شخص ارسلي المقطع ذا في الخاص : كلام من الخاطر: تجي تبي تتابع المباراة دافع حق التذكره وحق البنزين وتطلع تلقى سيارتك مكلبشه اقسم بالله شي يقهر عوائل تنتظر لا واذا جيت تبي تفك الكلبشة تدفع مبلغ الي يصير لازم يلقوله حل بأسرع وقت أتمنى التدخل Mohamed Al khereiji... محمد الخريجيياخي اتق الله في الجمهورshow more

@malkhereiji ودي اتكلم واقول شغلة بس اشوف اسكت افضل شركات المواقف هذي الي طاحت فيها الجامعات عشان الدخل والايرادات يجب ان تراجع بعض المخالفات فيها، يعني مثلاً لو كان فيه موقف ذوي اعاقة مافيه لوحة ليه بعض الجامعات تخالف وتقول لك المفروض بالنية تعرف انه موقف ذوي اعاقة

@malkhereiji اذا المسألة كذا كل من طرت عليه كلبش سيارات الناس لازم ناخذ احتياطاتنا بشراء آلة قص الحديد من ضمن عدة السياره قص الكلبشه وخذها معك لا ترميها ( انصح في هذا المقص الهيدرليكي مايحتاج جهد وقوة عضليه).

@malkhereiji حضرت في مباراة بولونيا وانتر ميلان قبل ٤ ايام وبالامس حضرت مباراة النصر والزوراء ، والموقف نفسه ماغيرته ، الغريب ان المخالفة جاتني في مباراة اليوم بس والي قبلها عادي ومافيه سيارات جاتهم مخالفة ، معقولة يداومون بس في مباريات النصر وفي مواقف الجمهور ؟!

@malkhereiji ركب الستبنة (الكفر الاحطياطي) و ودي الكفر لاي حداد يقص لك الكلبشة

@malkhereiji اقسم بالله شي يقهر وتنفير للجماهير بالله تكلبشهم ليه مقفلين ع الجن مثلا ؟ مكان فاااضي وظلام وبرضو لو في احد بيمر يقدر يمر لكن وصلو لمرحلة قذرة

@malkhereiji والله انا واقف مكاني سليم وكلبشو سيارتي ودافع تذاكر لي ولعيالي اثنين مجموعها ١٠٥ ريال واخرتها دفعت غرامة ٥٧ ريال حسبي الله عليهم وقررت ماعاد احضر.. المشكلة والله مافيه لوحات تنبيه ممنوع الوقوف وغير كذا الامن الصناعي هو السبب في تأخير الجمهور النصر لمنتصف الشوط الاول يعقدوننا

@malkhereiji قسم بالله العظيم اني موقف في مواقف الملعب نفسها موقفي صح وكلشي تمام اطلع من الملعب احصل سيارتي مكلبشه اسألهم ليه يقولون الكفر اليسار داعس على الخط الأبيض!! ويقولون ليه معد تحضرون مالومهم والله ان كان نظامهم كذا

@malkhereiji دفعنا نفسكم اليوم للاسف موقفي كان سليم وبجانب رصيف ولايوجود لوحات تحذيريه بعدم الوقوف او منعها وتفاجأت بوجود القفل على سيارتي وسيارة زميل كانت في المواقف المقابله ونفس الحكاية ، الغريب اني في مباراة السوبر الايطالي كنت موقف بنفس الموقف ولا جاتني مخالفة او حصل نفس هذا الامر !!!

@malkhereiji شكل أمن الجامعة فيه طاقيه منضغط يبي يفرغ ضغوطاته في جمهور العالمي الله يبتليه في نفسه ان كان مستقصد جمهور النصر من بين الأندية ويكف يده عن أذيتنا ماودي ادعي عليه

@malkhereiji الشركة الي ماسكة المواقف يجب ان توقف عند حدها جالسة تسترزق في المناسبات وتخرب فرحة الناس حضرت حفل تخرج في ملعب الجامعة انهبلت من كمية السيارات الي متكلبشة والموظفين كلهم يمشون بجهاز الشبكة تدفع يفك الكلبش

@malkhereiji قسم بالله الي يصير تعدى ان يقبله العقل! وبديت اشك ان الموضوع خلفه حراميه! انا واحد موقف بالمواقف وفقط (طرف) الكفر على الخط الاصفر ومكلبشني يقول ادفع🙂!!!! قسم بالله مو طبيعي ؟؟؟؟ @MOISaudiArabia @nazaha_gov_sa

@malkhereiji حضرت مرة في الاول بارك والمواقف فل كلها ووقفت زي كذا وكانت سيارات كثير معي لان الملعب فل واخذت مخالفة للاسف كيف يبون جماهيركم تحضر بهذي الطريقة الواحد لو كل مباراة بيشيل هم انه مابيحصل موقف وبيلقم مخالفة ماعاد بيحضر شي غريب جدا صراحة

@malkhereiji والله انه ماقال الا الصدق وانه وصل صوت المشجع اتمنى هالمقطع ينتشر ويوصل صوت هالمشجع

@malkhereiji قيمتة سبعين ريال ويفك ازمه بالبر بالديره بمواقف بكل مكان وحطه بالسياره يقص كل شي

@malkhereiji الموضوع ليس صدفه بل مقصود ومستمر منذ سنوات وهو للتضييق على حضور جمهور النصر، لذلك والله اني اتمنى ترك هذا الملعب عاجلاً غير آجل

@malkhereiji قد تكون حركة مدروسه ومتعمدة لتطفيش جمهور النصر !! لأني شفتها كثير جداً في حضور المباريات المواسم الماضية يعملونها لسيارات واقفه بشكل يتناسب مع زحمة المواقف ماكانوا مسكرين على غيرهم !!!

@malkhereiji ياعزيزي يفترض إذا فيه مناسبات زي هذي يكون الوضع فيه مرونة من ناحية المواقف لكن شركات المواقف يهمها للأسف تحصيل فلوس أكثر من انه يهمها التزام الناس بالأنظمة

@malkhereiji على فكرة الموضوع نفسه قاعد ينعاد ويتكرر بكل مباراة وهذي كانت بمباراتنا ضد الخلبج وكلبشو السيارات بالمنطقة اللي كنت واقف فبها ولليوم ما أعرف ليه كلبشوها بس واضح الموضوع استغلال "انا مع كلبشة السيارات اللي تسكر مخرج او بوابة او غيره لكن برحة فاضية او جنب رصيف بعيد ليه؟ "

@malkhereiji @eMoroor هل يحق لشركات الخاصة وضع (كلبشة) في كفر السيارة؟وفي اماكن لا يوجد بها علامة ممنوع الوقوف؟حتى وان كانت هذه الشركات تتبع لجامعة او مطار مثلاً؟هل لها الحق في تطبيق نظام غير نظام المرور السعودي؟ ارجوا الافادة والنظر في مثل هذه التصرفات!حتى نستفيد. @VictoryArena_sa @_KSU

@malkhereiji والله عيب اكلناها وحلفت مااحضر في الملعب كله من الامن الصناعي وقال ايش ادعموا النادي!!!!!!؟بالحضور❌❌❌✋

@malkhereiji ركب السبير والقطها معك وروق عليها 🦦 .

@malkhereiji من اكبر الازمات بالمملكة العربية السعودية الي هي بحجم. قارة. انك ماتحصل مواقف للسيارات. طيب دولة بحجم قارة وكل العمران الي فيها وشوارعها مايشكل 15%من مساحتها. ليش تضييق اماكن الوقوف. واماكن التنزيل والتحميل بالمطار او بمحطه القطار او الحرم او اي مكان عام

@malkhereiji ساعة انتظار لمخالفة لم ارتكبها وتم احتسابها علي من هؤلاء، اسلوب وقح في القفل

@malkhereiji إذا أقيمت المباريات في ملعب لا يوفر مواقف كافية للجمهور ونتج عن ذلك مخالفات مرورية جماعية ومعاناة متكررة فالمسؤولية تقع على الجهة المنظمة وإدارة المنشأة لقصورها في التخطيط والخدمات لا على الجمهور الذي حضر بترخيص ودعوة رسمية يجب حل المشكله مو قهوه وبانزين #النصر_الزوراء

@malkhereiji الاخ موقف قدام بوابة !

@malkhereiji قلناها ونكررها سبب عزوف جماهير النصر الواحد يدفع تذكره غاليه ويطلع يلقى سيارته مكلبشه اشوفها بالديوانيه ابرك

@malkhereiji نظام الكلبشه هذا نظام غبي سجل عليه مخالفه ليش الكلبشه اول مره اشوف هذا النظام عندنا وطبعا واضح انها شركات خاصه بالمواقف بأي حق تكلبش السياره عنده مخالفه سجلها عليه وانتهى نظام لازم يتم الغاءه

@malkhereiji اللي يسوي هالمخالفات واضح له نسبة لان في النهار وفي الاجازة المطولة وقفنا في المواقف الرسمية وهي خالية تماماً وكان الكفر عالخط بالضبط وكلبشوا الكفر ..يعني اذا انا غلطت ومنظري بيضايق اللي بيوقف جنبي فمحد موقف اساسا ً جنبي لان كل المواقف خاااااليه

@malkhereiji وتبون الجمهور يحضر الله يفكنا بملعب غير الملعب هاذا

@malkhereiji نفس الشركة هذي حقت جامعة الملك سعود عيال حرام بأختصار، أيام معرض الكتاب اللي صار في الجامعة كانو يتعمدون يفكون مواقف الاطباء وطلاب الطب اللي تفتح بأكسس خاص ويخلون كل احد يوقف فيها عشان لما تجي انت يالطبيب المسكين تضطر توقف بطريقة غلط لأن مافيه موقف ثم يكلبشون سيارتك لعنة تلعنهم

@malkhereiji انا مره المنضمين قالو لي اوقف جنب الرصيف انا وناس كثير طلعنا من المباراة ولقينا سيارتنا مكلبشه !!

@malkhereiji في قاعدة فقهية تقول الاصل بالاشياء الاباحة مالم يرد الشرع بتحريمه موقف فاضي لا توجد فيه اشارة ممنوع الوقوف ما تقدر تجي تغرمني على الوقوف فيه. تفضل حط اشارات ممنوع الوقوف كل ١٠ متر وبعدها غرم اللي تبي ... يا ريت محامي مخضرم يتصدى لهذه الاعمال و رفع دعوى على الشركة المشغلة

@malkhereiji يا رجال أنا المنظم في المواقف قالي وقف هنا ما عليك مخالفه بعد المباراه حصلته مكلبشها اقسم بالله هذا اللي حصل

@malkhereiji في حركه تقدرون تسوونها بس مادري اذا عليها مخالفه فك الكفر المكلبش وحط مكانه السبير