شخص يحذر من الزواج المتأخر..

الزواج مثل الموت ماله وقت ولا عمر محدد هذا أولاً ، ثانياً أعمل لآخرتك وأعرف انك بتدخل الجنه بعملك ، وياكم شخص مات والعالم كلها تدعي له وتصدق له لحُسن خُلقه وكثرت صدقاته ، والعقيم وش وضعه لو مات ماله عيال خلاص مافيه احد في الدنيا يدعي له ، ترى المسخر الله ، أرهقتوا الناس بالوصايا والله أرحم الراحمين .

ياخي ما كذا تقاس 😅😅😅 يلا تزوجت وجاني ولد معاق تزوجت الله ما رزقني بذريه تزوجت وانا اعرف حالتي الماديه يا دوب تعشيني وتسترني انا فقط الزواج رزق مثل باقي الارزاق الذريه رزق مثل باقي الارزاق مالكم كيف تحكمون ترى نفسها لما شخص يجتهد ويتخرج من الجامعه وما يحصل شغل

يقول ابو علاء المعري وأرحت أولادي فهم في نعمةِ العدم. الي يخلف بدون عدد معين احس انه انسان سطحي ويدور الغثى لنفسه. اذا تبي عيال عليك بالنوعيه وليس الكميه 2 او3 وركز ع تربيتهم ولاتجيب درزن تبلش لاتقدر تعيش ولاتعيشهم

اذا ماتستطيع ان تنفق على زوجتك او على ابناءك لاتتزوووج فأنت محاسب !

ياخي فكونا من التنظير بالله من بيزوجك وانت باقي طالب ماتقدر تصرف على نفسك حتى علشان تصرف على بنت الناس😂 ما اختلف على اهمية الزواج بدري لكن الواقع مختلف هذا الكلام ممكن تقدر تقوله قبل 50 سنة وقتها كنت تقدر تتوظف بشهادة متوسط ومافيه احد مايبي الزواج (الا ماندر) لكن خلك واقعي

يعني هو شايف نفسه الولد الصالح وهو ينصح!! طيب والعقيم ماراح يتحسر لما يسمع مقطعه والا اللي ماديته ماساعدته يتزوج! ليش يقهر اللي ماجتهم الفرصه! ناسي ان العلم النافع والصدقه الجاريه لها نفس الاجر الحمدلله..

الولد اللي توه بالغ هرموناته ضاربة وعقليته انفعالية وغير قادر على اتخاذ القرارات الحكيمة غالبا !!

ايه القرف ده ، وماينسوني احسن مااخلف ذريه يظلو يلعنوني حيه وميته اني ماقدرت اعيشهم عيشه محترمه

اعتقد الحكمه هو ان تكون صالحا وتربي ذريتك على الصلاح وتدعو الله ان يصلحهم

مضحك اتحداه يعرف جده الثاني او يترحم عليه باسمه اغلبنا ع آباءنا وحدنا إذا مت يعرف الله اعمالك ويعرف اللي تخبيه والصدقة الجارية والعلم اللي ينتفع به علماء أجلاء ذكرهم من ٦٠٠و ٧٠٠ سنة وبعضهم ما تزوجوا ليومك نترحم عليهم انقطع العمل إلا من ثلاث ذكرت وحده ونسيت الثنتين وهي الأخيرة بعد

ياخي لا تتكلم في شي ما يخصك حتى رسول ألله و علي بن أبي طالب ما تزوجوا لحظة بلوغ ولا سيدة فاطمة بنت رسول ألله ما تزوجت في بداية بلوغ خلي عنكم من تفاهات بعض اعراب

كل المعسرين اللي في احسان عندهم كومة عيال قصده بيدعون عليك عيالك من الفقر والجوع الاوضاع الان مرعبه حتى الوظايف ماهي مضمونه لو ان فيه خير ابو لحية كان تبرع بماله ويزوج الشباب ويفتح لهم بيوت بدال البربرة اللي مالها فايدة قال ايش يدعون له همه نفسه بس

لا يوجد شخص يتوفاه الله وينقطع عنه الدعاء حتى لو كان وحيداً يتيماً لا يعرف احد ولا احد يعرفه فأغلب ادعية المسلم يختمها وسائر موتى المسلمين .. كدعائي لوالدي اللهم اغفر لوالدي وتجاوز عنه واجعل قبره روضة من رياض الجنة وسائر موتى المسلمين ..📌

الرجل لاينجب المرأه اللي تنجنب بالتالي هي اللي تحدد عدد الاطفال بناء على قدرتها لانهم بيطلعون من رحمها مو رحمك و يستنزفون صحتها مو صحتك فمو حضرتك اللي تقرر

اللهم ارزق كل مما لم يرزقهم الله لا بولد ولا ببنت نسأل الله ان يرزق كل محروم اعرفه او لا اعرفه اللهم ان هذه الدنيا فانيه ارزقهم بالابناء والصلاح.

اولاً: الذرية مب شرط يدعون له يمكن ينشغلون بدنياهم ماعندهم شغلة غير يدعون له؟ ثانياً: لا يكلف الله نفساً إلا وسعها متى ماشاف الانسان انه جاهز مب شرط عند البلوغ ثالثاً: القدرة المالية مين اللي بيصرف على كل هالكائنات ينجبهم ويموت ومن يكفلهم؟ كل واحد يسوي اللي يناسبه

هذولا اكيد يعيشون في عالم غير عالمنا ، لو كانوا يعيشون معنا مارأيت هذه الافكار اللامنطقية والغير قابله للحدوث

الزواج ليس ( توقيتا ) بل درجة وعي .. أن تتزوّج مبكرًا لا يعني أنك نضجت، ولا أن تتأخّر يعني أنك أضعت النصيب..! القيمة ليست في عدد الأبناء، بل في وعي الآباء الذين يُخرِجون جيلًا يعرف الدعاء لا التكرار .. فالبلوغ جسديّ، لكن النضج… إنسانيّ . الأبناء لا يُخلّدون اسمك بدعائهم، بل بتربيتك فيهم لما يستحق الدعاء ✨💌

هذا عايش في ٢٠٢٥ خلفوا وبعدين!!!!!!! الذريه تحتاج استقرار مادي وسكني هذا كلامه موجه لطبقة الاغنياء فقط اللي ولدوا وفي افواهمم ملاعق من ذهب

آمل نشر مقال: مشروعية الزواج من واحدة فأكثر في السنة النبوية لتصحيح المفاهيم المخالفة للفطرة الإسلامية

الحديث ذكر ثلاث اوجة للصدقه الجارية غريب التركيز على الانجاب فقط وترك الباقي رغم ان انتاج ولد صالح هذي اليومين من اصعب الامور فما بالك بالإنجاب العشوائي والإنجاب من اجل الانجاب فقط على حساب الجودة إذا الرسول وهو نبي منزل انجب فقط ٦ اغلب من ينجب بكثرة حس المسؤلية منخفض

اعطوه على قد عقله ذا الغبي ومن وين يصرف على أهل بيته في سن البلوغ

طيب ياكثر اللي انجبوا درزن ولاحد ذكرهم الا في السنه حسنه المسلم ماينفعه الا عمله هو يعني غفلت عن باقي الحديث صدقه جاريه او علم ينتفع به وهذي اضمن الف مره من الولد !! في زماننا هذا ليتهم اذا تزوجوا يقدر على المسؤليه والحرمه والعيال وبعدين يكثر ويتكاثر لاتاخذ من العلم ما وافق هواك

"تزوج لحظة بلوغك و أنجب عدد كبير من الأطفال"!!! كلام لشخص يعيش في عالم موازي!! عالم القرن الثالث او الرابع! أيام كان مهر المرأة خاتم من حديد!! والصبيّ بعمر الـ17 ربيعا قائدا للجند!!

طيب ذريته سيأتي يوم ويموتون ،فمثلا من يذكر جد جده الان ،الله المستعان

انا مع الزواج المبكر لكن ضد اللي يخلف كثير بعشوائية كل واحد يسأل نفسه هل لدي القدرة لتربية الابناء بعدد كذا هل لدي القدره ان اوفر غرفه لكل ابن هل لدي القدره على الانفاق عليهم في دراستهم في اكلهم وشربهم وكسوتهم واجهزة وسيارات ولا ما اقدر ، والمثل يقول مد رجلك على قد لحافك

الزواج قسمه ونصيب مالك غير نصيبك كثيرتقدم ولم تتم الموافقه وكثيربنات في بيوتهم مااحدتقدم لهن كيف تبونهم يتزوجون مبكروحتى الشاب مراح احديزوجه وهوغيرموظف ومسؤول وإلاعادي يكدعليه أبوه طيب ممكن إذاكان غني واللي أبوه موظف عادي كيف يكدعلى أسرتين اوثلاث حسب عدداولاده كفايه تنظير

جد والله ! خلاص اول مايبلغ ولدي بأخطب بنتك وأشوف

يقول عمر بن الخطاب رضي الله عنه( لايمنعك النكاح الا عجز او فجور ) يعني بالعربي يقولك استرجل وتزوج، النساء واجد اقدم عساك البلا ذبحونا المصاريه في البلد

صحيح ولكن الناس قديماً يتزوجون وهم على قدر المسؤلية فمن كان قادر على تحمل المسؤلية فليتزوج

طمس كل متطلبات الزواج وركز على انجاب ولد ولا بنت يذكروني ويدعون لي يعني ماودي ادعي على مخه الصغير اللي قد الزيتونه طيب والمليون شي اللي لازم تكون عند الشخص عشان يتزوج ماهمتك اهم شي عندك ماينقطع ذكرك ليه ملاك ولا نبي خل ينقطع ذكرك اهم شي عملك الصالح وصدقاتك ووقفك هو اللي يذكرك🙂

عزوبي مدى الحياة وأفتخر بذلك .. بلا زواج متأخر بلا زواج مبكر بلا وجع راس

انا مع الزواج المبكر ولكن لا تنتضر من احد حسنه اعمل لنفسك والله لا يحوجني لا لولد ولا لغيره ويسترنا فوق الأرض وتحت الأرض ويدخلنا الجنة برحمته .

وهل تضمن أن يأتي ولدن صالح يدعو كمن أباً لديه بالدرزن من الأولاد يظتوته ولا يدعون له ومن هم لا يتذكرون أصلن وكثيرة هي الحالات