شاحنات مخالفة تقوم بتهريب بضائع على طريق محاذي لطريق الدمام❗️ وين الأمن السعودي عنهم؟!

اعتقد انهم يتحاشون الميزان. لان الميزان الدولي هو 41 طن مثلا إذا الشاحنه فاضيه يكون وزنها 17 طن والشاحنه تريد تحميل 30 طن يعني المجموع 30طن +17 طن يكون المجموع 47 طن يعني مخالف ب6 طن يدفع 600 ريال اعتقد هذا السبب انت شوف فيه ميزان بين النزول من الشارع والرجوع الي الشارع

أمل من ناشر المقطع ان يحذفه لان بعض الناس من خارج المملكة يتصيدون بالماء العكر.الحكومة بشكل عام والامن العام ماقصروا قائمين بعملهم على أكمل وجه وغير الكلام هذا كذب وافتراء والحمدلله عايشن بأمن وأما ولاتهريب ولاهم يحزنون في ظل حكومة مولاي خادم الحرمين الشريفين وسيدي سمو ولي العهد

تهريب او تهرب تجاوزهم للميزان سرقة لدوله. وتهرب من الغرامات. اتلاف لطرق بمليارات الدولارات كون الطرق معموله لتتحمل اوزان معينه لكنا نجد في فتره وجيزه طرقنا تالفه وكلها تعرجات. برايي اللي ردوا ويقللون من اهمة ماتقوم به العمال ناقصين فهم ودراك لو وضعهم سليم ماتجنبوا

هذا طريق موقع السكراب والتعدين .. فلا تألف القصص وما تحمل هذه الشاحنات الا بورقة من الامن ومعروفه .. مثل هذه المقاطع تستخدم أستخدام سيء من الاعداء فاحرصوا ..

بلادنا أطهر وأشرف من وجهك مافيها إلا كل خير . لاتهريب ولا تخريب وأنت تتصيد في الماء العكر وتدور مايثير الرآي ! هؤلاء يتهربون من الميزان و أوقات الذروة لدخول الرياض. والمصور أحمق منك باستطاعتة التصوير والتبليغ من اي تطبيق بدون نشر ؟

اساساً انت وش موديك مع الطريق ذا 🦦😂

طيب بلغ الدوريات بدون بلبلة وإثارة وغير كذا الامن السعودي مدرك للطرق جميعها والله يحفظ الامن علينا ويقوي رجال الامن

هذا ماعنده سالفه وانت ياصاحب الحساب كذاب وهذا طريق مخصص لمدينة المعادن والحمد لله امن وامان وابن امه يلف ويدور وهذي الشاحنات محملة سكراب تروح لمدينة المعادن السكراب بيع الحديد بالوزن

مو صاحي ذا فيه اوقات ماتمشي الشاحنات في السريع يروحون من هنا اما تهريب طيب بترجع لسريع ووراها تفتيش واصلا حتى في السريع ماتفتش الا اذا فيه بلاغ

الردود الي يسب والي يغلط على الناشر اشك في انتمائه للوطن المواطن هو رجل الأمن الأول ومن حق أي مواطن يشوف أي مخالفه يوثق ويبلغ

يارجل ما اعتقد كلامه صحيح الحكومه ماشاء الله عليها مافي طريق الا عارفته احسن منك ومني

كل الي يردون ويتكلمون علي صاحب المقطع مع ان المقطع صحيح والطريق معروف عند المخالفين يبدا من اول طريق رماح بعد خزانات المياه يمين وروح الي موعاجبهم الكلام حقين مصالح وشكل لهم مصلحه من الطريق هاذا

انت تتصيد رزق الناس الله يشغلك بنفسك

هذه الشاحنات تهرب علشان زيادة الوزن مخالفة زيادة الوزن في بعض الأحيان لا تقل عن ١٠٠ ألف ريال تخيل بعض سائقي الشاحنات إذا وجد ميزان مفاجيء يقوم بكسر المفتاح أو كسر القير أو أي شيء يعطل شاحنته حتى لا يخالف بالغرامة المذكورة أعلاه حتى يتوقف الوزن ثم يعود لأصلاح الشاحنة

هذا المقطع عادي الرجال ما هو فاهم شي اللي في الفيديو هم بالأساس مخالفين الانتظار يطمر طابور الانتظار قبل وقت الانطلاق حتى يوصل بدري فقط لو جت شرطه أمورهم سليمة

إذا كان فيه ميزان أمامهم فالسبب كما ذكرت. يتحاشون المخالفه

جزاك الله خير وان شاء الله تلقي استجابه سريعه لامن الوطن

والله انه صادق وعندك مخرج المعادن المخرج الثاني بعد التفتيش ينزل عليه من الجبل من جهت الشمال شاحنات محمله بالحديد مجهول المصدر يباع في السكراب

الامن السعودي احبط اكبر عمليه تهريب خارج السعوديه قبل ان تصل الى حدود المملكه ويجينا واحد غشيم يقول الامن السعودي نايم والله النايم انت والى صور المقطع

مثل طريق الحنيه بين الخرج والرياض يستخدمونه مخالفي الشاحنات كبيرة وصغيرة

وين الرقابة ومن وين لهم ذا الحديد والسكراب كلها سرقات @MOISaudiArabia @MCgovSA @security_gov @eMoroor @pss_ar @SA_HWY_SECURITY @ppgovsa @Amanatalriyadh

انتبهوا من الحساب هذا ... هذا يدس السم بالعسل ولا همه مصلحة الوطن بل بالعكس يدور الزله ويكبر الصغيره والي ماهو مصدق كلامي يدخل تغريداته ويشوف وانا جيت هنا للتحذير منه فقط وتبليكه

كذبت هذا طريق بقيق القديم ودايما الدوريات في نهايته وبدايته من جهه بقيق الله يديم الأمن والأمان والاستقرار وهذا حساب مضلل للحقيقه وزارع فتنه وحاقد وحسود

المشكلة انت الحين بعد تصويرك وإيضاحك للمشكلة هذي يستدعونك ويحققون معك وتبهذل السبع البهاذل / أنا مرة بلغت عن شخص لقيتة طايح جنب الطريق بين الحياة والموت وصورت على التك تك اليوم الثاني البحث استدعاني وحقق معي وعسكري يقول يوم شافني تم القبض باستهتار .

لطالما انهم بيرجعون للسريع فهذا دليل ان مافيه تهريب والامن واعي ولله الحمد ولكن لكثرة الكسارات في هذا المكان اتوقع انهم ينقلون لاماكن قريبه والله اعلم

تلاقيهم محملين أوزان تقيله لذالك يتجنبون المشي في الخطوط الرسمية وأماكن تواجد الميازين.

والله كلامك صحيح لكن البعض الله يهديهم منشغلين عن صميم عملهم بوسائل التواصل الاجتماعي نسيو متابعة المخالفين وانشغلو بمتابعة مشاهير الفلس والخزي والعار ام براطم وام خلفيه والبكاي وغيرهم وغيرهم

الأمن السعودي يعمل بكل امانه وإخلاص وتفاني لدرجة أن يضحي فردالامن السعودي بحياته من أجل شعبه والمقيمين على تراب وطنه رجال الأمن السعوديين لايدخل في عملهم البخشيش ولا الواسطة ولا المحسوبية واتحدا اي شخص صادق ليس له اهداف دنيئه اوحقد على بلادالحرمين وان يأتيني ببلد يضاهي الأمن السع

لماذا لا تبلغ الامن ان كنت حريص على بلدك يا ابو يمن 😀

العجيب بتشوفهم وجميع قطاعات الأمن مايشوفونهم.... !!!

هروب عن الميزان والحمل جدا عالي وهروب عن كاميرا ساهر والسيارات لايوجد فيها كرت تشغيلوعماله تسوق بدون رخصه نقل ثقيل