عبدالله بن عبود : عادة سيئة وانتشرت هذه الصفة عند اغلب الناس ⁉️

الوقت الحالي المعزب يكون مشغول وصار عرف الناس تجي عقب العشاء وعندك وقت من العشاء لاخر الليل اشبع تعاليل وتركووو المناقيد طالع باسمك ووجهك وتباشط ضيوفك الحين اللي يعرفك يبي يعتذر منك لاعزمته بسبب مناقيدك

اولا هذي مو عادة سيئة لانها مش عادة أصلا هذي اسمها تعزم ضيفك الي يجيك وقت الأكل احمد ربك انه جاك أصلا جزاه خير انه حضر هذا كرم من الضيف انه جاني حتى لو وقت الأكل المهم انه وجبني وترك حياته وشغله وعياله وناسه انت تعزم وتمن على الناس أكلك !!؟ الضيف معذور حتى لو ما حضر اما المضيف ما هو معذور لو تاخر او تغيب او اجل عزيمته وبعدين تبي الناس كلهم على كيفك ! كل ناس وظروفهم ! وكل ناس وعلاقتهم فيك وكل ناس وصلك قرابتهم لك ! والغريب والعجيب أصلا الناس جيتهم بدري قالوا من ورا ظهرك وش جابه !! وان جيت بوقتك قالوا ليش متاخر وان جيت متاخر قالوا ليش جيت متاخر العالم حالتهم صعبة ! الظاهر بنطلع نظام جديد المضيف تسأله إذا عزمك وش رأيك طال عمرك تتشرط علي الساعة كم أجيك ! عشان يحددلك !! من جد عالم غريبة والمشكلة هو المتحدث يعلم جيداً كيف زحمات الحياة صارت والوقت يرقض وزحمات الشوارع !! ويبي الواحد يصلي المغرب عنده طال عمره ويتعشى الساعة 10 فالليل ويتكئ بعد العشاء إلى 12 لا يحبيبنا كل شيف وظروفه يجي على كيفه ضيفي احمد ربي انه وجبني جزاه خير 👍

إي والله صدق لسانك وعاش منطوقك ولا فض فوك والله من اسو العادات يومك تعزم ربعك او رفيقك ويجيك بعد العشاء بالذات وخاصه اذا زكن عليك وقال تجيني بدري فعلاً أنا عزمتك توقف وتستقبل وترحب معي ياناس الناس وش بلاهم تروا الدنيا ماتغيرت النفوس هي المتغيره نسأل الله السلامة

كل يوم يطلع لنا واحد مثل نوعيته يخترع موضوع ويتكلم البعض اذا تعدا الأربعين شغل سناب وحط فلتر وقام يخترع موضوع يتهيأ له أنه مجتمعي

انت بنفسك لازم تدير هذا الموضوع وتحدد المواعيد حسب ترتيباتك بلغ الشخص اللي انت عازمة بموعد العشاء ، واذا تبغاه يجي قبل بلغه بموعد العشاء وأيضا بلغه انك تبغاه يحضر مثلا بعد المغرب وراح يستجيب لا تفترض ان الجميع بيفهم رغباتك

اجل تبيه يجي من عصر يشغلني ويشغل أهلي ! لاوالله يجي بعد العشاء والليل طويل للي يبي يسهر

متقاعد فاضي

ابو عبود هههههه

ممتاز أفضل وقت يجون الضيفان بعد صلاة العشاء ايش يجون له المغرب ولاهي عادة