شخص يصب السمن على يمين محمد الدريم..

اللهم يارب ياكريم ادم النعم علينا . وياليت من أنعم الله عليه ان يمنع التصوير بتاتا في حضور الطعام .

امين يارب

قبل السمن ماينصب الا لرجال الطحاطيح اللي عليهم العلم اما الحين السمن ينصب للمصقع والمهبل والشحاذين ومن هم على شاكلته .

أصل الذبيحة كلها شحم،الله يرزقنا شكر النعم،ويكفينا شر زوالها والنقم،ما ينبغي هذا،فالترحيب والبشاشة،عين الكرم،فارفقوا وانظروا إلى كثير م الأمم،م عربٍ وأفارقة وعجم،لا توغروا صدورهم عليكم،ويفهم ذلك م فهم،ولا تصوروا وتراؤوا،فذلك مذموم شر ذم،فبالشكر تقر النعم،وبكفرها تفر م بين الأمم.

هذا الزمن يبغاله .. لسان دلاّل من يستحي هالوقت .. واعزتي له وقتٍ به ( الراعي ) غدى .. راعي دلال كلٍ على طاريه ينفض شليله ومن كان ساسه للردى مضرب امثال اليوم .. يحسب من كبار القبيله المال .. يابن حنيف ملعون .. ابو المال ذل العزيز . وعز . ناسٍ ذليله صدق والله خلف بن مشعان

سفهاء القوم سفهاء المجتمع الرويبضه اللي ذكرهم الرسول . الفسقه الفاسدين اللي تلاقيهم في صدور المجالس والأعلام وهم لاأخلاق ولا خوف من الله مره تلاقيهم في الفعاليات المختلطه مايخلون متبرجه مايتصورون معها . ومره في مجالس التجار يقتاتون لاأحترام للمجتمع ولا أحترام للنعم ( بطره )

آخر زمن .. ( رخمة يصب السمن على يد رخمتين ) هذا العنوان الصحيح 👍🏻😉 وابصم بالعشرة ان في نفس الصحن من هو اطلق منهم و اللي يستاهل الكرامة . ولا استبعد انها تمثيلية منهم للبحث عن الترند والمشاهدات .

ودك يجي نظام اللي يصور ضيفه أو يصور الطعام بالعزايم زي كذا غرامة 100 ألف ريال

اللهم لا تؤاخذنا بما فعل السفهاء منا ،،، الخوف علينا من العقاب الجماعي من الله بسبب هذي الأعمال من مثل هولاء

ياكبرها عند أهل العقول كيف يخص واحد بالسمن من بين ضيوفه كلهم لو كان الدريم لحاله على الصحن وما معاه ضيوف اجناب لا باس لكن تخصه من بين ضيوفك كلهم هذا عيب ونقص في قدر الضيوف الباقين

اللهم لا تؤاخذنا بما ف السفهاء منا كل ما اخشاه ان ياتي عقاب من الله بسبب كفر النعمه والله هذا كفر بالنعمه أجدادنا ماتوا من الجوع في سنه الجوع و هولاء السفهاء يستخفون بالنعمه نعم هذا استخفاف بالنعمه أطفال في العالم تموت من أجل كسره خبز . اتمنى من المسؤلين اتخاذ الإجراءات ضدهم😡

هذه ليست عادة عند العرب أبداً بل هي بسبب ضعف اللغة في الوقت المعاصر كان بعض العرب يقول يُصب السمن على يمناه من باب المجاز أي هو أحق أن يُقدم له السمن فأخذ البعض بظاهر المقولة فبَذَّر مع قبح منظر

بعد مااغتنى من الشحذه جوه هذولا يشحذونه ؟ وهي الحياه كذا شاحذ ومشحوذ

اقل القليل وادناه ان يصدر قرار صارم بمنع نشر مثل هذه التصرفات والعبث بالنعمة. اذا الواحد نوى ان يفعل مثل هؤلاء فبينه وبين ربعه وضيوفه ولكن لا يصور ذلك وينشره

عادات مروحة قبيحة دخيلة ما ادري من أين أتت.الله يهديهم وإلا ياخذهم عنا.تصوير ورياء واستفزاز ومهايط وخبال وكفران بالنعم. اللهم لا تؤاخذنا بما فعل السفهاء منا. اللهم ان ما يفعلونه لا يرضينا ونبرأ منه فإن انزلت عقوبتك فنجّنا نحن وصالح المؤمنين.

اللهم لاتؤخذنا بما فعلو السفهاء منا حسبنا الله ونعم الوكيل (ثم لتسألُن يومئذٍ عن النعيم). نزلت في من ؛ نومهم على الحصير وطعامهم الشعير ! فماذا عمّن يضعون موائدهم للتصوير ! ياناس النعمه زواله احفضوها بالشكر كلو واشربوا ولا تسرفوا ان الله لا يحب المسرفين

طيب فهمونا هالحركه هيا طناخه ولا زود كرم ولا اكرام ضيف ولا ايش بالضبط !! ممكن مريض فيه جرب في حساسيه فيه عدوى جلديه ليه هالتصرف بس ياخي انت اكرمت ضيفك على شحم ولحم نعمة الله وقلطت ضيوفك وسط مجلسك واكرمتهم واكرمت من معهم بالكامل انا ما اشوف بهالحركه الا عيب وشي يسد النفس !!

الله يعافيهم ولا يبتلينا وهذي عادة سيئة فيه نوع الجاهلية وكفر بالنعمه وقذاره في نفس اللحظه كيف تصب السمن على أيدي أشخاص لا تعرف مدى نظافة أيديهم ياليت هالعادات توقف ويعاقب من يفعلها ياناس دول أفريقية كانت تعيش في رغد وكفرت بنعم الله وشوفوا أحوالهم الآن

لو جاه فقير طلبه عشر ريال قال ماعندي ويكب السمن كذا الله المستعان بس يارب لاتسخط علينا بما فعل السفهاء منا

هذا تلوث ومرض طيب إفرض أن أحد الشخصين مصاب بأمراض جلدية؟! هذا مما تتقزز منه النفس العادات الملوثةوالتي تنقل الأمراض لابد من التحذيرمنها مثل غسل الفناجيل في غضارة أو صحن كل ما شرب وأحد مرجه في هذه العضارةأوالصحن حتى تلوث الماء وتسبب في نشر الوباء الكبدي في ضيوف الأغلب من المشبات

متى تنتهي مثل هذه التصرفات😳ولماذا لايؤخذ على أيدي حديثي النعمه حتى يستتروا،فكم من فقير معدم يرى هذا المنظر وكم من فقير حاسد يتمنى زوالها عنهم 😳 وحين تظهر مثل هذه التصرفات نلوم انفسنا ونقول الناس يحسدوننا ويتمنون زوال النعم عنا،،لم نرى دوله خليجية يقوم اهلها بهذا الفعل إلا نحن

عاده من اسوأ العادات والله لو موجد على الصحن لا أقوم ولا أكل مهما حصل

الهم لا تواخذنا بافعال السفاء منا والله ان هذا ليس من الكرم المحمود بل هو هياط وياليت يحاسب هولاء الاشخاص الذين تصرفاتهم تزول النعم حسبنا الله ونعم الوكيل

ماخذو من عادات جدانهم الا العادات اللي ماقدروها ، السمن كان يصب على اليد لانه غالي جداً جداً ونادر وجوده ويعتبر رمز منم عند البدو ، اما الآن فهو متوفر لو حطو له تاق في اكس اصرف من السمن اللي موب اصلي اساساً .

فاهمين العادات غلط عندما يصبون السمن أيام زمان على الذبيحة " الضيف يجيهم وقت الدهر الديار ممحله ما فيها ربيع يسمن الغم هلكانه من الجوع وما فيها شحم والسمن متوفر واذ جاهم ضيف قدمون سمن مع لبن ورز ولا سمن مع عصيده ولا يذبحون له ذبيحه ماهي سمينه ويصبون عليها السمن لايعطيه طعم

من سلبيات الجوال والإنترنت بشكل عام انك تشوف ناس ماتبي تشوفهم .. ياصبر الارض على هياطكم .. عسى الله يديم النعم ويجعلنا من الشاكرين

والله ما ياكل بعد هالقرف إلى الجوعان وهاذيلا جوعانين شعب كباره الدريم وقعيط وفايز المالكي ووذ نكهة ووماتشي ماتشي وهند الجحطاني لا تستغربون أنه عصابة الحوثي مانعتهم من باب المندب على الراغبين بالتحالف الاتصال ب وزارة الدفاع السعودية هناك مكأفاة مالية للموقع🦎

بعيدآ عن أنه اسراف، وما اعتقد راح يخلصون هذا كله واغلبه بينكب بس ياخي منظر مقرف وكأنما قاعدين يغسلون ايديهم بالسمن فوق الاكل يعني منظر مقرف لأبعد حد.

ياليت يصدر توجيه بمنع تصوير الولائم ومعاقبة من يخالف ،والله لاهو من ديننا ولا عادات قبائلنا ، دخلت علينا عادات سيئة،هل هذا من شكر النعم ؟! كلها هياط في هياط وقبل ذلك كسر لقلوب الفقراء والمساكين،ربنا لاتؤاخذنا بما فعل السفهاء منا (النعمة إن لم تُشْكَر تزول)!!؟

هذا الي في المقطع بيض الله وجه تصوير الاكل حتى لوك بالحالك في مطعم وتنزلها في حسابك الناقص صار مستفز وشفاحه والغرض منه تنافس اجتماعي أنعمه تبي شكر ماتبي تصورها وتقهر فيها محتاج ولا شفني اكل ماتشوفون الاطعمه ارتفعت سعرها لا يكون هذا انذار من رب العالمين وافهم يافهيم تصوير الناس في العزايم والطعام لا يرفعلك مقام

ربنا لاتواخذنا بما فعل السفهاء منا طيب وش نظافة يده لوثت الاكل على الناس ونثرت السمن على الرز ولاراح احد ياكل بعده سوف تسأل عن هذا يوم لاينفع لا مال ولا بنون

مره صبيت زيت عافيه ومشى الحال 😁

هم ينفخون بالدريم .. والدريم ينفخ بيزيد الراجحي. وهاكذا تدور العجله😂😂😂😂😂😂

يقولون فلان يصب السمن على يمناه وهو معنى مجازي بأنه شخص يستحق تبذل له الغالي والنفيس ولكن اهلا بكم في زمن التواصل الاجتماعي ههههه يصب السمن وهو اصلا مقدم له مفطح😂 المفطح اعلى كرامه من السمن لان المفطح لحم وشحم. والسمن من اللبن... ايش الدلاخه هذي😂

في هالمشهد حاجتين اجتمعت : ١- التجرد من الانسانيه وكفر للنعمه التي الاف البشر يبحثون عنها ٢- الهياط ومايفعل في عقول البشر والبحث عن الشهره