شاعر داهية لله دره

بعض من الوجد في احد قصايدي ولا وجود الي غدت منه الذيد شايب محيل عن ديار القرابه غدت نياقه والدهر جاله بكيد خالي يدين وماله اليوم لابه عقب الهقاوي والبيوت المجاويد يوده خلا والصوت رداً ودابه ولا وجود الي فتن قلبه الغيد عوداً غشاه الشيب والعمر جابه كل ماعزم يخطب ويرجي المواعيد ردوه وقالو مانبي الا شبابه ولا وجود الخلج لا حنت تريد حوارها والموت دونه نهابه قامت تحنس بالمراح التناهيد صوتاً يقطع قلب منهو درا به ولا كما ذيباً سرا ليله بعيد ضاقت به الوجهه وذيبٍ عوابه جر اللحون وناح بالصوت ترديد يوماً خلفه طرد مثل الذيابه والحظ عاثر كل ماله لنا يزيد صك الدروب وما لقيت الاجابه صدري قضى والهم سكينها حيد تنحل بقايا خاطري من صوابه #رائد_الحربي #المنشد_رائد_الحربي

انشهد شاعر داهية وبيض الله وجهك يابونايف

الشاعر محمد علي بن مثال المويعزي

ونعم فيك وفيه شاعر معروف 👍🏻

ماعليك زود يالامير

ما شاء الله واحد يتطوع يكتبها

صح نقلك يابو نايف وصح لسان ابو بندر @alyan183

قصيدة لم أمل من تكرار سماعها لله در شاعرها وناشرها. أنت يا أبو نايف ورفاقك مشروع ضخم يكشف لنا كل يوم منجم من مناجم الذهب الأدبي

الله يحفظك يابن شداد وياهلا وغلا

عزالله قصيدة ما شاء الله مهوب شعار تحديث المفردات 😂

شاعر وبدوي جداً لله دره على هالمُعلقه

الله يحفظك

انت كلك بركه ي ابو نايف سويت رتويت قبل اسمعها لأني متأكد إن ذوقك جزل

لاخلا ولاعدم يا ابن حماد هذا من كرمك يابعدي وياهلا وغلا

مبطين ماسمعنا أحد يستخدم هذا القاموس من المفردات الشعبية الأصيلة

مادام من حرب فلاغرابه صح السانه شكراً خالد العوفي

صح لسانه قصيده جزله ماشاء الله عليه وصح نقلك الله لايهينك ويرفع قدرك

صح لسانه وبيض الله وجهك يا ابونايف