طالب متدرب عبقري جاني بحل عظيم جداً

هذا اذا كان مديرك سعودي وكفو مثلك الواحد يبادر له

كفوك الطيب وماعليكم زود

بعض المدراء يحارب النوعية هذي، لانه يعتبرها تهديد وجودي له!! ولا يكافئ الموظف ولا يوصل الحل لمستوى اعلى منه، ويغطي على الانجاز لكي يبدو انه بسبب ادارته (العبقرية)!

عبقري جاء لعبقري

ماعليك زود الله يحفظك

بعطيكم مثال للمبادرة حتى لو كان بسيطة أنا جاني فكرة في عملي كنت أشوفها بسيطة لكن مع مرور الوقت شفت الفكرة ذي ممتازة وراح تحل مشاكل كبيرة كنت متردد اني اعرضها لكن في زميل لي خاص عرضت الفكرة علية وأصر اصرار كبير جدا اني أرسلها للمدراء وارسلت ع استحياء وخايف من ردت الفعل تفاجأت ان الكل أثناء أثناء كبير جدا جدا ع الفكرة وعمموها على جميع المواقع وايضاً باذن الله راح اترقى قريب بسببها إذا فعلا حتى لو كانت الفكرة بسيطة وخايف تعرضها بمجرد تبادر راح الكل ينبسط منك لأنك فكرت وغيرك ما فكر شكرا لك على التغريدة أستاذ بدر حبيت أشارك باللي صار معي

جميل استاذ بدر انك سمعته بكل روح وثقة فيه بدون ما تحسسته انه متدرب وأنت مديره وهنا يأتي التمكين والاستمرار في العمل متى ما كان القائد واثق وداعم لفريق عمله راح نشوف نجاحات عظيمة وقفزات نوعية في جميع المجالات المنافسة الإيجابية مع فريق العمل شيء جميل لان الكل يعمل للقمة وليس للفردية

مدام عجبك الآدمي اعرض عليه يتوظف عندكم. حوّله من متدرب إلى موظف

حسب تجربتي وخصوصا لي تجربه طويلة بشركات القطاع الخاص ليش تنتظر مبادرة الاشخاص ليش انت ما تبادر بنفسك تدري في عمال موظفين عاديين ليسو اداريين- الادارة لا تهتم لهم مع انهم ركيزة اساسية لنجاح الشركة لو مسؤول كلف نفسه كل شهرين ثلاثة يتحدث معهم ويطلب منهم طرح افكارهم وحتى مشاكلهم

ورب القران رحت لشخص مسؤول في الشركة وقلتله فيه ثغره في السستم لديكم الثغره هذي تمكنني من اخذ اموالكم بدون ماتعرفو ولا تمسكو اي شي ولا تثبتو وحلها كذا وكذا وللاسف رد وقالي كل عيش 😒 في اليوم الثاني قدمت استقالتي وان شاء الله الاقي افضل .

يعوضك الله خير اخوي عمار

اللهم امين يارب وباذن الله الفرج قريب وحصير انافسك في بطولة الافلام 😉 بس سلفني جدتك القادحه 🤣

تحسب كل المشرفين و المسؤولين زيك ؟ صدرهم وسيع و يتقبلون الاقتراح و يسمعون ويحفزون ؟ بناء على تجاربي ؟ اغلبهم معاه جنون البقر لو تقترح عليه يعيّب او يقلل ما يحفز او يدعم و الجزء الثاني ؟ جبان مهزوز لو كل شي سيء؟ مايبغى حتى يفكر يغير من شدة الجبن كل شي يبغاه يبقى للابد نفس ماهو

تستاهل مثل هالمتدربين يابو عبدالله

لأنك كفو يا اخي الكريم كمدير .. لكن للأسف قلة من هم مثلك هناك من يخافون منه اذا ذهب لحل او تدخل او تقديم جديد وبالعربي "يزحلقونه" من العمل حتى يخلو لهم الوضع!

سؤال اخوي بدر آل زيدان الحين اذا انا قدمت حل لمشكلة ما تجعل المسؤول يعتمد عليه بصوره مفرطه مما يجعل الواحد يبطل يحصل حل لماذا لا تكون هناك مبادرة تجعل المبدع يبدع أكثر وكلما قدم كلما حصل على راحه أكثر هل تتفق معي؟

كلامك يستحق التأمل صراحة

هذه حقيقة وليس تأمل تقدم مقترح يرجع على ظهرك ثم يكدك ويكرهك العافية لكن ليش ماتعطيه راحه وشوف كيف تفتح أبواب مو باب.

الله يجزاك خير، انت عطيته ثقة ليصبح ان شاء الله انسان عظيم في المستقبل

طيب هو وش استفاد لمن حل المشكلة ؟ اتكلم من ناحية عملية لا هو اللي بينمو ولا هو المستفيد دام المهام الاضافية ما تعطيك فوائد ليه تسويها

هو جاي يتدرب ويتعلم ويتطور واخذ ارشاد وتوجيه وتشجيع كيف وش استفاد بالله عليك

كلام جميل ما شاء الله عليه بس نصيحة من مجرب انتبه عليه و على الموظفين الي مثله من مدرائهم المباشرين لان كثير منهم يزعل لما يشوف الموظف الي تحته تواصل مع المسؤول الي اعلى مباشرة و بيحقدوا عليه (على حسبة انهم بيسروقوا الاضواء)

معروف الي يجيب لك المشكله وهذا حلها هذا راح يكون مستشار بالمستقبل

الله يوفقك يا بدر، واضح شركتكم راح تخرج أجيال وقيادات، وهذا بسبب قيادكم. ارفع لك العقال. 🤚

يارجال في واحد اسمه طلال العنزي مقطعه جاب ملاين. راح يطرح فكره للإدارة و الاداره أجنبيه في السعوديه حسو انه ذكي ومتمكن كرهوه عيشته لين استقال مو كل الإدارات نفسك استاذ بدر

👍👍

مهارة حل المشكلات من أهم المهارات التي لا تُقاس بالشهادات الاكاديمية، ولا بالشهادات الاحترافية اللي في رأيي مالها قيم .. ولكن استاذ بدر، من السطحي أن نقول إنه استخدم #الذكاء_الاصطناعي لحل المشكلة!! ولكن نقول استخدم أدوات الذكاء الاصطناعي لمساعدته في صياغة وعرض الحل.

اتفق معك بس بعض المدراء يحسبها استحقار له

ما شاء الله عليه غنيمة يابو عبدالله هنا يجي دوركم كفريق تحافظون عليه بعد انتهاء التدريب ..

فعلاا مررره فادنا شات جيبيتي خاصه الناس اللي مايعرفون يعبّرون عن افكارهم وما يرتبون كلامهم وما يحفظون الكلمات والمصطلحات وكفو عليه انه تجاوز اللي قبلك ووصل لك لأنه واثق انك بتستفيد وبتهتم المشرف المباشر يستحقر الموظف اللي تحته خاصه اذا يتابعه يومياً ويحكم عليه من شكله يشخصن معه!

قمت بهذه الخطوة قبل ١٢ سنة في الشركة اللي كنت أعمل فيها وش تتوقع لقيت ردة الفعل الرد " لو سمحت إلتزم بـ تعليمات وتوجيهات الإدارة " وتقفلت في وجهي وكرهت نفسي من يومها إلى أن طلعت من الشركة والمفاجئة هي لقيتهم مطبقين فكرتي. وهذي الشركة شركة سعودي 100% مختصة بالخدمات الغذائية .

يالشيخ بعض الشركات الموظف لو رفع لهم هاجموه يعني مين انت حتى تعلمنا شغلنا وممكن توصل انهم يطلعونه وللاسف بعدين يطبقون الافكار اللي طرحها

بلا كلام كثير هل أصبح موظف ذو راتب يستحق ما فعل أم سرقت جهوده ومازلت تعامله كطالب متدرب عبقري 🙄

@nourah_moha لانك امين وصادق وتحب الخير وعندك ثقة بنفسك لكن مانعمم البعض يحفظ المعلومة وينسبها لنفسه ثم يحاول جاهدآ ان يخفي هذا الشخص نقول قليل بس لأسف موجودين والله بكثر من امثالك ويبارك بعمرك وعلمك وينفع بك الاسلام والمسلمين

ربي يكثر من أمثالك ويزيدك من سعة الصدر والحكمه وحب الخير وصنع التغيير للأفضل يارب العالمين..انا شخصيا أصبح الذكاء الاصطناعي صديقي الصدوق وساعدني فوق ما انا اتخيل

إنزال الناس منازلها و الإعتراف بـ مجهود الأشخاص بـ تجرّد تامّ من أيّ اعتبارات شيّ ما يُوفّق له الكثير .. و هذا راجع لـ التربية السويّة و حسن الخلق إلى جانب الحنكة .. الله يوفق أمثال هاالمدراء و الشخصيات و يكثّر من أمثالهم ..

إن شاء الله تقدم له عرض النوعية هذي نادرة والاستثمار فيها مكسب كبير وطاقة عالية ماشاءالله وظفه لا يروح لناس يحاربونه اذا بادر ويخافون منه بكره يفكرون يمسك مكانهم ويحاربونه لين يكرهونه بالعمل.

ماشاء الله، تصرفه بانه اكتشف مشكله وحلها وجا عشان يطرحها عليك بدون ماحد يطلب منه هذا من الأمانة في العمل ربي يحفظه ويسعدك لموقفك