🔥"سعد بن ضبيب السهلي"🔥 #حقيقة : أننا نعرف سعد بن ضبيب السهلي (حق المعرفه) ونعم الرجل توضيح 👇🏻

لو كلامه صحيح وان شاء الله انه صادق ادخل نفسه وخويه في شبهه هم في غنى عنها والناس لهم الظاهر

ونعم فيه .. لكن المزايدة على سلعة وانت لك فيها ملك .. لا يجوز اذا ودك تطلع خوياك اذا وقف السعر على المملوك لكم .. تشاورهم وتطلعهم . اما سالفة بتنفع خوياك ،، وانت لازلت شريك فالسلعة ما يجوز .

مانقدر ندخل في نوايا احد لكن الي يبا يطلع خشراها بشي يتفق بينه وبينهم ويطلعهم بمكسب بدون مزاوده.

سعد واضح ولا ماتلحقنا فيه شكه ولا اللوم فهد لنه الي شافه شي صحيح لكن ياسعد عادك خشير بالحاشي مايصلح الصراحه الشرهه على اخوياك الي يدرون انك تبي الحاشي ويعرضونه للمزاد مفروض قالو ياسعد الحاشي بالقيمه هذي خذينا خارج اخوياك بفايده ترضيهم بعيد عن الشبهات هذا مو ورث تسوم عليه هذا لك

نصيحتي لنفسي وللجميع: لا ننقل كل ما يُقال، ولا نجعل اختلافًا بسيطًا يتحول إلى خصومة وتهديد. من كان له حق أو عتب على شخص، فليتواصل معه مباشرة ويحفظ للناس قدرهم وكرامتهم، فالكلمة إذا خرجت قد يصعب تدارك أثرها

محد يدخله فالنوايا بس الموضوع ذا ما يدخل العقل مره والله لو ايش كيف يدخل الناس معه ثم يزاود

ما فيها شى يبي يكسب اخوياه وياخذ الحاشي له شخصيا

العجز الي ف الردود الشي الواضح واضح بس العجوز الي فيها محنه ماتصبر عادي يجوز اذا انت شريك وتبي تطلع اخوياك من شي عشان تمكله مافيها شي و ف الاخير سعد ظبيب شرى الحاشي وقطع الشك ب اليقين وسعد معروف لرجال الكفو اما اشباه الرجال تحت قدمي هلايمن تحركها مشاكسة بدو

والله ما تدخل المخ . كيف خشير وتزاود على الحاشي

اللي فهمته انهم يجتمعون الشريطيه ويحددون سعر الحاشي سعر معين وبعدها يشترونه ويرجعون يحرجون عليه وكل واحد منهم يزاود ويشتريه... طيب ليه اللفه هذي كلها 🤷🏼 الموضوع فيه 🔄

محد نشدك تعرفه ولا لا 🙅

كل يحرّم من راسه ومن كيسه بدون علم. ----------- سعد ضبيب مشهود له بالخير وبيع المزايده جايز شرعاً إذا هو يعلم بأن السلعه ما وصلت حقها كخبرته بالبيع والمشتراء. وهذا عائد لنية الشخص المُزاود.

( إنما الأعمال بالنيات و إنما لكل امرئ ما نوى ) هالمسأله لها صورتين : الأولى : ان تكون المزاوده للاستحواذ و استدخال السلعه من بقية الشركاء ( جائزه ) الثانيه : زيادة للنجش ( حرام ) هالشي يعود لذمة الشخص و بينه و بين ربه و السؤال : من اللي مستعد يتذممها غير راعيها ؟!

هذا الحاشي اللي يقولون عنه جاء مشپهاني ٍ على خف وجناح😂

فرصه نباح الصياهد الفتنه يهب ياوجه

كشفهم فهد غازي

طيب لاتزاود إذا وقف الحاشي قل أنا اشريه

الناس لها الظاهر والتوضيح طيب وجميل ولكن لا تهاجم من انتقد الموقف لانه مايعلم بالتفاصيل الي ذكرها خلو صدوركم وسيعه

افتقدنا المصداقيه في البيع والمشترى ماله حق يزود في الحاشي وهو يملكه ، ممكن يخلي الحاشي لين يوقف على سعر ويسأل خشراه اذا بيبيعون ياخذه بسومته او يفرق بالشي البسيط ، تنفعهم بطريقه غير شرعيه !!!!

ممتاز بتكسبهم خلها توصل سعر معين بعدين اخذها مو تزاود عليها مجرد مزاودتك عليها يعتبر عكس تصريحك وكلامك

طيبا فرضا ماباعوه والسوم تعدا سومته من المستفيد مع الشركاء ✋🏻

واضح ان فيه بلى

لو واحد غير فهد غازي ماساوم عليه ودخل بالسومه سلم علي بو غازي حارقهم حرق

المراكز الاوله شي اعتيادي😂😂😂😂

قدر الشراكة مايفوح

وليش ماتلتقي بالطرف الثاني اذا انت محايد؟

انت تعرفه حق المعرفه انصحه ان ذا حرام تزاود على شي لك ويبرر بعد ابي اكسب اخوياي 😂😂

الله اعلم بنوايا ولاكن المفروض ابن ضبيب يعلم اخوياه يقول اذا وقفت تراني ابغاه بزيادة ريال وليا وقفت ينصبون رفيقهم اما تزود فيها كيف تجي ؟

سالفة ما تدخل العقل و شكراً لمشاكس بدو على تنبيه العامة و البدو على هذه الممارسات

مايجوز شرعآ انت خشير و المفروض ماتزاود في حلالك حتى لو معك شركاء اذا وقف الحاشي تشاورو فيه والي يبيه يااخذه او تبيعونه وش درا الناس ان الحاشي الك وانت تزاود فيه هذا نجش

هذا الي دمر السوق وشكك الناس بالاسوام . اذا يبا الحاشي يجلس مع خشراه ويرضيهم ويطلعهم اما يزاود بالساحه حتى يرفع قيمتها وهو له فيها سهم مصيبه ذي .