رجل سعودي تعرضت سيارته لحادث وهي واقفه امام باب المنزل من عمال في احد الشركات وقلطهم في بيته وقهواهم وغداهم :

هذا اللي خلاهم يتمادون علينا

الله يسعده ما قصر

وصورهم ونشر موقفه البطولي عشان يطلع ترند تخادعون عقولنا انتم الافعال الطيبه تلقونها بدون تصوير ولا توثيق بسسس

وين الكرم بهالمقطع ..!؟ كرم مضيعن دربه مع عماله يزيدها هذا التصرف تمادي وغطرسه وعدم هيبه للنظام والحقوق .. وهم اصلاً مستهترين ونشوف كيف يسوقون بتهور وعدم انضباط بسبب انها سيارة كفيل ومأمنه ..! ممكن يتسامح ويتنازل .. إذا شاف وضعهم صعب ويستدعي ذالك أما انهم .. يصدمون سيارته وهي عند الباب واخرتها يكرمهم على هالانجاز ويحتفي بهم.. والله شي .. لايقبله عقل ولامنطق ولاهو يم جاده..!!؟؟

يا ليل الانبطاح والله لو سعودي ما سوابه هالسواه غير يغربله بنجم وقلة حيا بطلو انبطاح للاجانب ياخي مردتوهم الله المستعان

يا شين الجميل اللي دروا به جميع الناس ويازين الجميل اللي ما يدري به إلا اللهُ

الظاهر التصوير هو رياء هذا الزمان

التسامح بزيادة يسبب عدم المبالاة في المستقبل .. ويكون الضرر على المجتمع اكثر اذا اصبح المخطي لا يعاقب ويعرف انه سيتم مواجهة خطئه بالعفو!!! فما بالك باكرام المخطئ اللذي لا يفهم هذه الثقافة ولم يتعودها في بلدة.

طيب بيسوي فيهم معروف !! ليش يصور ؟! هذا رياء وهياااااط وليس كرم 👍

قلطهم وغداهم وشهّر بهم عشان صدام فايبر سعره 150

لو ان اللي صادمه سعودي للحين يتضارب معه

التسامح زين لكن هل تعمل هذا مع السعودي او تعمل بقاعدة هذا مسكين علشان يصدم غيرك ويقهويه ؟!!! عش تشوف😆😆

قولهم يصلحون السيارة والله يستر عليهم بس وخل عنك التصوير والكرم بس مادمرنا الا خبالنا كذا

النرجسيه الزايده هذي غير تطردون بالشوارع من المقيمين قسم لو انتم في بلدهم سواح ماهو شغالين بالجزمه علي روسكم هالاخلاق الزايده غير تدفعون ثمنها هذا هم محتلينكم اليوم تصيحون من الشركات غثتنا هاالنرجسيه المروحه

ولد عمتي حك واحد قبل شهرين حكة بسيطة وقاله الرجال عوافي روح تفاجئ امس بالشرطة يتصلون عليه (شبية الرجال) صلح سيارته وجايب الفواتير ورافع عليه قضيه حسبي الله

هذا اللي ضيعنا الطيبه الزايده لو فرضنا العكس انت المخطي كيف بيكون التعامل

الوافدين سعودي كثير فلوس مافي مشكل يسوي صدم مافي مشكل يقتل سعودي مافي مشكل يسرق فلوس سعودي مافي مشكل سعودي أسوي مشكل معه مافي مشكل سعودي قلب أبيض يحاسب كفيلهم الذي تركهم يتدربون بالشوارع وتحاسب مدارس قيادة السيارات التي رخصت لهم الرخص وتحاسب شركات التأمين التي تحميهم

لو مافيه تصوير كان والله اعلم صارت عكسيه عليهم

ولو كان سعودي اتصل علي نجم والمرور والدوريات 😂

الله يكتب اجره ويرزقه على نيته الطيبه ان شاء الله اللي يبين طريقة المعامله اللي وصى بها رسول الله صلى الله عليه وسلم وقال ( إنَّما بُعثتُ لأُتمِّمَ مكارم الأخلاقِ )

المثالية الزائدة ضعف

المشكله ان اي معروف يقابل بالتصوير ولم نعد نسمع بالذي ينفق او يتصدق فلا تعلم شماله ماانفقت يمينه؟

اقول مثاليات مالها داعي مثل تصرف هذا الرجل يجعلهم يستهترون بحقوق الاخرين . لو العكس الحق لهم والله يتنازل عنك ابدا . المثالية الزايده سماجه

الرحمة بلسم للروح وجمال للنفوس وبركة في الحياة … جزاه الله خير وبارك فيه

والتصوير ليش ابتلشنا بضعفاء النفوس الله ليجود على من يهايط بكرمه هذا رياء وضعافه

الله يخلف عليك هذا اللي خلاهم يتمادون غلط كذا ههههههههههههه

كل شي تمام وكويس الا التصوير !!!!!! ليش ؟

قلطهم ههههه. السيارة تبع شركة اكيد عليها تأمين .مايحتاج الفيلم هذا

غلطان بصراحه الطيبه الزايده غلط وتجعل المخطي يتمادى بلغ نجم وتامينهم العلل يصلح لك

يا اخون خلكم ناس طبيعين و لا تسوون انفسكم ملائكة

خذوها وانا مبارك 🥸🖐🏼 أنا ارى من وجهة نظري النظرية انه عطل العمال عن شغلهم وعطل مصالح الشركة وكذلك خلاهم يأكلون كبسه وبيدمون الكبسة وكل ظهر وهم بمطعم وتخرب ميزانيتهم ويقصرون على اهلهم وبيشوف هالمقطع عمال ثانين ويتأثرون ويقلدونهم 😭 خير خير كريم وحب ينشر الطيب 🖐🏼

الله يبيض وجهه ويجزاه خير هاذا اللي تقول عنه كريم مو اللي يجيب شقر و اوروبين ويقعد يعلف فيهم

بعض الطيب غباء عنيف والله لو العكس مايفكك

ما شاء الله عليه ... صدموا سيارته ثم قلطهم وقهواهم وغداهم ثم في الأخير فضحهم أمام الملأ .

ووضع الندى في موضع السيف بالعلا مضر ..كوضع السيف في موضع الندى