شاب يفضفض: أنا من الناس الاجتماعية وبسرعة اخش مع الناس وبكل مكان أعرف احد الا طلاب الجامعة ما قدرت ادخل معاهم عشانهم بس يخلص الكلاس يهجون لسياراتهم طيب نبي نسولف؟ لي سنة على نفس الوضع محد يبي يعرف أحد ويتنحشون!

والله ايام الجامعة كنت احسب اوقات المحاضرة بالثانية عشان الحق قبل زحمة الشوارع و انت تقول تبغى تسولف

وشكلك من الناس الشكايه. فتحت الكاميرا علشان السالفه التفاهه هذي روح كلهم هم ، تعرف عليهم اصنع عذر خصوصا بينكم قواسم مشتركه اللي هي المواد. اما تتكلم ورا ظهرهم كذا على انهم المقصرين هذي خساسه منك

يتنحشون؟؟ كلامك كلام ماهو موزون الظاهر يتجنبونك عمداً لانك كيني ميني وحكيك حكي نسوان

إذا أثبت نفسك في الجامعة وعرفوك الناس بشي طيب ولافت هم اللي بيجونك يسولفون معك ويخاوونك مب أنت اللي تدورهم

هذا الي ما طلع من بيتهم الا يوم دخل الجامعة

جيل الألفين جيل فرداني يعيش الفردانية في عالمه الافتراضي سلام الله على جيلي تخرجت عام 2009 وكانت الجامعة افضل مراحل حياتي مع القروب الرائع الي عشت معاه تفاصيل الجامعة وكنا ولا زلنا اخوان الى اليوم 💚

بعد المحاضرة الجيه اوقف عند الباب وقلهم "ايها الناس اني آنست منكم رشدا فسولفي معي لا ابا لكم فاني لا اراكم الا متكأكئين الى رحالكم"

والله احس اغلب الناس صارت كذا 💔

اعتقد غالبًا لأن بيته بعيد يبغاء ربع ساعة او نصف ساعة مشوار وهو مو فاضي يجلس يسولف يوفرها في مشوار الطريق والشيء الثاني غالب الطلاب مو بيوتهم قريبه من بعض بعضهم شرق او غرب الرياض كمثال ماراح يطق له مشوار نصف ساعة عشان يسولف معه بعكس المدرسة مجمعتهم في حي قريب منهم هذا توقع

كلمني خاص اذا فالرياض

تعال قبل المحاضرة بوفت وتتعرف عليهم

مشغولين بالدراسة

يشبه كماتشو

انا من النوع اجتماعي احب اسولف مع اي احد مع ان اول مرة نشوف بعض كأننا نعرف بعض من فترة طويلة وبعضهم والله يرتاح معي يحب يسولف وبعضهم لا ما يسولف الا مع اللي يعرفه اللي ما يعرفه ما يسولف معه ولو انا عنده لأسولف معه

يرجال فاضين لك احنا كل واحد عنده مشاكله الخاصه بزر ماعندك هموم بحياتك

اللي يقولك انا انسان اجتماعي اعرف انه نشبه شوي شوي يدخل بحياة غيره ويصير مصيبه يدخل في حياتك ومايبي يطلع منها هههههههههه زبد له قال اجتماعي قال

بذمتي اني نفس معاناته بالضبط واستنتجت ان الخوه في المدرسه والعسكريه بعيداً عن الجامعه والاجتماعي مايقدر يرتاح ولا يتأقلم فيها

هذا يدفع فلوس لتيك توك عشان ينشرون مقاطعه الهدف يبيع عطورات صناعة محلية ،وشكله وقت المكافآت يتلصق بالطلاب يبي يبيع عليهم وهم يهربون من ريحة عطره الخايس ،له سالفه مع مشهور قال اعلن لي واتفقوا على مبلغ وبعد الاعلان بأسبوع ما باع إلا عدد قليل ما جاته طلبات زعل وقال للمشهور رجع فلوسي

الجد مريت بهالوضع احس الكل منعزل ع طول سيارته ياكل اللي ينام اللي يكلم اللي ع جواله طيب خوذ واعطي تبادل معلومات شي فقط اخر سنة زملاء التخصص صارت بينا علاقة لان كنا نبحث مع بعض ووو...

والله بتحصل نوعية تبي تحضر محاضرة وتختبر ميد وفاينل وتزبن🤣 وفي ناس تسولف وتفرفر بالجامعة وعندهم قروب ويطلعون ويجون ويذاكرون سوا وينزلون مواد سوا في كذا وكذا بس غالبا علاقات الجامعة ضعيفه كذا

تخرجت من الجامعة وماعندي صاحب من الجامعه