"صهيل اقلامي" كعبة الحسن الشهير تطوف فيك آلامي ما دريتي ؟ حوبة القلب النقي ملعونه

من بقايا ضلوعي الحيّه عزفت أنغامي نغمةٍ لا مرّت الفنّان عاف لحونه لو مليت الدار بالطرق الرفيع السامي الموسيقي في ديار الصمّ ما يوحونه ! والله ان كنّي وانا اسامر صهيل اقلامي فارسٍ من ضيق باله ما طفى غليونه منهو يْجاوب عواي مع الطويل الزامي غير حسره فالضمير بـ داخلي مركونه و منهو اللي ينتشلني من حطام اوهامي ؟ لا غدا دربي وحيش و ضحكتي مرهونه الحنين اللي بـ دربه ما وقف درهامي العمر في سكّته لا زلت اسد ديونه كلّ شيٍ فاقده .. ( ذات و بلد و اسامي) و ابتسامات النديم اللي تلاشى لونه كعبة الحسن الشهير تطوف فيك الامي ما دريتي ؟ حوبة القلب النقي ملعونه لا دعى للشوق داعي وش حصيل إقدامي عاشقك وشلونه ؟ انتي علّمي وشلونه لو كتبت مع القصيد العذب كل احلامي شاعرك افصح من ابياته حديث عيونه كم لقيتك بين طيّات القصيد الهامي و كم لقيتك باللحن مزماره و قانونه فيك من ريحة هلي مدري رِياح ايامي يوم لدّت وجهة المركب و حالت دونه كلّ ما جيت و شكيت من الغرام صيامي اقترفتي ذنب منهو مانعٍ ماعونه تختلف فيك الموارد لا وصلتك ظامي موردٍ عنده قتيل و موردٍ يا هونه لوّ اقول القوس قوسي والسهام سهامي كذّبتني بالدموع جروحي المدفونه ! عن مشاويرك لو ادري وش يجي قدّامي ما قنبت الحدّ مثل اللي يحدّ سنونه كان من مسك البدايه باقيٍ لـ ختامي والله انه ما لحقني من عزومي خونه في مشاريفك سنَه عيّت ترف اعلامي انتكس بيرق غرامك و اختلف قانونه ضمّة الفرقا ما كانت ليلة استسلامي كان حضنك مشنقه لـ احلامي المسجونه ! -محمد ابن هرشان

Izuku Midoriya, Katsuki Bakugo, Ochaco Uraraka, Shoto Todoroki, All Might... Choose your favorite character from 106 characters of “My Hero Academia” and get a personal seal at You can sign your name with your favorite MHA character by simply stamping it.

يا سلااام يا سلام صح لسانك ابو ندا 👏🏻👏🏻🧡

سلمت و دمت يبو سيف و صح بدنك

جميل وعذب من يومك يا محمد

قليل من واجدك يبو منيف

صح لسانك كالعاده قصيده عذبه .

صح بدنك🤍🙏

صح بدنك ، والله وجعلني ما اخلا🤍

لايك قبل اقرأ ، كلّي ثقة

عساني عند الثقه دايم يبو هند🤍