علامات تدل إن زوجتك لا تطيقك

أرجو تتقبل مني ، نصحك بإنهاء العلاقة الزوجية غلط كبير ، بل العكس يستمرون بالعلاقة الزوجية ويربّون أولادهم أفضل من التشتت الأسري ، ليس كل البيوت مبنيّة على الحبّ ، الحبّ شئ كمالي في الحياة الزوجية وليس شئ أساسي .

اللي يربط حب المرأة لزوجها بتكشخها اليومي شكله ما عاش مسؤوليات الحياة! إحنا ما وقفنا نحبهم، بس تكبر المسؤوليات: عيال، مصاريف، ديون… وحتى لو جانا مبلغ، نشتري للعيال قبل نفسنا. فـ لا تفتي وتخبب وتوزع شكوكك على خلق الله، لأن كلامك ممكن يخرب بيوت وما يجي منه إلا الشر.

لا تحط زوجتك تحت المجهر. لا تدقق في كل شي. لا تجلس في مكان العائلة ٢٤ ساعة. عطها مساحة ومكان تكون فيه ع طبيعتها. الزوجة أم وترا هي تستمتع بالجلوس مع العيال بدونك، وجودك يقيد الحريات ويخلي المكان رسمي. حاول يكون لك مكان خاص في البيت و هي تمر عليك وتجلس معك وتسولفون فيه. استشعر انها بشر وممكن يمر عليها ايام ماتطيق نفسها. العلاقة الحميمة ماهي واجب لازم تحلة كل يوم. حاول تكون أنثى في بعض الاوقات خصوصاً اذا فتحت موضوع او سولفت، طبيعتنا مانحب تطويل السوالف ولكن تحمل السوالف الطويلة وسو نفسك انك مهتم ومتحمس . امدحها كثير. تذكر ان النساء يختلفون، بعضهم تجي عن ١٠٠ رجال وبعضهم أرق من نسمة الهواء وبعضهم خوافة و بعضهم شاعرية و بعضهم قطوه اهم شي في الحياة عيالها وبعدهم يأتي كل شي ههههههه وبعضهم غيوره على زوجها وبيتها وأنت لازم تجلس مع نفسك وتحلل الموضوع بكل تجرد وحدد نوع زوجتك وعاملها حسب نوعها علشان تستمر الحياة لانك انت قبطان السفينة. عطها حرية التفكير و القرار. اذا زعلت او سمعت صوتها مع احد من العيال حاول تتدخل بشكل كوميدي بدون ماتحاول تعرف الموضوع فقط علشان تغير السالفة وتغير الطاقة السلبية في المكان. خلك في البيت أسد ماتتدخل الا في الاشياء الكايدة. ..وسلامتكم قبل أنسى : انتبة تسمع نصيحة من واحد توه متزوج أمس.

طيب اش مصلحتك انت تقول ذا الكلام اش ناقصك واش ضرك انت هل انت وكيل عالناس هل لك مصلحه طيب ليش تخبب وش حاشرك انت بين الناس انت مثل خرابه البيوت اللي تحرض الحرمه على. زوجها وانت مخبب يعني شايف الرجال بهايم لا عقول لهم ؟؟ اهتمّ بنفسك انت مالك ومال الخلق تدخل مثل الشيطان ما يرتاح حتى

اتقوا الله في أنفسكم وفي بيوت المسلمين لا تشككون الازواج في علاقاتهم وتجعلوا الوساوس تدخل في عقولهم ويستغل الشيطان ذلك ثم تتشتت الاسر وتتهدم البيوت التي كانت قائمة على التفاهم والتغاضي والتعايش والمحبه والاحترام وليس من شروط نجاح الزواج الحب ويكفي التفاهم والتغاضي الاحترام

انقلع والله ما عندك من العلم مثقال ذره اترك الناس بحالها وكلن ابخص بحاله لا تتسبب بتفرقة اسر تسمع كلامك انتبهو يا ناس من هؤلاء المخببين هم فقط ياتو بكلام غريب لغرض المشاهدات ولا فكروا بعواقبها همهم انفسم بس فلا احد ياخذ منهم ولا كلمه

هل صار حب الظهور وابتكار المحتوى يطغى على البشر ابي فائده واضحه من المقطع بمعنى الفائدة الى هالدرجة البحث عن الترند صار هاجس التخبط في ابتكار المحتوى وصنعه بتخبط يابشر اتقوا الله الأسره مو ناقصه هبدوميديا😩

Give your beautiful wife a gift she can cherish forever.

ليش مايكون أهمال الزوج لمشاعرها هو السبب بابتعادها المراه تنتظر الحب والاهتمام من رفيق دربها كلمة حب هدية لو ورده اما يكون مشاعر الزوج غير مهتم حتى لايرى تعبها مع اولادهما ثم يجي على الشيء الخاص فيه ويزعل على تقصير الزوجه وأخيراً الاهتمام يُعطى ولايُطلب

كلامه صحيح خاصه في نقطه عدم التزيين لك 🤗 بس الحل مو تنهي العلاقه لان هذا حل الفاشلين خاصه اذا عندك ابناء و ما فيه اي حركه بطوليه ولا ذكاء ولا مرجله منك الحل انك تكتشف مكان الخلل وتعدل بيتك و تحميه من الفشل طبعا هذا المفروض اول شي يجي في بال الرجال المسؤول الحقيقي 😊

طيب ليه مايتوجه الخطاب للرجل و نسأله ليه زوجته ماتطيقه ؟ اكيد ماصحت من النوم و قررت انها تكرهه ليه نحاسبها على ردة الفعل و ننسى الفاعل !! عجيب