رجل الأعمال دخيل الله بن نويجي الحارثي يقوم بتسديد مخالفات مرورية لقبيلته تتجاوز 7 مليون ريال .. وش حاب تقول لهذا الرجل ؟

أعطى المخالف من قبيلته وترك المحتاج من قبيلته فقراء القبيله دايم مسحوب عليهم تلقاه مامعه سياره واذا كان معه تلقاه مامعه وظيفه وطفران وبعضهم لاسياره ولا وظيفه وبعضهم معه سياره بس مكسره اللحين ابو مخالفات هذا تلقاه متوظف ويلقى قوت يومه بينما بعضهم ماعنده قوت يومه ولا موظف

هذا يشجعهم على ارتكاب المخالفات والاستهتار بأرواح الناس👎 المفروض ساعد جماعته مثلا كل واحد شاب يدفع عنه مهر الزواج يشتري لهم سيارات يساعدهم في السكن كذا صح👍

لو مسدد قروضهم العقاريه ابرك من مخالفات المراهقين والمستهترين

جزاه الله خير و لكن لو وضعها في علاج مريض محتاج او سداد فاتورة كهرباء لعائله فقيره او سداد اجار ……. الى اخره . سداد مخالفات مروريه مجانا ربما يشجع على ارتكاب مخالفات اخرى .

مؤلمٌ أن تُجمع الملايين لإنقاذ مخطئٍ من نتيجة خطئه.. والأشد إيلامًا: أن تُجمع الملايين لسداد مخالفاتٍ مرورية صنعها الاستهتار بالنظام والتهور بأرواح الناس..! فهذا وجد من يصرخ باسمه ويجمع المال لأخطائه.. بينما يموت فقيرٌ عفيف في اليوم ألف مرة: يخفي جوعه.. ويكتم دَينه.. ويبتسم حتى لا يفضحه الاحتياج.. لَا يَسْأَلُونَ النَّاسَ إِلْحَافًا.. موازين مقلوبة.. وقِيَمٌ معكوسة..! ننقذ المستهتر من نتائج تهوّره.. ونترك العفيف يواجه فقره وشتات أسرته..!!

اما المخالفات على اسمها فهي مخالفات سرعة عكس شارع وكلها مراهقين أزعجونا في الشوارع وتسببوا في حوادث مميتة ذهبوا فيها ضحايا أبرياء ، فلو أعطيت هذه الملايين لفقراء القبيلة لكان خيرا لهم . ومع ذلك نقول له جزاك الله خير لأنك اهتميت بجماعتك .

المخالف خالف نظام الدولة وربما الكثير عن عمد ، وفي حالات كثيرة المخالف معرض نفسه والآخرين للخطر يجي من يسدد عنه ويستمر المخالف في مخالفاته!! لو زوج شباب جماعته ، لو سدد ديون المحتاجين من جماعته ، لو تكفل بأيتام من جماعته ، لو لو لو

تشجيع على زيادة الفوضى وعدم احترام النظام والقانون المفروض تتم محاسبته وسبح الملايين فهناك عقول تستحقها

لو تم توجيه هذه الملانيين لخدمة الاسر الفقيره من المجتمع وخاصه من قبيلته او القبايل المجاوره له كان افضل لان من جميع المخالفات المرورية ارتكبها اشخاص خالفوا الانظمة وتسديدها لهم يزيد في التمادي والاستهتار بالانظمة

ليتك متبرع للفقراء والمحتاجين بدل التسديد عن المخالفين

بيض الله وجهه والله يعوضه خير هذا نموذج مشرف لأصحاب المال وهذ ينطبق عليه الحديث النبوي اللهم اعط منفقاً خلفاً ويقول الملك الاخر اللهم اعط ممسكاً تلفاً. ومن احب الاعمال الى الله سرور تدخله على قلب مسلم والاقربون اولى بالمعروف

يامن خذ له من حلاله عله 😄😄😄 عالج الخطاً بالخطأ انت حر في مالك لكن ؛ فيه منهو أحوج من تسديد المخالفات 😂😂 ترك المتعففين والمحتاجين وهبد بالخزنه بالمخالفات😄

المخالفات عقاب من ولي الأمر .. وأنت تساندهم في تخطي التجاوزات واستسهالها، لذا أرجو من الرب القوي أن يجازيك من أوزارها أضعافا .

اللي معاه قرش ومحيره يجيب حمام ويطيره

هذي يشجعهم علي السرعة ومخالفة ألانظمة أروح ألناس مو لعبة في يدك

احد يقدر يوصل لي رقم جواله يمكن ربي يسخره لي اقسم بالله اني عليه ايجار متأخر ١٥٠٠٠ خمسة عشرة آلألف ريال وما عندي شغل وصاحب البيت قد كلمني ادور لي بيت ثاني يبغاني اطلع من البيت وين اودي اطفالي اقسم بعزة الله ماعندي أي دخل والضروف يعلم بها الله سبحانه

رجل اعمال ويسدد اكثر من ٧ ملايين لتسديد مخالفات ..كل انسان حر في ماله وله الحق في التصرف فيها كيفما شاء لاكن وجهة نظر لم يحالفه الصواب لشباب مستهتر يجمع من المخالفات ٢٠٠ الف او ٣٠٠ الف ويضمن من يسدد عنه لو صرفت في افضل من ذالك وله الاجور مضاعفه

خطاء كبير ، لو حطها في أمور خيريه موجوده لدينا افضل له والاجر مضاعف

الي قاطع اشارة وبغى يهلك الناس نكافئه ونترك الايتام ومن يحصن نفسه والمريض

والنعم لكن لو وزعها على العوائل المحتاجه اتوقع اصلح علم

هذا يشجعهم على الامبالاة في انظمة المرور ؟؟؟؟

موضوع ركوب ترند وشو لو انه مسوي اعمال خيرية للمحتاجين ومزوج العزاب لكان افضل من مخالفي قوانين المرور .

تستاهل كل خير يا شيخ والله انك راعي فزعة ونخوة وما قصرت مع قبايلك

نقول الله يكثر خيره ويزيده من فضله بشرط إلا تكون لشباب مراهقين بسبب قطع إشارة او تجاوز سرعة

اذا صح الخبر ، فإن فعله خاطيء لأنه يساعد على الفوضى وعدم احترام الانظمه لو اعطاها الارامل والعائلات الفقيره والمقبلين على الزواج لكان افضل بكثير

والله اشوف انها غلط عطهم مبالغ ولا تسدد عنهم كذا راح يخالفون ولا يهمهم

سبعة مليون اشتري عمارة وقف ودخلها لاوجه البر او اشتري سبع شقق لعوايل من جماعتي مجانية او افرغها لهم او ابني قصر افراح لاجتماعات وزواجات اقاربي وباقي الايام تؤجر والدخل اوزعة في اوجه البر او اقيم حفل زواج جماعي لاقاربي او اساعد الشباب ع الزواج ،، اما سرابيت المخالفات ف يخسون

حاب اقول إن هذا تشجيع على مخالفة النظام وليس بعمل خير ( وتعاونوا على البر والتقوى ولا تعاونوا على الإثم والعدوان)

انا اقول لابارك الله في امواله ، كان حطها في مستوصف او مستشفى اورعمل خيري يدر له حسنات ونفع للمجتمع بدلا من دعم مخالفي النظام

ليتك تسدد مخالفات اخوي

والله أنه كفو وجعله الله بالجنه مايعرف الوضع إلا اللي يعاني من المخالفات

الله يكثر خيره ويزيده ياليت يقرضي واسدده