زوجتي ماتطبخ وفلوسي.. وش الحل ؟

شجعها على الطبخ قل لها اتمنى اذوق طبخه من يدينك الحلوه ترى المرأة نفسها نفس الطفل كائن لطيف يحب المدح واللطافه والتشجيع والتحفيز واذا سوت الأكل امدح ولاتكسر مجاديفها حتى لو أخطت في الطبخ بعض الحريم تخاف من ردت فعلك وسو لها مفاجأه وقل لها انا عازمك على مطعم او كفي اذا اتقنت شغلها

استغرب ماعاد في تواصل بين الزوجين صاروا يشتكون ويفضفضون في مواقع التواصل والي المفروض يتكلمون معاه ساحبين عليه!! تكلم مع زوجتك ووضح لها مافي طلعات ولا سفرات ولا اي ترفيه حرفياً لان الراتب يروح على المطاعم واذا تبي طلعات تطبخ وتوفرون فلوس الطلعات والسفرات

عشان يقولون الزوجة مو واجبها تطبخ بحجة مو خدامة عند زوجها ، بس زوجها يسفرها ب١٠٠ ألف ويجيب لها هدايا ب٥٠٠ ألف لا هذا واجب من الدين كيف مدري ؟ ☺️

اوڤر بدال مقاضي البيت جيب من برا ولا جيب مهندسه بيت تطبخ لكم سوا

لانكم انتم ياازواج ماعطيتم كل شخصيه حقها الرفله تطيرون بها للسماء واذا سوت طبخه تقل مسويه معجزه وهدايا ومكافئات ام السنعه اللي تدير بيتها وتقوم بواجب ضيوفك على افضل وجه على ادنات السالفه تسوون مشاكل وتحسسونها ماسوت شي فاء اكثريت الحريم الحين صارن رفلات

ادخل المطبخ انت وياها اخترعوا اكلات سلطات طبقو من الانترنت اشياء سهله يمكن ماتعرف تطبخ خلي الوضع مشاركه حلو مره بحب كل حياتك مشاركه جتى باجازاتك قوم سويتها فطور قبل تقوم من النوم كل شي تبيه منها قدمه لها بحب بيرجع لك اكثر واكثر بل حب لاتقلق

بسيطه تعلموا مع بعض اطلعوا وهاتوا الأغراض ونفذوا الوصفات مع بعض بتكون ممتعه بعدين بتتعود مع الوقت انت بس لاتقول له بصيغة الأمر خليها بصفة المشاركه و نجرب شي جديد وكذا وصدقني هي بتبادر وتاخذ زمام الأمور بس بهدوء بدون ضغط

خير وش فيهم صحيح ( المراجل كايده) كل شوي واحد يتشكى 🤔 سهله تغدا برا ،، مره مرتين ! وخليها وفلوسك امسكها ليما تجوع هي وتقوم تطبخ !!!

احسن شئ تقول لها ان واحد من اصحابك عزمك انت وكم واحد عنده ولمن ترجع قول لها ماشاءالله زوجته طبخها مره لذيذ وكلنا عجبنا يمكن تبدا تحس وتتحرك وتغار. او كلم امها عادي قول علمي بنتك الطبخ واشرح لها الوضع لو بنتي والله مااسكت عنها.

القصة مستحيله مستحيل زوجه ماتطبخ ولا طبخه اكيد تأليف؟ اما لو صدق فشيء غريب انا وبطني قدامي وبالتاسع وامه واخته عندي سكنوا اسوي فطوره وعشاء حقه وارتب واكنس البيت 🫩 والله تفتح عقلي الحين

كذابين اخوياك عادي افتح معها الموضوع وقول ماتقدر تجيب اكل من برا وماتحبه طفشت منه لازم تطبخ لو وجبتين او وجبه باليوم مو معقوله عاشيين كل حياتكم ع مطاعم واذا مانفع لاتجيب اكل من برا تغدا برا انت او كل مع اهلك وخلها تجيب لنفسها او تنحد تطبخ وجيب لها غسالة مواعين تساعدها

لا تجيب يعني انت ادخل المطبخ واطبخ وخل لها الحوسه كل يوم واذا قالت قلها ماعندي فلوس اذا عندك عطيني

اخذها وحطها عند اهلها وقفل جوالك وكلم ابوها بلغه انك مرهق ماديا وماتقدر تصرف على بنته لانها ماتساعدك بتحمل مسؤولية بيتها فالافضل ترجع عندك معززه مكرمه وانا باروح بيت اهلي واذا ماعرفت شنو يعني زواج وواجبات للزوج حياها الله واذا رافضه انا باتزوج اعذرني بس هذا حقي واطلع اسبوع وترد

اول شي من تزوجنا كم لك متزوج؟ هذي نقطه ثاني شي تقدر تجيها باسلوب كويس وتسولف معها مو تجيها بدفاشه وجفاف وهنا ماتحتاجون احد يعلمكم الاسلوب تبارك الله ثالث شي ابداَ لا تتكلم مشاكلك للناس العامه مهما كان الموضوع لو مايعرفونك اللي ببيتك يبقى ببيتك مافيه الا انت وهي تكلم معها بكل شي

في نواشف ومعلبات مو كل يوم طبخ وسوي لها جدول في الاسبوع تسوي ٣ طبخات قول لها يلا نشوف إبداعات اهل الجنوب او اهل الشمال حسب العائلة الي انت ماخذ منها وعادي تحمونه بنفس اليوم او اليوم الثاني ومايمنع انك تساعدها او تكافئها

ما اعتقد بتصير مشكلة توصل للطلاق الا اذا كان اسلوب فتح النقاش هجومي الموضوع سهل والطبخ في البيت يوفر المئات موضوع انكم تقعدون نص الشهر تخلصون الفلوس هذه مشكلة حقيقية لازم لها حل اجلس طبيعي وناقش من غير اي اسلوب هجومي او مقارنة … وصلى والله وبارك

اولا الطبيعي ان هي من نفسها تطبخ لك دامك تشتغل وترد تعبان اكيد يبيلك لقمه زينه ثانيا اقعد معاها سولفو عادي وجيب ورقه وقلم وسو نفسك تحسب المصاريف وان هالشهر فلوسي طارت وشوي افتح معاها موضوع ان بنسوي الاكل بالبيت وانك بتساعدها واكيد ماراح تقول شي

فيك تشوف طبخه بالجوال وتروح تشتري أغراضها وتقول يلا يا شريكة حياتي نجرب نطبخ ! افكار كثير بدون لا تسوي مشكله عشان طبخ ، ترا بعض البنات ما تعرف تطبخ ولا عمرها طبخت ببيت أهلها ، جرب طرق كثير لا تسوي مشكله

من رايي انت اللي تطبخ و تطبخ بالكميات و تفرزن و الطبخ يكون في الاسبوع مرة تجهز فيه كل شي ( أرز - دجاج مشوي - كبسة لحم - معكرونة مع صلصة حمراء ).. كلها ما تاخذ مجهود سوى ساعتين .. و زوجتك عليها تساعدك في فرم الخضار و تنظيف الشقة و الغسيل و الكوي و بهذه الطريقة تكون وفرت فلوسك👍🏼

اقترح تجيب خادمة بالساعه نهاية الاسبوع دور شركة رخيصة تحصل ٤ ساعات ب١٠٠ وتكون تحضر معاها وجبات الاسبوع كامل و تقسمها بالثلاجة والفريزر بس تسخنو وقت الاكل و بعد الدوامات وبكذا انحلت المشكلة العالم بكل الدول ترى كذا وجبها من باب انه بنحافظ على صحتنا وكادارة مالية واكل البيت انظف

خذ سندويشات ب ٧ ريال وانتهينا

املأ الثلاجة بالخضار و املأ الفريزر باللحم و الدجاج و السمك و لاعاد تشتري جاهز قول لها الطبيب منعني اكل برا و الاكل برا سبب جرثومة المعدة و اصحابك اشتروا اكل طلع لحم كلب و في اطفال تسمموا بسبب صلصة فاتت تاريخ الانتهاء و لو ما طبخت ادخل انت اطبخ و لا تعمل حسابها في الاكل 🤣🤣🤣

عادي في وحده تطبخ كل يوم وم يجي نص الشهر وطفرانين مامعه فلوس يعني سوآ جبت اكل ولا وم جبت مابيبقى معاك شي

وليش قالولك انك ادا فتحت معاها مشكله ...!؟ وانت سمعت كلامهم وسكتت يا ابن الناس الحربم يبغوا التفاهم والصراحة اقعد معاها في مكان هادي وتكلم معاها بهدوء واتفقوا انه اخر الاسبوع تاكلو من برة وباقي ايام الاسبوع وقت الدوام تطبخ ...تفاهم معاها ما حتصير مشكله ادا ما توقعتها.

هل الوضع طبيعي وبشكل ( دائم) ؟ لا طبعاً حتى لو عندك مال قارون فماله علاقة المال، هذا شي يأثر على الصحة والصحة اذا راحت الله المستعان ماعاد تسوى الدنيا فشجّعها وبادر انت وحاورها باسلوب طيّب انكم تبون التعاون يكون بينكم شوي شوي وبتضبط اموركم، ممكن هي ماخذه فكره غلط وتصحصح بعدها

الزواج حياة ويجب المصارحة وعدم اللف والدوران قل لها لازم تكون عندنا وجبات منزل وخاصة الأساسية ناقشها في الميزانية واتفق معها على مصروف وفهمها ان راتبك كذا كذا وان اي زيادة مصاريف سوف تنهى الشهر ديون ( فهمت وتعاونت خير واهله ) ما فهمت ورفضت انها تطبخ وتستخدم المونة الموجودة في المنزل .. دخل امها في الموضوع او ابوها حسب مين اقرب لها .. واخر الدواء ( لا تشترى اي شيء في البيت لا رز ولا لحوم ولا خضار ولا فواكه ولا اي شيء ..( واطلب كمية صغيرة ورخيص من الطعام الخارجي ) حتى بن وهيل وشاي لا تجيب ( الثلاجة فيها ماء فقط ) لو طلبت قول لها ما تطبخين ليش اجيب !؟

اسمح لي أخي الكريم أن السبب الأول أنت 🫵 ماغيرك وش عندها مريضة معاها عذر تتوحم معاها عذر عندها حالة وفاة قاعدة تقلب في البرامج والتطبيقات وتخابر صديقاتها على كلام اهلنا في العراق رجال ولك كلمتك جيب المقاضي وحطها قدام الأمر الواقع وهي ماتشوف الدرب وان رفضت بيت اهلها اولى بها مع العلم اللي يعتمد على المطاعم يوميا طبيعي يفلس

عيشوا زي الشغالات كرتون اندومي وطبقين بيض .. سهل ولذيذ واقتصادي هههه ماهي مجبرة تطبخ وانت مو مجبر تجيب من مطعم كلن يحط مخه في راسه ويعرف خلاصه

من الامور المهم النقاش والحوار ويكون هدفك التفاهم مو الانتصار والتهم .. اتفق معها ان كل نهاية اسبوع تجهزون وجبات الاسبوع القادم انت واياها مع بعض الخيارات متعددة .. بحيث يسهل عليكم تسخين فقط او طبخ رز ابيض مع صنف جانبي .. فيه اطباق ماتاخذ وقت وسهلة ولاتخلف مواعين كثير..

انا احس صارحها بالموضوع يوم انت تطبخ يوم هي

نفسي حصل زوجه تقبل بظروفي وانا اطبخ واغسل واكنس حتا رجولها اغسلها حتا سرويلها اغسلها

لا تاخذ من مطاعم مكلفه او تعلم انت تطبخ حالك حال الام الموظفه تطبخ وتداوم وتدير بيتها ولا صعبه عليكم ودائما حلولكم الزوجه الزوجه الزوجه رغم انه حتى الطبخ بالبيت مكلف 😆غير الجهد

انت تعلم الطبخ و اطبخ لها اخواني اللي ما كانو يدخلون المطبخ بعد ما تزوجو صارو فنانين بالطبخ و اكلهم لذيذ مرة 😋

انا مع التعاون بين الزوجين وتقاسم المهام لأني موظفه وزوجي موظف وكلنا نصرف ، بس بمثل حالتك عب لها ثلاجتها وانت اذا طلعت من دوامك مر تغدا واذا رجعت للبيت سو نفسك ماكليت شيء والعشاء مشي نفسك بنواشف لحد مايطقها الجوع وتقوم تطبخ غصب عنها والا تقاسمك المشترى