سائحة استرالية تنشر فيديو يتداول عالمياً عنوانه "لا تأتي إلى #السعودية مالم تكن على استعداد لكشف تحيز الإعلام" #ترجمة_لبيب

مدري طريقتنا مع الاجانب هي كرم والا سذاجة؟ ما عمرنا رحنا ديرة اجنبية وحاسبوا عنا او اكرمونا بشي وحنا نركض كل شي نقدمه للسياح بلاش !! وندور رضاهم لو زعل احد منهم ( مثل سالفة السايح اللي قال البايع ما ابتسم لي ) وراح الشعب يرد ع حسابه بانستقرام ويعتذر وينبطح وووالخ !

@missdior456 مو كل من جا لنا وصور ترجمت مقطعه كأننا مشافيح ما عمره احد جانا وياليت المقطع فيه فايدة بس تاكل وهي تصور

اجنبي مطفر وخاطره ب سياحه - ساودي ارابيا سلام اليكم

لماذا نحتاج الى التلميع ونهتم برأي الاجانب وكأنه انجاز؟ لماذا الانبطاح

الاجانب غالبهم يحبو البلاش وما عندهم مشكله لو ما دفع في رحلته شي عكسنا لما نسافر نوافق بحدود ضيقه جدا تقبل اي شي مجاني عندنا اثار وتراث وثقافه وامن وامان وحضاره واماكن ترفيهيه واشياء كثيره لا حصر لها من الجيد اظهارها اكثر من موضوع الكرم لان السائح لو جا يبحث عن الكرم بس وما حصل ما كان يتوقعه راح يشتم فيك والكرم مع الاعداد المليونية مكلف بلدنا مثل اي بلد سياحي بالعالم تبغى تستمتع برحلتك ادفع مقابل كل شي وان صادفت مواطن واكرمك فهو من طيبه اتمنى كل الي يلتقون باجانب وياخذون انطباعاتهم يركزون على اشياء اهم واكثر فائده لوطنا من الكرم وليست بقليل

جاية تأكل 😅 اكيد حياها الله , والله يحي كل زائر بشرط يكون جاي للزيارة مو للطرارة.

المصيبة راح يحسبون أنهم إذا جووو للسعودية سياحة ان كل شيء ببلاش ياليت اصحاب المحلات يفكونا من هالمجاملات اللي راح يكون تأثيرها سلبي على السياحة لاتعودونهم على البلاش هالمسعورة كل تصويرها أنها تأكل وببلاش وإذا جوو السياح وما لقوا هالبلاش راح يزعلون عليكم فياليت ماتعودونهم

تشبعت انا وغيري من هالمقاطع وكأننا شعب ينتظر المدح فيه علشان ينشره ويثبت للعالم أجمع إننا شعب مضياف وكريم ومتسامح ، واثقين من انفسنا إننا من افضل والطف الشعوب وتعرضنا لهجمات اعلامية شرسة ، لكن مايعني نتغنى وننطرب لكل مدح يجينا وكأننا شاكين في أنفسنا وننتظر احد يجي ينصفنا .

اثاري وزنها كان زايد على غير سنع عز الله بيتدبل وزنها. يوم شافت الخير والنعمة عندنا لعلها تعوض مافات من عمرها في البلع … 😂😂

هذا الاعلان الفخم لقيته في صفحة انفلونسر هندي. عن السياحة في السعودية.. كان ودي اترجمه بس مالي خبرة في هالشي..