عبدالعزيز العقلا: مليونيرات القصيم، ما نفعوا القصيم سياحيا ولا بهالطول…

علم نفسك أول رايح للبوسنه وكل يومك تمدح فيها هل رحت للجنوب وتمشيت وشفت جمالها ومدحتها والله انه اجمل من البوسنه بمراحل جبال وخضار مد النظر امطار وضباب يجيب السعاده وديان وسدود وكل شي يسر الناظرين رحت لها اسبوع وعشقتها💞 أبها لحالها ما يكفيها مدح لمدة اسبوع فمابالك بباقي مدن الجنوب انت وش موقعك من سياحة القصيم هل لك بصمة بأمكانك فقط تذهب لعنيزه شهر ما يكفيك تتمشى باماكنها السياحه الجميله بس الشي الوحيد مدحت عنيزه وان هواها يشفي العليل وغيره ما شفنا شي يذكر ما أقول ألا الله يصلحلك خلك مع اختك وسواليفكم وبس✋🏻 ومعلومة أهل الخليج من سياح الجنوب وتغطياتهم ماشاء الله غطت على السعوديين يمكن أنا غطيت قد ما قدرت ولو جلست أكثر غطيت أكثر وبس✋🏻

شي غريب وعجيب تبيهم يدفعون مليارات ويخسرون عشان بس يصير لهم بصمة! المشكلة انك معترف انه راح يخسر المشروع لان محد بيدعمه ويشتري😂

الله لا يهينك بدل الفلسفة الفاضية شد حيلك وأستثمر أنت أقل شي تسويه لديرتك🦋

مالهم حق تجار القصيم يحرجونك مع الكم خليجي اللي زاروك

وشووولوه الخساير ..!؟ إذا جاك زوار ودهم للفلايح وتراهن ازين من كل مشروع واصبحن ندره وفيه مزارع تحولت إلى مطاعم وشاليهات واماكن ترفيهيه والمهرجانات بالقصيم ربحيه تمور ، كليجا ، فراوله ، رمان ، عنب ، خوخ ..الخ يعني يابخت من نفع واستنفع اشوف كلامه فيه تجني 😎💫

جد مرا شي يغث مع ان اغلب تجار العالم من القصيم والقصيم مابه شي يذكر صدق والله شي يقهر

رجل الاعمال يبحث عن المشروع لي يكسبه ويكون في منطقه عليها اقبال سياحي واذا كان في القصيم اقبال سياحي ستجد الناس تستثمر فيه لكن افتح فندق في مكان صفر سياحه يعني ارمي فلوسي في الشارع

من جد القصيم تحسها على وضعها من ١٠سنين

وش يبي بالقصيم يروح لديار لاعارف ولامعروف اول من يحسده وينظره أخوه وقريبه وجماعته . يارجل ابعد حتى ماتنكد. شي ماهو مضمون مكسبه.ليه أبتلش فيه أهل القصيم أهل كشتات للبر وسفرات واستراحات ومزارع. أما فنادق للزوار يوجد فيها أكثر من عشر فنادق غير الشقق المفروشة.

هو صادق بريده مطلات نفود وخبوب جميله تقدر تضع فيه مزار سياحي متكامل بالنفود الزلفي جمال طبيعه ماتتصور تقدر تحط ع المطلات شلالات وملاهي تبي تقول حر يضعون الرذاذ والله من اجمل المدن القصيم وحابل نفود اكبر مصدر سياحي