⛔️ ضروري وقفة جادة من الجهات المختصة في #السعودية تجاه هذه النوعية من السياح التي تسافر خارج #المملكة وتلبس #الزي_السعودي وتقوم بتصرفات لاتليق بنا في #اوزنقول و #طرابزون و #الشمال_التركي كافة ⛔️ طيب خلك على الجنز و التشيرت و اترك #الزي_الوطني #السعودي في حاله ، و استر علينا .... #تركيا #اوزنجول #اسطنبول #ايدر #صبنجه #ريزا #هامسيكوي #سفري_كاياshow more

ظروري جدآ ارسال موظفين من وزارة السياحه يسمون((ملاحقي السامجين)) واي زق يلقونه مسوي اي سماجه اي قلة ادب عيانآ بيانآ الوعد المطار ياكلب اذا رجعت

احسنت

يابن الحلال ماهي المشكلة بلبس الزي السعودي المشكلة بتشويه الزي السعودي بحركات مخافيف ومسوي علوم مرجلة

احسنت

مثل العينات ذي منع من السفر 5 سنوات

احسنت

يلاقي له اللي يعزز له من الشعب ويمدحوه وصوروه ويكبروا راسه ويحس ان زي مافي. معارضين له في محبين لما. يفعل

اللي يعزز له هم نفس النوعية

الحمدلله على نعمة العقل السايح السعودي المسكين اللي مجمع فلوس و رايح ينبسط مع عياله و يحصل هالناس امامه يشوهون صورته وصورت بلدهم ياخي واشفيها الناس صارت تعمل اي شي بس علشان الشهره والفلوس عادي يخسر اخلاقه واحترامه وتقديره بس اهم شي تجيه فلوس الحمدلله والشكر

والله انك صادق

وربي صارت مناظر كريهه وتدخل اي سعودي في مواقف محرجه

لابد هذا الشخص يتأدب ويمنع من السفر ليكون عبره لأمثاله

👍🏽

على فكره السبب الرئيسي هو حب التصوير ادى للاستظراف السامح يومين وينطقون وان صار فهذا شي يستاهلونه كيف تجي ديرتي وترقص وتستهبل قديما قالو يا غريب كم أديب

البحث والسعى للشهرة يسمعون عن مشاهير انهم اشتروا فلل و سيارات فاخرة و استراحات ويشفونهم يركبون في الطائرة درجة أولى ،، والخبول عندنا يرغبون يصيرون مثلهم

المتضرر السايح السعودي المسكين اللي مجمع فلوس و رايح ينبسط مع عياله و يحصل هالناس امامه يشوهون صورته

والله انك صادق عاهات

لاحول ولاقوة الا بالله قسم بالله فشلونا 🤦‍♂️ ماصدقنا الناس نست الي يرقصون ع شيلات يجيك ذا الاهبل يكمل

البحث عن الشهرة

قراوى وسافروا ! ولازم تعرف كل الناس انهم مبسوطين😁 شفتهم على الطبيعة العام،وقبل العام! غيروا اللي يدورن بالسيارات على البحيرة *مطولين على المسجل وطالعين مع الداريش!

اتفق معك

أساليب تضحك الناس علينا في الخارج والمشكلة انه محسوب علينا هالسامج لازم عقوبات رادعة لمثل هؤلاء ترى شفنا اكثر من كذا حقيقة يبيلهم تأديب لانهم يعطون فكرة عننا غير صحيحة على الاطلاق

احسنت

عقوبة الذوق العام يجب له يطبق عليه وسحب جوازه وهاذا بالذات حجر عليه لانه غير سوي الخبوول كثروا وابتلشنا

احسنت

ممثل الوطن 😂 للاسف محسوب علينا هذي العاهات

هذا القهر انه محسوب علينا ومن شين الطبائع يلبس الزي الوطني السعودي ،، يعني يبي يثبتها رسمي ضدنا

كنت والزميل الإعلامي القدير الأستاذ علي السبيعي نتناقش سويا قبل عدة أيام حول نفس الموضوع والذي أصبح "ظاهرة" وطالبت بضرورة تدخل الجهات المعنية بالدولة لإيقاف مثل هذه التجاوزات ومنها ظاهرة الإسراف والتفاخر بهدر المال فيما لا فائدة منه،مما يعد في نظر الشرع في حكم السفيه الواجب الحجر عليه.

احسنت 👍🏽

الاشكال حدها ابهاء والباحه اشكال تفشل

👍🏽

جالس يوزع مجاناً وقدام محل أتراك يتزقون الله 😁 وفي الرياض يبيع الشاهي بعشره

👍🏽

الله لايكثر خيره ماحد طلبه ماشفنا كرمه في السعوديه الا قلة حيا وملحجه اتمنى محاسبته في اقرب وقت

👍🏽

سافرت وغيرت جو ( من حقك ) لكن مثل بلدك بالمثل الطيب ، اما واقف بالشارع وتوزع قهوه وغيره يشغل شيلات ويرقص و!!!!!!! يااخي عاداتك وتقاليدك خلها في بلدك وحافظ عليها اما بالخارج استانس وانبسط واكتشف واترك عنك الهياط والتخبص اللي ماله داعي

كلامك ذهب 🟨🟨🟨🟨

للاسف اوزنجول … البعض يتعامل معها على انها القاهره …. منطقه جميله عائليه بحته ازورها من زمن طويل … زرتها العام وقبل العام وزادت قناعتي انها ماعاد تنفع

للاسف من بعد كورونا صار يجي الشمال التركي نوعيات دمار مجتمعي وبيئه سيئه

اقسم بالله ماطب تركيا وهذه الاشكال موجوده اللي تشوه سمعة الشعب السعودي بسخافتهم

اتفق معك

وأنت وش دخلك في الناس كل شخص وحر

يا خبيل حر في بيت امك مو تلبس الزي السعودي و تتخيبل وتشوه سمعة السعوديين

واضح إن عنده فرط حركة 😂

الله يصلحه يلبس الزي الوطني السعودي ويتصرف بطريقة غير مناسبة لهيبة الشخصية السعودية

اللهم آمين .. اتفق معك أخي تميم ..

بارك الله فيك اخي خالد سعود

مرتزقه الضعوف والمهابيل الداعمين هم من اوصلو بمشاهير الفلس لهذا المستوى المنحط للاسف

مشاهير الفلس وجوده سيئ للمجتمع

وتلوم الاتراك انهم مايجلدوننا

👍🏽

للأمانة بعد هالمقطع قررت بدون رجعه ماسافر للشمال التركي

لا تُلام بسبب المناظر السيئه

ما الوم مهرجان الطائف يوم طردوه

الله يهديه

واذا طقوه الاتراك زعل 😂

👍🏽

سؤال: اللحين في المجلس ينصب الشاهي واللي يصبه يترقص؟

اتمنا اسمع تم القبض

👍🏽

وش العيب او الحرام الي سواه.. يوزع قهوه ومايترقص مثل الي شفناه في الجنوب قدام النسوان... ماشوف فيه شي غلط والله ماعرفه عسى الله يوفقه ... يازين من يشتهر على كذا ولا يشتهر على بلاوي بعض مشاهير الفلس

🟥 الصورة الذهنية الحقيقية والسمة الملازمة للمواطن السعودي ؛ الرزانة، الهيبة، والأنفة , والوقار ، والتصرفات المتزنة و اعتزازه بهويته ودينه وتقاليده دون حاجة لاستجداء انتباه الآخرين أو القيام بتصرفات مبتذلة في الأماكن العامة في دولة اجنبية . التمثيل المشرف ، هو السائح الواعي الذي يعلم أنه سفير لوطنه، وهيبته من هيبة البلد 🇸🇦 الذي ينتمي إليه، والاستجمام لا يعني أبداً الانفصام عن القيم أو التصرف بخفة تتنافى مع الوقار

كلامك جميل .. اجل شدو حيلكم وانتقدو بعض مشاهير الفلس الي عندنا وتصرفاتهم

وربي صدقت

👍🏽

مالوم الاتراك اذا توطوهم وكفخوهم اتمنى تركي يعطيه راشدي على علباه

👍🏽

ها النوعيات احشرهم بالغرامات إذا رجع صكة بمخالفة 100 ألف ويتأدب النظام يربي البشر

👍🏽

ما شفت هالحملة على الناس اللي يسكرون او يروحون مراقص او غيرها او يلبسون لبس خادش الرجال حر يتصرف باللي يبيه ما صدر منه اي اساءة للدولة رغم اني "ضد تصرفاته " شيء عجيب بما انه ما يضرك مالك دخل فيه تخيل اسافر بلفوسي ويجي شخص يقول لي سو كذا ولا تسوي كذا ناس عجيبة😂😂

هذه سفاهه ونقص عقل وخبل

شيئ مؤسف 💔

شوف