طلق زوجة اخوه والطلاق تم ! ما رأيكم ؟!

شرعا لا يجب لأخو الزوج يكون متواجد في بيت اخوه في غياب اخوه حتى وان كان ساكن لحاله هذا أولا ثانيا إذا كانوا الضيوف جوا فجأة فللضيف حق اكرامه ولكن إذا هو جابهم معه في غياب اخوه ويقول لها تقوم تطبخ فلنفترض الحرمه مريضه ماله حق يأمرها من باب الأدب يستاذن اخوه قبل لايجيب الضيوف معه

الزوج هطف وناكر معروف هو وأخوه زوجه متحمله اخو زوجها وعايش عندهم وتطبخ له وتفخ ويجي كل يوم بكل بجاحه يأمرها تسوي الغدا ولما رفضت مره طلقها ولا بالثلاث بعد! لا هو فعلا معتبرها شغاله ولا لو هو رجال كفو وقدر زوجة اخوه وانها قايمه فيه والتمس لها عذر ولو هو رجال مايامر زوجة اخوه أصلا

الأخ وزوجها كلهم للأسف لا عقل ولا حكمة ولا اسلوب راقي بالتعامل أولاً كان من الأفضل ان يقوم الأخ بالتنسيق مع اخوه وليس مع ابن اخيه وزوجته وأن يستأذن اذا ماكانت بامكانها ان تقوم بالمهمة ام لا لأنها قد يكون لديها سبب معتبر او مريضة وغيره والثاني وهو ضعف شخصية الزوج واستقلاليته.

والله من الردى فيه وفي اخوه

هو و أخوه مشتركين في زوجة واحدة. واحد يتزوج و واحد يطلق. الحمد لله الذي أخرجها من ذلك المستنقع.

أخو الزوج كان سبب في تشتيت أسرة و فيها ولد و ربما أكثر، هي ليست مجبرة تخدمه وتخدم ضيوفه، لو عملت هذا من طيب خاطرها لا بأس لكن توصل لهذا الحد، أكيد يكون ندمان على ال سواه.

إلا هي غلطانه ليش ماجملت الرجال قدام ضيوفه واحترمته

اعوان ابليس مبروك تربعتو على العرش

والله ما اطقع من الاخو الا اخوه اول انت حماها بالدين مالك حق على المره و ممنوع تجيها و اخوك موب بالبيت ثانيا جعلك ما شبعت هدمت بيت و عيله عشان عشا و ثلاثا اخوك الي يهد بيته عشان سبب تافه انه رخمة

غلط وفعلا من باب العدل المراه مسؤلة عن زوجها وابنائها فقط وش دخلها تطبخ لاصدقاء خوه هي متزوجه الرجال ماهي متزوجه خوه حدثوا العاقل بما يعقل

اذا القصة صحيحة فالحق مع البنت هي ما امرت بطاعة اخو زوجها و من حقها ترفض اخو زوجها يعتبر غريب عنها و اذا كان الزوج واجب عليه يستأذن من زوجته قبل يعزم احد لأنها هي اللي بتطبخ فأكيد اخو الزوج اولى انه يستأذن من اخوه و زوجته لأن البيت بيتها و اذا سوت قهوة و شاي تكون ما قصرت.

مالت عليه وعلى اخوه ليه ما اخذ ضيوفه للمطعم وينطم هو وضيوفه او يتزوج ويصير رجال وكيف يطلق زوجة اخوه والزوج ماهو رجال اصلا بلا عادات بلا تقاليد لو كلم زوجها كان زوجها أمرها وسوت الواجب اما اخوه الزوج ياكل تراب

راعي المقطع مضيع والزوج مضيع واخو الزوج مضيع مداه يرتب مع اخوه ويبلغه انه جاي البيت ومعه ضيوفه سالفة يوصيها ويطلقها ذي مهي على كيفه وسالفة اخوه يطيعه غباء ماله حكم ولا أمر على حرمة اخوه

شدخلها شدخلها يجي بيتها يقعد فيه بعد يأمرها شنو جايفين زوجه خدامه عند اهل زوج ده إلى ناقص شدخلها يقوم هو يسوي ماخدين بيت أهلها عشان تصير خدامه عند أهله؟؟

بعض القصص تسود الوجه ماهي بعلوم اودم عاقلين

الحرمة متحملته و تطبخ و ساكن معاهم و يجيب لها ضيوف كان وداهم المطعم او يوظف خدامة أنا امي تروح عند أخوي زيارة ساعة و أخوي و زوجته قاعدين في بيتي زوجته تقوله قوم قلها ليش جات و 11 و هي قاعدة في بيتي و جايبة خراتها قاغدين معاها و أخوي يشتغل عليهم و سكتت 11 سنة و طلعتهم

الكرم من طيب الاصل والرد من طيب التربيه والاحترام مطلوب بين الزوجين والاخلاق يــتوج بالادب والاجتهاد يقابل بالشكر واخو زوجي سمعته من سمعت زوجي قدام الضيوف لانه ببيت اخوه --------- المفروض ان بغت تطبخ لها الاحترام والتقدير والشكر من اخو زوجها قبل زوجها ، ولاهلها الشكر عقبهم لتربيتهم لها .. ان مابغت لها حق يمكن مريضه ولها اسبابها ، ...... لكـــــن ........ بادب ترد واحترام حشمه لنفسها ولغياب زوجها واحترام عيالها لانه عم عيالها طالبها ،، ماترفع صوتها ولا تتطاول عليه ، ولاتظلم اخو زوجها لانه حرام عليها تفرق بين الاخوان ، الله مايرضا ، تحتسب الاجر .... افضل لها ... تكسب في الدنيا والاخره ...

هذه قلة ادب جدا منها ولا خير في نساء لا تحترم العيش والملح اليوم اصبحت النساء تفتح المطاعم والكافيهات ويخدمن ابناء الشارع ببعض الريالات. ويطأطئن رؤسهن في الوظائف امام الغرباء والمدراء والزملاء. ولكن امام الاخوة التي دماؤهم واحدة ومن صلب وبطن واحدة فلا يحق للاخ ان يطلب منها معروف

الأخوان كلهم مطافيق ومهبل الزوج خرب بيته والزوجة ماهي مجبوره بخدمة اخو زوجها إلا طيب منها لكنها ماهي ملزومة لاشرعا ولا عرفاً

وش هالقصه شكلهم كانوا قاطين فيها يوم تزوجوها 🤣🤣 بس الصغير شارط على الكبير ان العيال ينكتبون باسمه عشان الضمان وحساب المواطن😆🤣🤣🤣🤣🤣 استغفر الله بس تخيل اخوك يدخل عند زوجتك في غيابك يتهاوش معاها ثم يطلقها !! 😆🤣 ذي لو وراها أهل يقتلونهم بالشباشب على روسهم والله وبالبطيء😆

يا اخوان لاتألفون او تنشرون مثل هالقصص اللي مالها داعي. قصصكم عباره عن بذرة ممكن تنبت في اي شخص وتكون عقباها غير صحيحه . الناس تراها تتاثر بالمحيط والقصص . هالقصه سواء كانت تأليف او حقيقه ممكن يكون لها تأثير سلبي على عائله وتسبب في تفككهم

بس مافيها شئ والله لو انا في مكانها ما ارد اخو زوجي مثل اخويه واكرم الضيف واجب الكلمه الطيبه صدقه ما لجا له امكن مافي احد في البيت غيرها هي تصرفها غلط عيب في حق زوجها واخوها بنت الاجواد بس الحق ما توصل لطلاق ممكن زعل وهجرها حتى تعرف تتعامل صح لو كان هذا اخوها هي بترده

المضحك في الموضوع ان نظرة الزوجة واللي في التعليقات نظرتهم لطلب الأخ انها تخدمه او خدامه والنظرة هاذي هي أساس المشكلة ، جيل لازم ينتهي بسرعة

يا كثر المطاعم وياكثر اللي بالاستراحات عندكم !! يخرب بيت عشان ما طبخت لهم ! أصلا حرام هذا باب شر

ماهي مجبوره تصلح شئ عسى الناس يقومون باللزم

ايه من حقها ماتخدمه وش دخلها به

الحمد الله والشكر على نعمه العقل. ان شاء الله تأخذ واحد احسن منك وأعقل منك

قالها صل الله عليه وسلم - الحمو الموت صعبه تبات وتتآمر على زوجة اخوك او حتى تخاطبها حرام مب حلالك.

وين راحت ( الحمو الموت ) ؟؟؟؟؟؟؟؟؟؟؟؟؟؟ ايش الكلام الفاضي هادا

اعتقد مثل هذا ماله حق يفرض على زوجة اخوه انها تسوي له ولظيوفه غداء وشاهي ، ولو زوجها فيه خير ما وصلت الامور لهذي المواصيل

من وجهة نظري كلهم غلطانين اخو الزوج وزوجة الأخ اولا اخو الزوج ماله حكم عليها والمفروض خذا لحمته ودها اقرب مندي اومطعم في خلال ساعتين وهي جاهزة والقهوة يأخذ قهوجي بخمسين ريال ثانيا زوجة الأخ المفروض قامت بالواجب وخذت الجميل والناموس والعلم الغانم واحترام لزوجها تقدير له وتجنب المشاكل التي حدثت يعني بختصار كلهم غلطانين اخو الزوج وزوجة الأخ تحياتي للجميع

لايحق لاحد ان يطلق زوجه من زوجها الا بوكاله من الزوج لان العصمه في يد زوجها

بيض الله وجه لو فيها خير كان لعنه ابليس وقامت

يبدو ان الاخ الكبير بمنزلة الاب لاخوه وكان كلامه سيف القاطع على رقبته وهذا من اعلى درجات الاخوة بالنسبة للزوجة فالزوجة التي لا تحترم الاخ الذي تعرف ان زوجها يحبه ويحترمه بهذا الشكل وهي جنت على نفسها بسوء تقديرها لحجم الثقة والاحترام بينهما ويحدث هذا بدافع الغيرة من قوة محبتهما.