طريقة الإستئذان لموعد مستشفى في تطبيق #حضوري

اداوم ليه و انا عندي موعد ، غيب و ارفع اجازتك كـ مراجعة او تقرير في فارس و ريحوا انفسكم و الله يالوزارة ما فكروا فيكم اذا لكم اي فرصة او استحقاق خذوه كامل

ماذا تتوقع من وزارة لاتثق بمنسوبيها ! نتحدث عن كمية الاوراق المطلوبة من المعلم بشكل يومي أو أسبوعي شيء كقرار انجاز ووورق عمل الاستراتيجيات وتوثيق ذلك من شواهد في فصل عدده يفوق ٤٦ طالب ! أفقدنا متعة التدريس والتعليم ونشغلنا عنه بالواقع كرما اعيدوا المعلم لمهمته الاساسية 😪

اشغلوا المعلم عن عمله الاساسي اصبح المعلم موظف وليس معلماً المفروض المرونه في الانصراف بالذات لكن للاسف هذه الاستجابة لضعوف السوشال ميديا من الحاقدين والحاسدين نسأل الله السلامه

اللي عنده موعد مستشفى لاااااا يداااااوم يغيب ويجيب مشهد مراجعة اذا كان الموعد له واذا كان لامه او ابوه او زوجته او اولاده يجيب مشهد مرافقة ويرفعه في فارس حسب نوع الاجازة ولا يلحقك شيء بلا استئذان بلا هم

كلهم مجتهدين والوزارة تاركه عملية الشرح لناس ماهي مسئولة برنامج مهما حاولوا لا يمكن تطبيقة على ارض الواقع إلا ( تعسفا ) وسلامتكم

لو الله يفكنا من الي يتفلسفون أمورنا بخير

واللي المستشفى يبعد عنه 100 كلم ؟؟ ووين المستشفى اللي تجيه وتدخل موعدك مباشرة ؟؟ كل يومنا يروح انتظار

تطبيق حضوري لايتناسب مع دوام المدراس نهائياً ايام الاختبارات وأيام رمضان ملزم الموظف يهدر وقته المعلم حضوره مرتبط بالطالب اهدار للطاقات البشرية والموارد من كهرباء وغيره ياليت اللي ينظرون ينزلون لأرض الواقع قبل لايبلشون العالم بقرارات فاشلة

والله هالكلام كله بحث عن المثالية فقط .... تقدر تروح وترجع بدون ما تسوي استئذان مادام انك بتسوي انصراف ، اما اذا انت ماانت راجع للدوام حط استئذان الى نهاية الدوام

في خطأ في الشرح وهو بعد تسجيل الاستئذان يعمل انصراف و بعد رجعته من الموعد يعمل حضور ووقت انتهاء الدوام يعمل انصراف

وليه اداوم وانا عندي موعد الصباح؟ بيعطوني تقرير وارفعه في فارس وانتهت السالفه اداوم واستأذن واترجى خلق الله ليه

وش هالجنون هذا طلعت عشر ووصلت لبيتي مثلا 11 الساعه او مستشفى ساعه ونصف ارجع للمدرسة في ظل هالزحمات والحوادث ساعتين اوصلها > وسوي انصراف > وش ذا بنسكن في الشارع حنا بنسكن في السيارات شاربين شي 😂 عزالله الي حاط هالحضوري والله مهوب عايش في واقعنا ابدا > والجوالات وتعليقها وهالخرابيط حطو الجهاز الحضوري في المدرسه وريحو العالم من هالخرابيط

اللي يسمع كلامه ...يستوعب إن عند المعلم طيارة واقفه عند باب المدرسة ...تأخذه وتنزله للمستشفى وترجعه للدوام مره ثانيه ... و لم تحسب زحمة الطريق وبعد المستشفى ...و الانتظار ... هل سوف يراعي تطبيق حضوري هذا الأمر .

بالله أنتم عايشين في أي كوكب؟ هل موعد المستشفى من ذهابك إلى رجوعك يستغرق ساعة أو ساعتين؟ أنا أروح موعد مع بنتي للموعد في المستشفى يستغرق أكثر من مدة الدوام في المدرسة نفرض وضعت ساعة ولم انتهي ماذا أصنع مع انتهاء مدة الاستئذان؟ اللهم من ولي أمر من أمور أمتي فشق عليهم فاشقق عليه

طيب بما ان الحضور ٦ وربع انا احضر الساعة ٥ وابصم ثم ارجع البيت عشان اطفالي واذهب للمدرسة الساعة ٧ الا ربع كذا وضعي عادي؟

مراجعة المستشفى والانتظار ما تكفيها ساعات الدوام السبع ...

مجرد حضورك عند الدكتور يعتبر إجازة اليوم مشهد مراجعه او سكليف

وليه التعب كله هذا مشهد مراجعه يختصر لك الطريق

واذا دوامي يبعد ٢٠٠ كم اروح للمدرسه اسجل حضور وبعده استئذن واروح ٢٠٠ كم للموعد وبعده ارجع ٢٠٠ كم للمدرسه علشان اسجل انصراف وبعده ارجع لبيتي ٢٠٠ كم !!!! الحمدلله والشكر حدثونا بالعقل

طيب واذا عندي موعد مستشفى وانا في منطقه نائية تبعد ٥٠٠ كيلو عن المستشفى كيف اسوي مسافة الخط ٥ ساعات ذهاب لين اوصل و٥ ساعات عوده

ماراح اتعب نفسي بالاستئذان اغيب واروح للموعد وارفع تقرير بصحتي مراجعه او مرافقه وصلى الله وبارك اول كنا نخلص شغلنا ونطلع مواعيدنا الحين خلاص حدونا عالغياب كذا كذا بعذري وبيطلع لي بصحتي تقرير

هذا اللي يقوله ابدًا مايتماشى مع مستشفيات الحكومي وحتى الاعلي اذا كان موعدي الساعه 10 عند الدكتور فالمفروض قبلها بنص ساعه اخرج لاوصل 10 ونفسها عند الخروج لا اعلم متى اخرج من عند الدكتور المفروض ما اكتب عدد الساعات وانا ما اعرف . المهم خذوها اجازه مرضيه او مشهد مراجعه افضل انتهى

كلام فاضي غبت عادي بدون استئذان وخرابيط ورفعت الغياب ف فارس أستأذن وأرجع ع أي أساس؟ ع أساس المستشفى قدام المدرسة ولا ع أساس م أرجع متأخر من الزحمة ولا ع أساس السواق فاضي لي لوحدي يوصلني للمدرسة بعدين المستشفى ويرجعني للمدرسة تجيبون أفكار خنفشارية للوزارة وغيركم ساكت تعلموا منهم

اعجبتني كم يكفيني وقت على اي اساس اعتمد ان ساعه تكفي اذا المدرسه جنوب الرياض والموعد شمال الرياض اجل ساعه ليش بحضر طيران للعياده والله اني استغرب من لطيفه كيف منزله منشور زي ذا يعني هي شايفه انو المقطع نموذجي يابو ساعه موعد 😂😂😂😂😂

أستاذه لطيفه أنا عندي موعد علاج طبيعي وياخذ مني احيانا ثلاث ساعات إيش اكتب في الاستئذان الوقت للعلم آخذ وقت للوصول ووقت في عياده ووقت داخل عيادة وبعدها اتعب من علاج واحنا عقود إجازاتي خلصت بسبب عملية

وش ذالموعد اللي بس ساعة ! الله يقلع هالنوعيات المثالية

أنا عندي رائدة النشاط غير مفرغه. هل تمسك مناوبه؟؟؟

حدث العاقل بما يعقل ؛ معقول ساعة تكفي موعد في المستشفى !! أصلا اللي عنده موعد يقدر يأخذ إجازة نفس اليوم

يا ورع تحسب المستشفى عند باب المدرسه بعضهم يحتاج ٣٠٠ كيلو مناطق نائيه وانتظار واحتمال الدكتور يمدد في وقت العلاج وانت حاط موعد اسنان ابو ساعه. البعض يحتاج غسيل كلى كل يوم او يومين ولا بعد تقول ورقة موعد يعني انتم تقولون زمان الورق هذا قديم ودليل عدم تطور وانت جايبها

لو سمحتي استاذه لطيفه مواعيد المستشفيات الحكوميه .. قبلها بساعه وبعدها بساعه يعني يومي كله يروح في المستشفى .. يعني موعدي ٩ لازم اقل شي ٨ ونص اكون موجوده المستشفى يبعد عن عملي ٤٥ دقيقه إذا مافيه زحمه … واذا أعطاني المستشفى اجازه لذالك اليوم ؟؟ وش وضعها الله يسعدك فيدينا

اذا صدرت من منصة صحة تقبل

أستاذة لطيفة : الموعد والمراجعة للمستشفى سواءً كانت للمعلم شخصياً أو كمرافق لمريض الآن أصبحت إجازة رسمية ولا يتطلب حضوره للمدرسة والاستئذان.

مارضى يسجلني يقول غير معرف بالنظام

اسلم حل .. غياب وارفع الاجازة عن طريق فارس دام في عذر .. اما اداوم واطلب استئذان واروح الموعد .. ثم ارجع للمدرسة عشان اسجل انصراف !!! 😅