طلع الصامولي سهل .. إذا ما عندك مرتن سنعة .. لا تشاهد الفيديو ..😊

بعد تبغى تشغلنا بالصامولي !!!؟ بريال تجيك ٦-٨ صاموليات وخف الله فيهن ترى المطبخ كله عليهن ماتدخل تسوي كوب شاي لك إلا بنداء يسمعونه آهل المشرق والمغرب! الله يدخلهن الجنة لو بنية الإطعام عشرين مرة باليوم

حتى لو كان الطحين جودة عاليه فهي خربته وصار دمار ومرض للبطن بسبب اضافه الخميرة الصناعيه والبيكنج باودر المخبوزات الصحية تكون بتخمير طبيعي ياخذ وقته مثل الاولين ولا ريح بطنك واحفظ صحتك ولا تاكل مخبوزات نهائي

والله أذن من طين وأذن من عجين الصامولي بريال ليش أكرف نفسي عليه ؟

ورونا شطارتكم طيب واخبزوه انتم ترا الطبخ موب حكر علينا يالحريم ومن تالي صايرين تحبون الطبخ انتم ..

اذا ماعندك مرتن سنعه طبق الطريقه بنفسك ولاتتنظر احد يسوي لك عشان ماتكون عاله

لااا ياخوي وش ذا الرفلة عندنا أسنع من هالبربسة تقدر تنظف طاولتها وتلبس كفوف تغطي أكمام لبسها غمسته بالعجين وآخرتها خبز بالسوبر ماركت ست حبات بريال الله يديم علينا نعمته خذ لك لفه على شغل بناتنا تبارك الرحمن عالمي ونظيف وصحي رأي شخصي 🤔

الأكمام ليش طويله ولاصقه بالأكل .. مستفزه

سهل ويسعدك وصحي لك وعائلتك خله فعاليه لك مع أطفالك شي بسيط مقارنة بقدراتك اخبزه انت بدل ما تشتري كيس الخبز ليه تتنظر شخص آخر يرتب حياتك

يالله دخلت التعليقات ولقيت كلها رد عليك وفي الواقع فيها جانب كبير من الصحه لأن الصامولي والخبز بالذات مايستاهل الجهد والوقت وهو متوفر الحمدلله في المخابز بريال وريالين قلت ليتك مسحت تغريدتك وسلمت من ردود الناس ونقدهم عليك لازم قبل تنتقد تفكر بالعقل

كنت احسبه صحي بمدحها بس تعبت نفسها الله يعطيها العافية موجود نفسه بالمخابز ، سوي شيء صحي ونمدحك

حلو دامه سهل قوم سوه انت

تكفيك التعليقات مابي أزيد كفوا ووفوا النشميات 🤣🤣

هذا شغل الرفلات عندنا 😂

خميرة وسكر واظافر وعجن الله يكرم النعمة وش مقصر فيه خبز المخابز

أنا جبتلي فلبينية سنعة هي اللي تطبخ لي على كيفي،، كل ماشفت طبخة حلوة أعطيها المقطع والمكونات وتسويه الله بسم الله عليها الله يحفظها من كل عين😂،، المدام ماتعرف بأمور المنزل والطبخ

طيب نفسك فيه ضبطه انت سهل مو لازم زوجة سنعة 🤗

يبغون بعد نخبز صامولي😕الله لايولينا والي مسسرف بس

من السنع كمها يعجن معاها !!

تراه بريال الله يقلع هالبخل عاد

يقولون الرجل العجاز الارفل يبي زوجه سنعه

كنت بعلق على كلامك لكن سبقني السنعات وكفن ووفن جعل ربي. يدخلكن الجنه

انت خلك السنع واخبز صامولي

اجمل مايقدم للأسرة من غذاء صحي هو من يد ربات البيوت بلا شك لكن اذا ابعد الكسل منهن واخذت الشغل ك نوع من عملها الروتيني لأفراد اسرتها وابعدتهم عن المطاعم والبوفيهات إلا ماندر ولعل الكثير يستشهد بجائحة كورونا عندما هجرت المطاعم وغيرها من الوجبات السريعة وانعكس هذا صحيا ع افراد العائلة فمن لديه اليوم زوجة محابه وشقرديه فل يحب ع رأسها وتستحق التشريه لغذاء صحي لا يقدر بثمن

في مثل يقولك أعطي الخباز خبزه لو أكل نصفه ، أنا و اعرف اطبخ اشتري الصامولي من المخبز، ليش مصاريف زيادة و جهد الدنيا سعه 😌

والله حنا حقين مصالي ياخوي😂😂😂😂

جبت العيد يا بو بسام في صامولي 😁

الله يرزقنا سوريه ولا فلسطينيه بعض الزوجات نوم وجوال وكفي الا مارحم ربي

اذا عندك رجلن بخيل… شاهد الفيديو …

اذكر زمان آواخر الثمانينات في كل بيت كبير عندهم فرن في المطبخ،وكانو أمهاتنا يخبزون من الفجر،وعلى شقه النور نفطر نواشف جميع، والحلا والكيك نسويه في البيت، حتى البقره كانت موجوده في البيت الحين تغير الوضع، وعندك 17 ألف مخبز و40 ألف مطعم. بالنسبة للي ودها تطبخ في بيتها بكيفها 😂

طيب سويه بنفسك دامه طلع سهل وخلك سنع

الفيديو مخصص للسنعات 😍 السلافع ممنوع المشاهدة 😝

سويته مره لان مشتهيه صامولي وكنا في الحجر كورونا ماتو عليه اهلي وانا خلصته ورحت انام سالفته طويله