شاب ينتقد مبدأ القطة في الطلعات : "منظركم وواحد يجمع القطة منكم لا يليق، اللي مو قد الطلعة لا يطلع"

القطه ثاني اختراع بشري عظيم تسبب في نجاح جمعات الاصدقاء والنفوس الحلوه

فيه تفصيل في الموضوع مع اني واصدقائي ماعندنا قطه ولا نعرفها كل مره يحاسب احد ونتسابق على الحساب ومافينا بخيل ولله الحمد لكن اذا هم اصدقاء ومتعودين على ان طلعاتهم كلها قطه ومتفاهمين على كذا ما لك درب عليهم وما يحق لك تنتقدهم اما اذا كان معهم ضيف ويقطون قدامه هذي عيب وستين عيب

اول شي ماللك دخل ثاني شي ماهو عيب تجمع قطة من اخوياك عشان لاتجلس في خاطرك وثاني شي اذا انت ربي انعم عليك في غيرك ماعنده في طلاب جامعة يعيشون على المكافاة واذا ماعجبك الوضع شفلك اخويا ثانين ولا تدري لانخاوي احد

والله القطه زينتها تخلي الطلعات تكثر وشي كويس صح بين فتره وفتره واحد يعزمنا ويحلف شي كويس اما اذا كل الطلعات على واحد يمكن اذا جاء دوري اصير غير مقتدر مالياً واعتذر ثم ما يطلعون علشاني وتخرب الطلعه ولا هو يعزمني بمطعم رخيص وانا اعزمه بمطعم غالي ليه حلات الطلعه بالقطه يصير اخر طلعتك ووناستك كلها٨٠ -١٠٠ ريال

تكفى يالوليد بن طلال كل ناس و لهم عاداتهم عجبك عجبك ما عجبك اطلع لحالك

من مكفرات الذنوب والخطايا

خلاص وينه ذا بخليه يدفع كل طلعاتنا! وبعدين القطة ماهي عيب ، مو كل الناس مثلك مولودين وكل من بفمه ملعقة ذهب او مولودين واباءهم عندهم شركات او تجارة ناجحة والله يبارك لكم برزقكم ويزيدكم من فضله بس العيب انك تنقد على احد وهو مضيفك العيب انك تتكلم وتططقطق عن عادة عند احد عشانها جديدة عليك العيب انك تستنقص من اشخاص عشانهم يتقاطون بخرجتهم لو تعرف العيب ما تكلمت عنهم باستحقار واستنقاص

قريت الكلام وحسبته يقصد القطاوه

انا مع اخوياي كل طلعه نقط ونقسمها بيننا ولا فيها اي شيء ولا فيها اي عيب نعرف بعض ١٣ سنه وكل مكاشيتنا وطلعاتنا تنقسم بيننا ولا فيها منقود لكن المنقود و الغلط اذا بيننا ضيف مانتكلم ولا نفتح الموضوع ابد لين الضيف يمشي ونتحاسب بعدين لكن تجي انت تقيم وضعنا وشكلنا ! لا مالك دخل ولا لك علاقه ابد عشرتنا سنوات وتجي انت في سمره تقيم ! جديدة ذي

اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لَا إِلَهَ إِلَّا أَنْتَ " ﴿ْ. أستغفر الله العظيم ْ﴾ّ