شخص ينشر مقطع ويعلق : شوركم و رأيكم في الجار اللي كذا؟

يا صاحب الفيديو جارك واهله وابناءه احق بالمواقف الملاصقة لبيتهم منك انت ابحث لك عن موقف لا يضايق الجيران انت الغلطان وجارك صاحب الحق وخصوصا انه كما تقول نبهك

حتى لو كان شارع، من المروءة ما توقف في مكان يحتاجه بعض الناس للأسف يعتقد أن من حقه يجيب 8 سيارات ويوقف عند بيوت جيرانه ويقفل كل المواقف وبعدين يقول انا في الشارع المروءة سلوك انساني

من يوم قال (هذا شارع الحكومه) عرفت أن هالثور هو المخطي. نعم النظام سمح بوقوفك في الشارع ولكن النظام والشرع والعرف والمروءة والأخلاق والشيم لم تمسح لك بالوقوف أمام بيت جاره لتضايقه رغم اشعاره لك بعدم الوقوف، وطالما أبلغك اذلف عن بيته يا جار السو

والله هالاشكال ما اتعاطف معاها تقول بالفديو كلمك اكثر من مره معناتها انت اللي مضايقه ومالك حق توقف قدام بيته (البعض بجيح يوقف قدام بيتك ويقولك الشارع مو ملكك !) فيه ناس يحب الاذيه ويحب يدخل بمهاترات ، هو اولى واحق بالوقوف قدام بيته لان الاغلب مركب كاميرات بالبيت وسياراته اولى

تستاهل ماجاك ليش تستخدم ثغرة نظامية لإزعاج جارك ومضايقته ثم تعمل نفسك مظلوم وتخاف الله ؟ الشارع ليس ملكه ولكن عرفاً امام بيته هو اولى فيه منك

ليته يزغل علي سيارتك بعد الله يعينه عليك ، تقول الرجال قايلك اكثر من مره وتعاند وتوقف قدام بيته ،، ومن وقاحتك تقول خارج صكك يعني قدام بيتك ويجيك هالدلخ يقول ماهو في صكك

بغض النظر ان القانون لا يخالف وقوفك امام بيته، ولكن اخلاقيا من المفترض ما توقف امام بيته وتستفزه ومن ثم تعاتب ردة فعله .

النظام يقول الشارع ملك للجميع لكن لو وصلتها للشرع لاتنسى الشرع يحكم بالدليل من الكتاب والسنة و ( العرف ) المجتمعي وراح تدخل في دوامه انت غني عنها طالما نبهك الجار فاحترم رغبته وابعد عن المشاكل وتجي تصيح في اكس وغيره جاري وجاري طيب انت ما احترمت رغبة جارك

صحيح النظام يقول الشارع ملك للجميع اذا خارج نطاق الملكيه لكن انا ضد ان اوقف امام بيت جاري مهما كانت الاسباب والله اللذي لا اله الا هو فلتي عرضها على الشارع 15 متر وبعض الاحيان يوقفون امام بيتي واني اوقف في ارض فضاء بجوار المنزل ب200 متر من باب التقدير والاحترام

.. انا شخصيا اعاني من جيران مثل الي مصور هذا المقطع حسبنا الله عليهم ونعم الوكيل ، لا اجد مكان لوقوف سيارتي عند منزلنا الذي يقع على زاويه وشارعين بسبب ان احد الجيران القدامى انتقل من بيته ثم هدمه وبنى وحدات شقق مؤجره ١٢ وحده وجميعها تقف عند بيتنا وحتى ما تركوا لنا إلا موقف واحد عند الباب ونحن ٣ سيارات احيان إذا صار مناسبات في الحي لا نجد مكان ! وليتهم يكتفون بذلك بل من سوء خلقهم نجد نفايات وأكواب قهوه وحتى بقايا طعام موضوعه على عتبه في السور .. وقبل فتره كان لدينا سياره قديمه متعطله أوقفناها عند الباب اعترضوا على وجودها 🙃 وجاءتني احد الجارات العربيات تشتكي من منظرها وسبحان الله تسلطت علينا البلديه 'المشهد الحضري' وتم أزالتها .. اصبحنا نعيش في عالم موازي صاحب البيت حقوقه مهضومه ومثل هذا البجيح يصور مقطع بصوت رخيم يدعي فيه الخلق ، انت لو عندك خلق ما تأذي راعي البيت وتتعدى على حرمة بيته

جاري عنده اربع سيارات له ولأبنائه يشهد الله كلهم محترمين احيان يقفون في موقفي ولا عمري كلمتهم وقدام بيتي في مساحه والأمور طيبة والجار للجار

لانك قليل خاتمة وماتحترم جارك. جمس طوله فوق ٣ امتار ما تبغى يضيق على بيتك تروح ترميه عند بيوت الجيران وتزعل بعد

كنت أنتقد اللي يزعلون من الوقوف قدام بيوتهم، لكن بعد ما سكنت بشارع ضيق اقتنعت… والله ما ألومهم. الخطأ الأكبر على تصاميم الشوارع الضيقة، وبعدها على اللي يوقف عند بيت غيره وهو بيته مليان بسبب سياراته ويزعج الخلق بباقي سياراته!

اصحاب العقار، يظنون ان الشارع ملك لهم، تجد صاحب عقار يقع على شارعين، يمنع الناس من الوقوف أمام منزله بحجة انها مواقف له ولضيوفه، بينما النظام ينص على إن الشارع ملك للدولة وليس لأحدٍ الحق في إن يمنع الناس من الوقوف بوضع الحواجز أو اللافتات، ولكن هؤلاء يتمادون بوضع مظلات لتأكيد حقهم المزعوم في ملكية الشارع. اتمنى من الجهات المختصة أن تُنهي هذه الظاهرة بعقوباتٍ رادعة، ليلتزم الجميع بالنظام، ويعرف كل ذي حقٍ حقه، دون تعدٍ على حقوق الآخرين وحرياتهم.

مسوي حنين على جاره وانه قايم بحقوق الجار وهو خالف ذلك اولا دخل في نيته انه متعمد يصدمه ثانيا يوقف عن بيت جاره وهو عارف ان الشيء هذا يضايقه ثالثا فضح في جاره بين العالم بنشر هذا المقطع اخيرا اسال الله ان لايرزقني ب جار مثل هذا المصور

بما انه نصحك من قبل فتستاهل ؟ لماذا توقف عند بيته وين يوقف سيارته ؟ تبغي يروح يوقف بعيد وينزل عايلته بعيد عن البيت وحضرتك قدامه علشان الظل او امر آخر ، كان احد عنده شجره زرعها وسقاها امام بيته ولما كبرت الشجره وصار لها ظل صار الجيران بالتسابق إلى الموقف ؟؟!! فقام بقطعها 🪓 🪓 🪓

ضربني وبكى سبقني واشتكى تقول انه كلمك من قبل ماتوقف هنا خلاص ياخي هذا جارك قول ابشر وسم مو تعاند وتقول ليه ياجاري

هذا صدم عمد كلم الشرطة واكتب فيه محضر ويحولونه على النيابة وهذه جريمة جنائية يعني محاكمه وفيها سجن وغرامه ٢٠٠ الف ريال والسجن يوصل في بعض الحالات ل ١٠ سنوات لسنا في غابة حنا في دولة فيها قانون يحمي حقوق الجميع

بعض الناس يستفز جيرانه و الا شاف ردة فعل منهم طلع سوى مسكين نظاما نعم يحق لك توقف في أي مكان في الشارع عدا مدخل السيارة لكن ياخي فيه عرف بين الناس عموما هو لو رفع عليك قضية في حق الانتفاع العام ترى راح يكسبها ويمنعك توقف قدام بيته

عز الله ان راعي الددسن رجال بن رجال وراعي السبحة الصفرا رخمة ليه يا جار انا موقف بالشارع ههههههههه

اطلب نجم ولاتتحلطم ..! تجرجره في محاكم وقضايا على ايش..!؟ من الأسلوب والتهوله.. أنا مع الجار..💫

رايح تلبّق عند بيتهم .. وتتشكى !! صحيح اللي سواه خطأ .. لكن انت ليه تبدأ في مشاكل من عدم ؟ العُرف ان كل واحد يصفط عند بيته الا في اوقات المناسبات والعزايم والعزاء ..الخ هذي ظروف خاصة .. يعني اذا صارت ليست من املاكه وخارج حدود ملكه تفلها و " تضايقه " ! شفها في نفسك لو حصلك

أنت المخطى أبحث لك عن موقف بعيداً عن مواقف جارك التي امام منزله وله الاحقية والأولوية بها فهي ليست مثل المواقف التي في الشوارع التجارية وتعتبر مواقف عامة .

ما دام حرم الطريق امام بيتي فأنا احق بالوقوف والمنفعه تعود علي وبالمقابل ما حصلت موقف عند بيتك او شقتك مو معناه تضايق الناس عند محارم بيوتهم إذا وجد ثغره في النظام مو تروح تتمسك فيها وتستغلها وتعاند العادات الصحيحه والعرف وما تعارف عليه الناس اقوى من الانظمه المستحدثه

وين الصدمه ههههههههههههههههههههههههههههههههههههههههههههههههههههههههههه

دام قلت الشارع ماله عليه صك وقلت نبهك لاتوقف فانت المخطي ابعد سيارتك واحترم جارك والله اكبر لا إله إلا الله

نعوذ بالله من جار السوء بعضهم يحدك ويجرّك لمستنقع وحل يلوثك ويشوه سمعتك لو قمت تجاريه في تصرفاته . أنسب حل مع الجاري الموذي التحمّل والصمت وعدم مناقشته وإلقاء السلام عليه من بعيد . وإن كان عندك استطاعة شد وهج عن ترابه الله لا يثري ترابه

كان ستر عليه واحتسب الأجر من الله دامه ما قدر يشتكيه علشان الجيرة. الأعمال الصالحة لا يوفق لها إلا المخلصون، جعلنا الله وإياكم من المخلصين في أعمالنا وواجباتنا. اللهم آمين، وصلى الله وسلم على نبينا محمد.

لا ومسوي أخلاق بارد الوجه جارك إذا ما سمح لك رح شف موقف ثاني تأذيه في حلاله وفي راحته اقدر أخالف الأعراف والاخلاق وامتحنك في حياتك دون ان اتجاوز القانون لكن ليست من الأخلاق ولا من المرؤة ولا هي عادتنا

يااخي لاتوقف عند بيت جارك مهما كان الا للضروره. ليه ماتوقف عند بيتك وش المانع. تزاحم عند بيت جارك. الجار الجار لو الزمن دار

كلمة المواقف عامة للجميع عملت مشاكل بين الجيران. يفترض مواقف المنزل لأهل المنزل ادبآ واحتراما هم احق فيها. فيه الكبير العاجز، و المريض يحتاجون قرب السياره واذا جبت مقاضي او دبة الغاز كيف تحملها من بعيد. أما إذا جاري احتاج الموقف لضيوف افضيله المواقف والبايكة معها.احترام الجار اهم

ابعد الكاميرا شوي خل نشوف وينك واقف .. وبعيد عن الموقف حنا سمعنا من طرف واحد يمكن جارك متحملك من سنين وانت دبلت كبد تستاهل الصدم انت بنفسك ماهي سيارتي

صاحب المنزل أحق هو وأولاده بالوقوف أمام منزلهم ، وأي كلام آخر أراه تجاوز على صاحب المنزل . بالعقل تريد صاحب المنزل يبحث عن موقف وينزل حاجاته وعائلته في آخر الشارع ، على شأن حضرتك تقفل عليه ، حتى من الناحية الأمنية فيه كاميرات مركبها لغرض مراقبة سياراته ومنزله ،غير كذا كلام فارغ .

بعض الناس يوقف عند بيت جيرانه ويقول مو حدود الصك طيب جارك بيته على شارع واحد وعنده ثلاث سيارات او سيارتين تجي توقف عنده وتقول مو حدود الصك طيب وين يودي سياراته لكن لو بيته على شارعين وعنده مكان دايم فاضي هنا توقف عادي الموضوع مو تسمع لك جمله وترددها وبس لازم الانسان يكون عنده عقل يفكر ويشوف الصح والخطأ

النبي عليه الصلاة كان له جار يهودي يرمي على بابه الزباله ومع ذلك صابر عليه ويزوره في مرضه . الخلاصة : ولكم في رسول الله أسوة حسنه لمن كان يرجوا الله واليوم الآخر . الايه