شخص ينشُر : أفضل طريقة لتحضير القهوة السعوديه ⁉️

اعلمك الطريقة الصحيحة لاهل الكيف توضع القهوة بدون اضافات في ابريقها حتى تقطع تقريبا ربع ساعه او ثلث حتى لايكون لها رغوه او فقاعات ثم تترك دقيقة تركد بعد ذلك يوضع بالدله هيل وزنجبيل وعويدي وان اضيف زعفران حسب الطلب لابأس وعند صب القهوة في الدله لاترجع للنار ابد وشكراً جزيلاً

Something missing from your morning? Everyone’s Tastes Are Different… See If We Have What You’re Looking For.

الله يعافيكم وين احصل قهوه نوعها زين وطعمها لذيذ زي الي في الزواجات تكون خفيفه وطعمها لذيذ ولونها فاتح اذا لها اسم القهوه علموني وابي متجر يبيعها لان مااقدر اطلع محلات اجيبها وشكرا مقدمات

والنهاية حرقان ومر القهوة اللي تحمس وتطحن وتفوح على اصولها وتمخمخ الراس تحصلها في مجالس اهل نجد مع احترامي للجميع

غلط. احلى قهوة طريقة القصمان قهوة وقليل من الهيل وشوية زعفران. فقط

من يضع: زعفران أو عويدي أو زنجبيل أو مسته أو نخوه أو حليب أي إضافات للقهوه: فتضيع نكهة القهوه الحقيقي . أنا هذي قهوتي: حمسه شبه غامقه واطحنها جرش وليس بودره وأطبخها لمده ١٥ دقيقه ثم أضع ملعقه هيل صغيرهفي الدله التقديم الصفراء وأطبخها لين تفور ثم أنزلها من على النار. هذي قهوتي 👇.

السلام عليكم ورحمة الله وبركاته .. معلومة مهمة .. الزعفران لا يوضع في دله اللقمة .. ويوضع فقط ... مع الهيل والمسار ..

يمني ويعلمنا كيف نحضر القهوة السعودية؟؟!! الردود ماقصروا وضحوا الأخطاء الكثيرة والفادحة اللي وقع فيها هذا اليمني اللي يدعي معرفة طريقة تحضير #القهوة_السعودية

الله يديم النعمه هذه قهوه نيه حمستها وهيله كثير ومعه مسمار ماصارت قهوه القهوه بن محموس مستوي تطبخ ربع ساعه تترك دقيقتين الا ثلاث حتى تحكم ثم توضع بالدله مع الهيل والبعض يضيف شوي زعفران هذي الدله الصح اما اضافة زنجبيل ومسمار ماصارت قهوه صارت كوكتيل

مافيه شيء اسمه افضل طريقه كلن يسوي قهوته بطريقته والمقادير تختلف من شخص لشخص وكلن يقول قهوتي احسن قهوه ومستمتع فيها

اول شيء الزعفران لايصلح للغلي ، بل يوضع القليل منه في ماء قليل فاتر عشر دقايق والشيء الثاني اذا القهوة برية ( حباتها صغيرة ) فإنها تحتاج لوقت اطول من الهرري ايضا التحميص كلما زاد يقل وقت اعداد القهوة برية شقراء او وسط 25 دقيقة ، غامقة 20 دقيقة هرري شقراء او وسط 20 د والغامقة 15 د