(((((( رسالة للداخل والخارج )))))) تواصلو بي ياهل صنعاء اهل مارب وقالوا أنزل واطلب اللي تريده يقولوا انك وسط خــولان هارب أرحب وبانفتح لك الخط سيده ايش المسبب والسبب والمآرب حتى تواصل بي قبايل عبيده ؟! وانا معي تاريخ بالمجد ضارب محال باتراجع واخون العقيده حمى على دقني وحمى... الشوارب لابعت ديني بالظروف الشديده حتى لو ان الأمن والوضع خارب واصبحت شارد بالديار البعيده ثابت على عهدي مجاهد محارب والقلب ينبض بالــولآء في وريده مع ابن بدرالدين قُدنا الكتايب في يوم عاد الوضع تحت الحديده قايد يركع شرقها والمغارب ويحتوي كل الصفـــات الحميده احنا تولينــــا حفيد ابن طالب وعهدنا له بعد جـــده وسيده الحق مابقى معي أي صاحب لاما استغلو وضعي اهل المكيده شنو عليا حـــرب من كل جانب واتكالبوا ضدي يهود اهل ريده عجيب منك يازمان العجايب كمن بطل مغوار تجهل رصيده على كلام الحــــق ندفع ضرايب ثُرنا وضحينــا بكمن وليده برسل نصيحة بعد خوض التجارب ويفهموها اهل العقول الرشيده لاتسمعوا خاين وفاسد وكاذب حتى ولو جاكم بجمله مفيده خذو حذركم من سموم العقارب من انخــدع في شكلها با تصيده الأمر بالمعــروف مفروض واجب تحصين من نشر السموم المبيده نــاديت لكن ما لقينــــا تجاوب ولا سمع مسعد ولا اوحت سعيده وبح صوتي واصبح الوجه شاحب هذا جزاء من قال كلمة سديده خلاص انا قررت في رآي صايب عبر التواصل وانشره فـ الجريده ابعد واوقف فضح كل المصايب هذا قــــراري والعلـــوم الأكيده ببعد واجنب لاجل نبقى حبايب ومن عجــن لازم يمتن عصيده ويفهمـــوها كل حاضـــر وغايب انا مجاهــــــد راس مالي قصيده #الشاعر_الجرموزيshow more

Loading video...