر الاقتصاد هذا الكلام ترد عليك وزارة التجارة وهم ابخص

في الرياض عندك مشروع تحتاج اقل شي 50M لتبداء بمشروع صغير🙃 فالاستثمارات ضخمة تلتهم كل شي بالسوق فمن يملك المال في الأسواق يملك السوق ولكن لا يملك السيطرة ولهذا وضعوا النظام @MCgovSA و @Zatca_sa وهم المسيطرين مدامهم مسموح لهم وتحت أعين النظام فلا ضرر ولا ضرار إذا كنت قد السوق اطلع

شايل هم التجار العثيم وغيره ههخخ طيب ليه حاط كيس لشاشة الي خلف مقعد السواق خايف عليها من الشمس هههههههه

عمر انخفاض اسعار السلع وتوفرها ماكان كارثه او شي سلبي ابدا الا على الجشعين والمتسترين والأنانيين وهم المستفيدين من إرهاق جيوب الناس والتلاعب بالاسعار لذلك كلام هذا الرجل وصرخاته تجعله محل شك لا في دوافعه في قول هذا الكلام الغير منطقي ولا في اهدافه الغير معلنه والله اعلم بالنوايا

لو الصاله فرع ل العثيم او كارفور راح يطلع يقول ذا الكلام؟؟؟؟ بالعكس خلوها الصالات الكبيره تصير منافسه مب احتكار ع كم اسم

اي واحد يلبس باروكه لا يعد برأيه

المستهلك يبي الارخص . والاقرب لبيته اذا الجوده جيده. ليه اظطر اشتري كوب طماط حبات صغيره ب٢٠ ريال والصندوق به ٥كيلو ب٧ ريال بالاسواق الشعبيه والصالات وليه البقالات ما يبيعون بنفس السعر . والكثير من البقالات مملوكه اجانب ومستغلين تواجدهم بالاحياء.

انا شدت انتباهي الباروكة ماانتبهت لكلامه ! هو شيقول ؟

( قال الناس يارسول الله ، غلا السِّعرُ فسعِّر لنا ، قال رسول الله صلى الله عليه وسلم : إنَّ الله هو المسعِّرُ القابضُ الباسط الرزاق ، وإني لأرجو أن ألقى الله وليس أحدٌ منكم يطالبني بمظلمةٍ في دمٍ ولا مالٍ ) هذا إذا أرتفعت الأسعار على الناس.! فكيف إذا نزلت أليس هذا أفضل نايفكو.

المفروض انت وهو الي تتحاكمون بقضية: الإرجاف المفتعل هو شغال بالغربية منذ سنوات ليه الآن حكتكم دودتكم 🪱 ومن المستفيد؟

التضخم بالرياض خصوصاً في المنتجات الاستهلاكية مرتفع والصالات راح تنزل اسعار المنتجات الإستهلاكية ..بعض التجار الصغار يحط الاسعار على كيفه .. وبالنهاية دام المستهلك النهائي مستفيد فالحمدلله الله يزيدها ويكثرها إذا زادت القوة الشرائية من المستفيد النهائي هذا شي صحي للأقتصاد

بلدنا سوق مفتوح. وكلما زاد العرض قل السعر. وانخفض. ظاهره صحيه جيده للمستهلك واللذي يمثل الشريحه الكبيره من المجتمع

خله يضرب المستثمرين وانت معهم بعد

انا من رايي اذا انت تشتغل بتجارة صغيره مواد وسلع يستطيع أي تاجر اخر توفيرها 🚩تدارك نفسك وابحث عن صنعة "باليد" لأي نشاط ..ابدع فيها هي الي محد بيقدر أحد يأثر عليك لأن في نشاط السلع..نحن مقبلين على دخول قوى تجارية ضاربه ماراح تقدر تقاوم وراح تحاول تبيع بنفس سعرهم حتى تخرج مديون.

رايي ان الافضل تقليل الأثرياء وزيادة دخل المواطن والأمير محمد بن سلمان حفظه الله راح يلتفت لكم بعد ما نخلص كل الملفات الإقليمية وسيمسك كل تاجر في اي مجال قاعد يحتكر السوق واتوقع والله اعلم بيبدأ من الروس الكبيرة سيقضي على الاحتكار وراح يخلي السوق حر باذن الله وهذا الرأي الي في الفيديو اشوفه ينفع التاجر اكثر من المواطن يخافون على التجار اكثر من المواطنين 😂😂😂😂الله لا يبلانا