صدق كثير منفصلات اخذو رجال ماسبق لهم الزواج

لاتكذبين على النساء وتلبّسين عليهن. الواقع عكس ماتقولين حياة ندم وحسرة، الأبكار أصلا عنسوا فكيف بغيرهم؟!! وكثير من المطلقات أصبحت وحيدة كئيبة تتنقل وتصيع بين المقاهي واللاونجات. فلذلك كل واحدة تحافظ على بيتها وعائلتها، لا تستمع للمخببات اللاتي يبعن الوهم.

رجل في وظيفة محترمة ودخله ممتاز وصحته تمام ونسبه محترم مستحيل ياخذ مطلقة كأول زواج له اما اذا ظروفه و وضعه لك عليها فالمطلقه تمشي الحال

للامانة عجزت افهم كلام اللي بالتعليقات ياكثر اعرف عزاب تزوجوا مطلقات وعايشين حياتهم ومبسوطين ليه كل هالكلام السلبي الموضوع مهو مستاهل ترى وكثير مطلقات تطلقوا لسوء الطرف الاخر والعكس صحيح يعني عادي جداً مطلق يتزوج بنت ومطلقة تزوج اعزب وين المشكلة ماني فاهم وليه شادينه بزياده !

عادي وجدا وانا لسى ماخلصت عدتي تقدموا لي ثنين ماسبق لهم الزواج شفيها يعني ؟

لاتكذبين على النساء وتلبّسين عليهن أن الطلاق والحياة بعده وردية.

مافيه شاب يتزوج مطلقه هذا كذب محاض الا تكون المراه الثانيه او الثالثه، وغالباً المطلقات يتزوجون من شيبان معددين ، وكلامي لايقلل من المطلقات البعض منهن مجبوره تتطلق من زوجها والبعض مجرد نشوه او ضحيه للمخببات من صديقات السوء ولكن الواقع يقول الشاب يبحث عن بنت بكر بنفس عمره

المستخدم مين يبيه وفوقها عندها بزارين انتي مطلقه حتى المعدد لايغرب بمطلقه معها عيال

تذكرت الاجنبي الي سالوه تتزوج وحده سبق لها الزواج و عندها اطفال، قال الرجل خلق ليقوم بتأسيس عائله موب ينضم لها هههههههههههههههههههههههههه

في مجتمعي الي خذو اعزب وهم منفصلات غالبا يكون اقل منها ماليا يمكن في مجتمع آخر يهمه شخصيه شريكه حياته كيف تكون فمو مهم عنده إذا عزبا او منفصله🤷‍♀️

اعرف كثير جدا من المطلقات اخذوهم رجال اول مرة يتزوجون وامورهم المادية ممتازة ايضا، البنت المطلقة مايعيبها اي شيء .. هذا الواقع

للاسف مافيه شاب اعزب لم يسبق له زواج يتزوج مطلقه وعندها اطفال إلا إذا هو……..!وفهمكم كفايه

اغلب النساء المطلقات يتزوجن عازب ولم يسبق له الزواج واصغر منها وعنده فلوس ويتقبل ويحب اطفال طليقها ويدخلهم مدارس عالمية ويسفرها ثلاث سفرات بالسنة

وعادي مو شيء جديد ولا غريب ومن ايام الرسول والرسول بنفسه اول وحده تزوجها هي خديجه الي كانت متزوجه قبله

عادي فيه مثل مافي أبكار يتزوجون معددين ولا مطلقين وحتى شيبان مرات

لا انشالله بسم الله علينانخلي البكر والكتاكيت وناخذ المستهلك

أنا أشوف الأفضل المطلقه تأخذ معدد او مطلق يهتم فيها وفي عيالها انتي بالأخير تدورين الستر و عندك ذريه و العزباء تتزوج اعزب ماله تجربه لان غالبا اللي يأخذون من سبق له الزواج وطلق تكون تجربته سيئة و يبني كل العلاقات على علاقته القديمه مع الزوجة الأولى ويطلق اكثر من مره

كذب لاتصدقين محد ياخذ مطلقه ولا معها طفل ههههههه الكذبه ماكبرها تسوقون لانفسكم انتم ؟؟؟

حلو يستاهلن

اي والله و أعرفهم و أصغر منهم بعد ، نصيب !

طيب عندي تساؤل ليه يحسون شيء واو لما تنخطب من واحد ماسبق له الزواج بينما هي سبق لها ! يعني هي تعتبر خيار سيء !؟ صدق فكروا فيها ترى ما هي ميزة قد ما انو الأهم يكون شخص كويس بغض النظر عن حالته الإجتماعية.. دايما اسمع هالكلمة محسسيني تفضل عليها يعني واو ماتزوج و اخذ المنفصلة!😕

ولد عمي اعزب تزوج عن حب مطلقه معها ولد

قبل كم سنه كنت افكر باعزب لكن غيرت رايي وشلت فكره الزواج من راسي للابد جربت حظي مره ولاافكر اعيدها وكل شي قسمه ونصيب

حياتي كلها عملت في 5 مدن تنقلت بين المدن والقبائل ومعارفي ماسمعت او شفت رجال اعزب اخذ مطلقه بعيالها او بدون عيال البيوت مليانه بنات صغار وبكر ومتعلمات وجمال وبنات رجال وسنعات يتقدم لوحده معها عيال ومطلقه نهائيا وهذا كل كلام في السوشل ميديا على الواقع مافيه

صديقتي والله معاها ثمانيه حرفيا تزوجت وهي عمرها ١٤ تزوجت واحد ما قد تزوج زوجها انصرع حرفيا مع انه كان معاها بنت صغيره والباقي عندهم حاول ياخذ الصغيره بكل الطرق

الله عطانا الحق في اربع زواجات غير ملكات اليمين وصار الاصل زوجة واحدة 😖 وضع الرجل بين الكائنات الاخرى في هذا الزمن مثير للشفقة

ايه عادي وش ذا الحسد نصيبها

مثل مافيه بنات ماسبق تزوجوا وزواجهم الاول من مطلق عادي يصير العكس وكلنا ندري مو كثير في المجتمع بس حاصل كل انسان ورزقه نصيبه بهالدنيا المهم الطرف الثاني يخاف الله مطلق او مطلقه او ماسبق لهم الزواج

أنا مصدقك ما ادري عن الباقين 😄

هههههههههههههههه يا حليلكم بس

غالبا المطلقه بتزوجونها اذا هي بنت نسب رفيع يطمعون بنسبهم حتى الشيوخ اسمع ان فلانه بنت الشيخ او الي جدها كان فارس مشهور بالجزيره ياخذونها اذا تطلقت او ترملت وتتزوج مره ومرتين وثلاث وتلقى عيالها لهم اخوان من الام كثير