سويسرا شرق اسيا اكيد نتكلم عن #فيتنام 🇻🇳 وخاصة منطقة سابا • يا طويلين العمر، إذا كنت تدورون على مكان بارد ورايق في فيتنام عليكم بسابا هالمدينة اللي في شمال فيتنام كأنها قطعة من أوروبا جوها بارد على طول السنة الموقع: • #سابا، مقاطعة لاو كاي، فيتنام. كيف تروح... لها من السعودية؟ 1.أول شي، احجز رحلة من السعودية لهانوي (عاصمة فيتنام). غالبا ترانزيت مافي مباشر او تروح تايلاند ومن هناك تكمل لفيتنام التذاكر ذهاب وعودة تكلفك تقريبًا حوالي 2000 ريال أو أقل حسب العروض والمواسم . 2.لما توصل هانوي، فيه باصات تنقلك لسابا، اسمها “باص النوم” (الرحلة حوالي 6 ساعات). سعر التذكرة بالباص حوالي 50 ريال. • تقدر تحجز من تطبيق Klook بكل سهولة. سبق وشرحته أماكن لازم تزورها في سابا: • صن بلازا ومحطة سابا: هذا المكان تحس كأنك في فيلم، المباني والطابع الأوروبي فيه جميلة • قمة فانسيبان: هذي أعلى قمة في فيتنام (ارتفاعها 3,143 متر)، منظر القمة هناك لا يوصف • فيه أكثر من طريقة تصعد فيها: • التلفريك: ممتع وياخذك للقمم بمناظر رهيبة. • قطار فانسيبان (Funicular): تجربة لذيذة، تقدر تختار رحلة ذهاب أو ذهاب وعودة. • قرية كات كات: إذا تبغى تعيش أجواء أهل فيتنام القدامى ، لازم تزور هالقرية. بسيطة وحلوة • مقهى موانا: مستوحى من أجواء بالي، كأنك في فيلم كرتون، مكان حلو لقهوتك الصباحية. • مقهى Viettrekking: لا تفوت الإطلالات اللي فيه، عن جد مكان خرافي. • بوابة السماء O Quy Ho: هذا جسر زجاجي رهيب يعطيك منظر بانورامي للمنطقة كلها، يخليك توقف وتتأمل جمال الطبيعة. كم يكلفك اليوم؟ اسعار تقريبيه • بشكل عام، يومك هناك يكلفك حوالي 200 إلى 300 ريال (سكن وأكل وتنقل). إذا كنت مسوي حسابك وخططت كل شيء، بتكون الرحلة مريحة. نصائح : • إذا بتسكن في سابا، اختار لك كوخ أو فندق بإطلالة، لأن المناظر اللي هناك شي ما يتكرر. • الجو بارد طول السنة، فلا تنسى تاخذ معك لبس شتوي، حتى لو رحلتك بالصيف. لا تفوت هالمدينة 👌👌 هنا جدول سياحي شامل وتفصيلي لفيتنام 👇 📷 jin1495_show more

أيمن وكفى | تاجر مسافر

98,285 subscribers

分享 下载