طالب كلية طب يسأل رئيس جامعة شقراء ليه ماعندنا دكاترة سعوديين؟ والجواب: السبب انت الميديا غلطانة المحافظات بيئة طاردة لا تتكلمون عن اخواننا اللي يخدمونا في وطنا جايين من جامعات متميزة (يقصد عين شمس) لا تتكلم لا تطلب من شقراء اللي تطلبه من جامعة الملك سعود ولا عبدالعزيز

"السبب أنت وإخوانك والأجيال السابقة، ولا يجب أن يصدر منك هذا الكلام، أنت تعلمت من الميديا والميديا غلطانة" كيف تبون نجيب دكاترة سعوديين، وعندنا رئيس جامعة سابق يصرح بهذي التصاريح؟

لا بارك الله فيه وفي كل من يحارب السعوديين في وطنهم ولكن اتوقع انه متسعود وليس سعودي الاصل دام هذا عدائه واضح وصريح يتهم الجميع حتى الروؤيه لا يعترف بها وهي من تقدم المواطن على كل شي وتوفير له الوظائف الي استحلوها الاجانب حتى فالتعليم والجامعات وعيالنا يجلسون بلا عمل وعندهم شهاده

حقيقةً ماودي اقهرك يا فيصل لكن اسمه عوض بن خزيم الاسمري، بمعنى مب مجنس ولا متسعود

لعل الرئيس كان مندفع شوي لكن كلامه واقعي الجامعة ماغلطت ابدًا، الان حنا بجامعة القصيم الي عندنا كلية طب اقدم من شقراء الى الان ماقدرنا نخلي طاقم تعليمها سعوديين للسنوات الاساسية لان اصلا الطبيب السعودي مايبغى هذا المجال وتوجههم بشكل شبه كامل للتخصصات السريرية الي يمارس فيها الطب وحتى مع هذا التركيز على ان الطبيب يكون يمارس الطب بتخصصات سريرية الا انه للان عندنا نقص شديد ف مين بيخرج لنا اطباء اذا ماتركنا الاجانب يساعدوننا؟ هم ياخذون حقهم المجزي ماديًا وحنا ناخذ مصلحتنا من سير العملية التعليمية ونخرج اطباء بمختلف المناطق

اش دخل الجواب ف السؤال! ليش الهجوم ( السبب أنت 🙂).. هذي العقليات ما تنفع قائدة لانها ترجع المؤسسه كامله لوراء بأسلوب الرد الغلط ..كان يقدر يحفزه ويقول ننتظركم تتخرجو بمعدلات عاليه وتكونو قائدين للتعليم بمنطقتنا.. بس فعلا ناس ما ادري كيف مسكت مناصب وهي بهالاسلوب .

رده مستفز للغاية !! هذا الشخص ينطبق عليه مقولة الأمير محمد بن سلمان (٨٠٪ من الوزراء في عام ٢٠١٥ غير اكفّاء ولا أعينهم حتى في أصغر شركة بصندوق الاستثمارات) فما بالك رئيس جامعة وهذا فكره ضد الرؤية وتمكين السعوديين المبدعين، اتمنى اذا له اي منصب حالي يُعفى ويستريح في بيته ابرك له 🌹

رده جميل جداً ومنطقيّ للغاية، في التعليم لا ينجح إلا من تواضع للعلم وابتعد عن تفاهات الجهل، هذا الفيديو قديم، واتمنى أن هذا الطالب اليوم قد نجح في حياته وأصبح ذا كفاءة إنه يكون بديل للأخوة الأكاديميين المقيمين في السعودية.

هذي جامعتي، وفي سنة من السنوات، مسكوا "دكاترة" مصريين بشهادات مزوّرة، يشهد الله على كلامي، وأنا أحد الضحايا، "الدكتور" المزور خسف بدرجاتي لاني ما عطيته رشوة، وعطى درجات للطلبة اللي يقدمون له هدايا ورشاوي 😅💔، أنا خصيمهم يوم الحساب والله لا يسامحهم لا دنيا ولا آخرة.

كلامه غلط بنسبه 80% اللي ماعلط فيه هو انه فعلا الاجيال السابقه كانو راقدين ومايسون شي ولا حققو اي شي يذكر وينفعون فيه الاجيال اللي بعدهم اقصد المواطنين مو الحكومه الحكومه هي الوحيد اللي كان شغال وتعبان

تقول الاجانب ماسكين عليه شيء !! يدافع عنهم اكثر مما يدافع عنا 😂