عايش بالنفود، ينام الساعة ٩ بالليل ويقوم الفجر يتقهوى مع والده، وبعدها يسرح مع الغنم مايعرف شي اسمه سناب ولا يدري أن فيه برنامج اسمه تيك توك بالرغم أنه بثاني ثانوي عزالله أنك مريح راسك ياماجد

العالم يتقدم ونحن بالسعودية نسير وفق رؤية 2030 وملأنا العالم بجوائز أبناءنا الطلاب والطالبات في العلوم والرياضيات والذكاء الاصطناعي .. وننافس العالم على علوم الفضاء والتكنلوجيا وأنت بهذا الطرح تنادي إلى ترك كل ذلك وترجعنا 100 سنة للوراء !!!

عندك خبر أن الإهتمام بالتراث والموروث يعتبر جزء من رؤية المملكة عشرين ثلاثين، وكلامك هذا عليه علامة استفهام ويحتاج توضيح منك وش تقصدين بالضبط؟ ان شاء الله بكرة يصير عالم بتراث السعودية اللي نعتز فيه وتجين تتعلمين عنده سؤال اخير وش حققتي جوائز انتي؟

ليش حنا ب 1400 ؟ عشان يعيش هالعيشة ! البدو وهم بدو يروحون ويجون لبيوتهم ويعينون خير ويرفهون عن نفسهم الشي الي يسويه بيورثه الجهل والندامه على سنوات عمره يوم يكبر راح يكون منبوذ يطلع للمجتمع ينصدم مايعرف شي هذا جاهل ويبقى عمره كله جاهل كلشي بأعتدال وتوزان !

حياته ياريان ومستانس فيها ومبسوط ومرضي والديه ومصلي ومترزق الله ويدرس ويحب نفود وطنه ووطنه وين المشكلة؟

أهنيه على هالحياة الطيبه جامع بين التعليم والطبيعة وبر الوالدين والصلاة وراحة البال والصحة البدنية التطور لا يعني أنك تتابع مقاطع تطبيقات اللي يبي ينجز راح ينجز سواء سكن في خيمه أو برج في مانهاتن بيعرف وين يروح ووين يجهز أدواته واللي يبي يهايط اعرف إنه ماعنده إلا الضعوي

اشكرك

راح ينشأ على الأخلاق والرجولة والعادات الأصيلة يوم كثير من الشباب ميعهم التكتك والسناب والسوشل ميديا وشافوا فيها أقبح المناظر وأرذل الأخلاق واضح الهدوء النفسي والاتزان والرجولة في الولد

تعليق جميل

هذا مو طالب ثانوي، هذا متحف حي من الجيل القديم محاصر في جسم مراهق. الله يعطيه العافية، هالنوع صار نادر مثل الذهب. لو يجي يوم يعرف سناب، بيتصدم من الدنيا ويقول: "يا أخي، كل هالناس يصورون نفسهم ليه؟ الغنم أحسن وأصدق!"

بيجون مهبل السناب للي قريبين منه ويصورنه يومياً ويصير مثل ابو شرعان الله يرحمه ما خلوه في حاله ليه مات

الله يرحم ابو شرعان ويسكنه فسيح جناته عجبتني مهبل السناب😂

رجال بار ونعم اتعبتنا بهالفيديو بيض الله وجهك ورحم الله والديك ومن يقرا اعدت الفيديو كم مره اشوف ثقة هالابن وهو يرد على استفسارك الله اكبر كيف القناعة والكفاية كنز عظيم ومشرف في كلمات رد عليك ولكن طريقها جنات النعيم ابوه يشهد له هذي تاج على الراس

لافض فوك اخوي عبدالعزيز

اغلب ذنوب الناس من نظرة العين كلن شرى من حرً ماله دماره يصبح ويمسي وهو جليس المزايين حتى الكبير اللي مبين وقاره العمر يمضي والخطايا ملايين وهو ماحسب للي هدم في عماره وينقد على بعض المخاليق مقفين عن الردى وهويحسب انه شطاره لابدييتي يوم للفضح ويبين اللي كسب واللي حياته خساره

يا اخوي الله ساتر عليهم ومختار لهم الخيره وينامون بدري ويصحون بدري وفاكهم من الجولات والسنابات والإزعاجات وتجي انت تصورهم الحين وش يفكهم من مشاهير الفلس تلقاهم بكره محضرين عندهم ويصورونهم ويخلونهم محتوى لاحول ولاقوة إلا بالله

الله يوفقه ويسعده…. ما اجمل حياته ماشاء الله تبارك الله لاقوة الا بالله….. هذي والله الحياة الطيبة المريحة في رضاء الله سبحانه وتعالى واتباع سنة نبية صلى الله عليه وسلم

اللهم صلِ وسلم على نبينا محمد

كمية كذب ونفاق قاتلة! يضخمون شعور حياته الي شُكل رغمًا عنه بيد والده وكأن هذا هو اختياره! طبعًا جرب تفصل عن هذه العينة الانترنت إذا ما اشغل الاتصالات وازعجهم مانيب نادر! قال ايش حياة هادئة الكل يتمناها! وراك جالس هنا في تويتر تكتب لنا؟ قوم جرب الحياة الي عاجبتك!

ماشاء الله تبارك الله البرنامج هذا كنز لايقدر بثمن في ظل وسايل التواصل والملهيات في هذا الزمان

مفتك من التعفن الدماغي

ابد ماتوقع انه شي إيجابي في الوقت الحالي ، العالم في الوقت الحالي كله متجه للتكنولوجيا يعني مستقبلا كل إجراءتنا بتكون ع الجوالات ممكن حتى الدراسه والوظايف الي ماتحتاج حضور تصير عن بعد ١٠٠٪

كيف يدخل منصتي ومدرستي ويدرس عن بعد في الايام اللي فاتت، كيف تطبيق ابشر وبطاقة الاحوال والمواعيد ورسائل الارقام السرية 🤔 - اتفق انه بالنفوذ وطبيعتهم النوم بدري والحليب والغنم ووو، ولكن يدرس ثاني ثانوي يعني مختلط مع الناس بشكل يومي، لو انه في النفوذ ومادرس ولايختلط مع الناس ومايعرف يقرأ ويكتب كان صدقت ، ولكن لانه في النفوذ وينام بدري صار مايعرف شي كنها قوووية 🏃🏽

طيب روح عيش هناك وإترك التقنية "الكخة" اللي عندك، وإرعى غنم، وهش ذبان خيمتك، وإركب بعير، وعش بالحر والعجاج! أكثر فئة أكرهها اللي يوم عاشت الرفاهية طغت، وصارت تتظاهر بأن "الرفاهية" خربت حياتهم، وفي نفس الوقت مايبغون يتركونها!! جحود لأنعم الله، والله ماتستحقون تعيشون في رغد وسعة.

الرسول صلى الله عليه وسلم نهى عن التَعرب بعد الهجرة " من سكن البادية جفا " حديث صحيح يعني لا تهجر المدينة والحضارة و ترجع للبادية والصحراء بدون سبب شرعي لا تقول حُر ولا كلام فاضي

مستحيل أصحابه في المدرسة ما حكوه عن التطبيقات هذي أو ما وروه هي .. الشي الثاني مو حلو الواحد ينقطع عن العالم و يتخلف عنه كأنه رجل كهف في زمن غير زمنه

اتوقع في المرحله الجامعيه سوف يتعب كثيرا جدا لانه بعيد عن الواقع الذي يعيش فيه وما يحدث بالمجتمع خاصه في امور التقنيه والعلوم والتطور فلا بد من ان يكون اكثر ثقافه وعلم حتى لا يتاثر في الحياه ويكون اكثر مرونه وتعامل

يارجال اترك المثاليه واضح انه مغلوب على أمره ويعيش حياة قاسيه محروم من لذة الحياه بسبب قساوة بعض الأباء لا يرحم إبنه ولا يوفر له مايريد يعتبره عامل عنده يشتغل وبس وليس إبن. مثل مالوالد له حقوق إبنه له حقوق عليه من تعليم وتوفير سبل الحياه السعيده وغيره من الحقوق

الله يصلحه ويعينه على بر والديه الرزق والعلم يبي يحيه لو هو في بيت شعر اهم شي انه مرتاح 👍

فعلا

@EbnOwied مريح باله من دوخ الواتس والسناب والتيبك ماشفنا فيها غير الدوخ ومضيعة

يقول للعسكريه عكسريه مريح راسه فعلا الاختلاط بالناس ضروره

عن ابن عباس عن النبي ﷺ قال: (من سكن البادية جفا) أي: جهل. رواه الترمذي وقال ﷺ على المنبر اجتنبوا الكبائر السبع، ألا تسألوني عنهن؟ الشرك بالله وقتل النفس والفرار من الزحف وأكل مال اليتيم وأكل الربا وقذف المحصنة والتعرب بعد الهجرة. والتعرب بعد الهجرة: الرجوع للبداوة بعد التحضر

"للأسف، لا يزال الجهل والتخلف يطلان برأسيهما في عصر التطور؛ فبينما تضخ الدولة الملايين لتعليم الأبناء وتطوير الذات في علوم الرياضيات والفيزياء، وبرامج مكافحة السرطان، وحتى المجال النووي، نجد في المقابل حرماناً للطفل من أبسط حقوقه الرقمية (حتى السناب لا يعرفه).

ياماجد ابو ماجد انسان مكرم جداً وسخي الغنم يذبحه للضيوف ماشاء الله عليه

It's rare in this era. He's really blessed.

محظوظ جدا ماشاء الله

وين حماية الطفل عنه‼️هذا وقتها وشغلها جهه ترعى الحقوق والتعليم

اكثركم يقولون مريح راسه ومدري ايش واتحدى احد منكم يصمد لمدة يومين نفس حياته بالبر كله كلام فاصي ولكل زمان اسلوب حياة عازل نفسه وعياله بالخلا ومحرمهم ملذات الحياة

الحقيقة ي ماجد انها حياة هادئة وجميلة بلا شك لكن الزمن تغيّر زمان كانت البساطة كافية أما اليوم فالمعرفة صارت ضرورة وليست رفاهية المشكلة ليست في هدوء حياته بل في أن يظل بعيد عن أدوات تصنع وعيه وتوسع إدراكه وأفقه الراحة جميلة لكن بدون وعي قد تتحول لعزلة عن العالم

الله يبارك فيهم وفيك نموذج رائع

اغلب التعليقات ينتقدون عيشتهم والله وتالله وبالله لو يعيشون عيشتهم والله ان تنتهي همومهم وتفكيرهم السلبي والامهم الجسديه يعيشون بسلام

والله ياماجد مستعد اقدم اي شي مقابل اني اعيش حياة مثل حياته

زين الواحد يحافظ على عاداته وتقاليده لكن ليس ان ينفصل عن زمانه ويعيش زمان اخر

الله يثبته ويكفيه شر فتن الدنيا

هذا الشاب صدمة حياته لو ودوه الرياض الي مثله افضل يعيش باقي حياته في قرية والمحافظات يروح لها مره كل 6 اشهر حرام ينصدم حرام حرام