زهراء الشابة اللي حصل لها الاعتداء تتكلم وتشرح اللي صار كامل ،فيديو طويل ترجمته لكم

ثريد تتذكرون مقطع نزلته قبل فتره وانتشر على نطاق واسع في بريطانيا عن الرجال اللي اعتدى على شابة تعمل بالمطعم وضربها بالصحن وهي تقدم لهم الاكل هو وزوجته وطفلة كان الجميع يتساءلون عن السبب انا بعد كنت ابغى اعرف ليش ضربها كذا لقيت حساب البنت اسمها زهراء ولقيتها نزلت فيديو شرحت اللي صار لها بالتفصيل وتكلمت عن خذلان الشرطة لها ترجمته كامل وبنزله في اول تعليق بعد ما انزل لكم فيديو الاعتداء عليها

الغريب انه الى الان لم يتم القبض علي الشخص اللي اعتداء عليها في واحد مستقعد ويتهم الشرطة انها ماقبضت عليه لانه مسلم . ارسل للشرطة قبل يومين يسالهم ويطلب تحديث عن الحادثه ردت عليه الشرطة " تجري الشرطة تحقيقات حاليا، لكن لسوء الحظ لم يتم إلقاء القبض على أحد حتى الآن "

رجع ارسل لهم يقول كيف لم يتم القبض عليه وصورته واضحه وهو يدفع الحساب وكمان تقدرون تعرفونه من خلال بيانات بطاقته البنكيه اللي دفع منها الحساب ؟ كمان سألهم "إذا كان بإمكان الشرطة التعرف على الأشخاص الملثمين في أعمال الشغب، فكيف يظل هذا الرجل طليقا؟ هل اخترت عدم اعتقاله لأنه مسلم؟ بس ماردو عليه ولا عبروه .

هنا الشابه تكلمت علقت على اللي صار لها وقالت ان الشرطة كانت موجودة وبلغتهم باللي صار لها ومع ذالك سمحو له بالذهاب ، وتعليقها لقى تفاعل كبير جدا 15 مليون مشاهدات 172 الف لايك

وهي تسرد القصة اسلوبها مستفز

الترجمه العربيه عليها ترجمه انجليزيه والي تكلم تكلم انجليزي مانشوف الترجمه مدري وش الفايده

فيه علامة cc تطلع لك بزاوية الفيديو قبل ماتفتحها اضغط عليها تقفل الترجمه

عطنا مختصر سالفتها بالله واضح قصتها طويله

@vvuuida

اشوف انها تستاهل باستفزازها لهم والتضييق على تقديم خدمة الكرسي لهم واحراجهم وشكلها مشخصنتها معهم وشرحها للواقعه متناقض وغير منطقي هي تستاهل لانها مستفزة حتى وجهها مستفز لكن كان يجب على الرجل ان يمسك اعصابه وترك امرأته تتصرف معها او غادر المطعم او القى الطبق ب لارض بدل ضربها به

واضح استفزوه لانه مسلم سحبو عليه حتى هي من كلامها واضح وماقدر يتحمل صح غلط تصرفه ومامسك اعصابه ومو معناته مسلم يعني ملاك مايغلط بس حتى لاتختبر صبر الناس الين يهفونك بصحن وتجلس تسوي دراما