سيدة مُسنة تهدي لسائق أوبر 500 ريال 🥺❤️

انا مو مشكلتي مع 500 انا مشكلتي انه يشتغل اوبر وحاط كاميره تصور الركاب معه ع اي اساس ومافي خصوصيه لركاب اني اصورهم !!!

اخت رجال وبنت رجال.. جعل فدوة جزمتها جيل (حرفيا وماقدرت اتختى) اللي تحسب ان كابتن اوبر سواق عند ابوها!

كبار السن تربو في بيئه نظيفه وعلى الدين والنخوه والمحبه وتلقا فيهم خير وتواضع وأمانه .. بعض السلق اللي تركب مع أوبر تشوفه سواق عندها وتتعامل معه كأنه شغال عند أبوها وهي لحجيه ما تسوى ريالين !

اول و اخر مرة جربت مرسول في صباح ثاني يوم عيد و اول طلب اخذته كان فطور و كان حساب المطعم ٢٠ ريال و المطعم قريب من بيتي و حتى بيت الزبونة قريب من بيتي و يوم وصلتلها الطلب طلعت بنت صغيرة و معاها ٢٠ ريال خمسات حسيت انها من فلوس عيديتها و رجعتلها هي من تحت الباب و رجعت البيت 🤣🤣🤣

رزقه وجاه، واللي يقولوا لو مكانه ما ناخذها وش بتسوي يعني بتلحق وراها تحلف عليك وأنت تحلف عليها؟!! انا لما يوصلني أحد ويقول باقي لك أقول له خلها معك وأنزل على طول ما أعطيه مجال يناقشني ف طبيعي ردة فعله، بعضهم ما يقبل وأحصل الباقي بالمحفظة 😂

رزقك الله يبارك لك ويجزاها خير

هذي المواقف جميله سواء كان محتاج لها او لا رزق وجاله وهي عطته من طيب خاطر بنت الكرام ، اذكر موقف فالحج كان سيدة كبيره بالسن وزعت على عساكر الطوارئ فالشارع كذا والله كل واحد ٥٠٠ فرحتهم مانسيتها الله يفرح قلبها يارب وين ماكانت 🤍🥺

أول شي اللي يقولون أخذها بسرعه ترى هي حلفت وقالت والله يعني مافيها مجال للجدال ثاني شي ماأدري ليش الناس مستغربه من الفعل الخير في أمتي حتى تقوم الساعه وماأتوقع في أحد مايعرف الخمسين من الخمس ميه وفي الأول والأخير هذا رززززززقه ساقه الله له على يد هذه المسنه وهي مستفيده أكثر

مره في امريكا طلبت شغاله تنظف شقتي جتني وحده مكسوره رجلها انا بصراحة حنيت عليها ومابغيت اقولها مابغاك تشتغلي قلت بعطيك فلوس شغلك بس لاتشتغلين عندي زعلت قالت اذا ماتبغى اشتغل بمشي بدون ماتعطيني واضطريت اخليها تشتغل وفوق كذا ورفضت تاخذ دولار زايد على الاتفاق

بعض المواضيع ما الها اي داعي لانو شي بينها وبين ربها

ترا عادي عشانه سعودي نمد له ومايحتاج نأخذ الباقي تراه ماأشتغل الا للحاجه والله يرزقهم

معروفين احنا حنونات

ترى هي عجوز مسكينة يمكن مع الظلام تحسبها ١٠٠ , مفروض تقول لها هذي ٥٠٠ وتوضح لها , مو تقول باقي لك وانت ساحب الفلوس ليدك وكأنك تنتظر منها ردة فعل تقول لا خذها , ذكرتني بواحد من يعزمه أحد على الأكل يقول ما فيه داعي وهو يمشي معه صوب البيت هه

انا كنت دايم اتعاطف مع سواقين اوبر وازودهم فوق المبلغ لين اكتشفت ان اغلبهم يطلعون ذهب وعندهم فلوس اكثر منا الله يزيدهم ويبارك لهم

انا كذا اذا مديت مااخذ الباقي ..وغالبا يدعون لي الا واحد مانساه غني نفس سيارته كانت كحيانه مره مره الله يرزقه حلف ماياخذها وعصب علي ورمى المبلغ ياتاخذينها ياتعطيني حق المشوار بس نفسه عزيزة ودعيت له.كل ماذكرته ادعي له بالرزق الحسن.

صارلي نفس هالموقف قبل امس انا موظفه كانت فيه زبونه شايله ملابس كثيره ولا معها عربيه شفتها تعبت رحت دورة عربيه وجبتها لها جلست تدعي لي ورحت ولحقتني قالت انتي تشتغلين هنا قلت ايه دخلت يدها ف جيبي حطت ١٠٠ قالت هذي لك ووالله م ترجع الله يجزاها خير ويسعدها😭😭😭

تذكرت أمي الله يحفظها ويطول بعمرها، كل يوم في الحرم إذا ساعدها أحد من الشباب السعودي اللي شغالين هناك تعطيه ٥٠٠🥹 ورغم اعتراضي في داخلي إلا اني ما كنت اقول لها شي، ما حبيت أقطع رزق أحد.

ومن ☕️ 😭😭

عادي الكاميرا اللي مركبها عالزباين؟

والله اني مو حاقد بس ليه اخذها بسرعة

لو انا مكانه اخذتها اعشيها مع الوالده

اذكر مره ركبت باوبر ما انساها له طول حياتي حسابه كان ٥٠ والمكان اللي رايحه له في عنده صرافه نزلت ابي اسحب انبلعت بطاقتي وانهرت ليش انه حتى جوالي طفى وربي يسعده انتظرني ورجعني البيت وما طلب مني ريال والله حاولت فيه ارجع له فلوسه وقال تصدقي فيها واعتبريها وصلت ربي يسعده ☹️

سبحان الله .. الرزق مايتأخر لا .. الرزق يجي بوقته .

لو مكانه تاخذها؟

( هل جزاء الإحسان إلا الإحسان )

مافي لفظ افضل من مسنه؟

سبحان من يسوق الرزق للانسان سوق ، مانعرف يمكن كان محتاجها وداعي .. بس نعرف ان كرم الله فوق كل شي 💕

رزقه سبحان الله ،،، من جد وجد والعمل الحر فيه خير كثير بعد توفيق رب العالمين

الله يزيدها من فضله وشبابنا يستاهلون كل خير وكل أم تحس كل فرد من أبناء الوطن ولدها

😃شكلي وانا قاعد اشوف التعليقات الي تجي على الفديو حقي

صارت معي نفس القصه الله يحفظهم كبار السن ياخي قلوبهم حنونه 💔

ودي اصدق بس قويه